Mateus 6:14 - Biblia Tetun Dili

¹⁴ Se imi perdua ema nebee halo sala hasoru imi, maka imi nia Aman iha lalehan mos sei perdua imi nia sala.

Mateus 6:14 Iomraidhean Croise

Mateus 5:7

Ema sira nebee mak hatudu laran diak ba ema seluk, sira hetan bensaun, tanba Maromak sei hatudu Nia laran diak ba sira.

Mateus 6:12

Perdua ami nia sala, hanesan ami mos perdua ona ba ema nebee halo sala mai ami.

Mateus 7:2

Imi tetu ema nia sala oinsaa, Maromak mos sei tetu imi nunee. I sasukat nebee imi uza ba ema seluk, Maromak sei uza fali sasukat nee ba imi.

Marcos 11:25

Maibee se imi harohan, i imi hirus hela ema ruma, imi tenki baa diak malu tiha lai ho ema nee. Nunee foin Nai Maromak iha lalehan mos diak ho imi, i sei hamoos imi nia sala.

Lucas 6:37

Jesus hanorin nafatin, dehan, “La bele julga ka foo sala ba ema, para ema la julga ka foo sala ba o. La bele duun matak ema, para ema la duun matak o. Foo perdaun ba ema, nunee ema mos foo perdaun ba o.

Efezu 4:32

Maibee imi tenki hadomi malu, i halo diak ba malu. Imi tenki foo perdaun ba malu, hanesan Nai Maromak mos foo ona perdaun ba imi liu hosi Kristu nia mate.

Kolose 3:13

Bainhira ema halo buat ruma la monu ba imi nia laran, komprende deit baa. I se ema ruma halo sala ba imi, foo perdaun ba nia, hanesan mos Maromak foo perdaun ona ba imi nia sala.

Tiago 2:13

Tan bainhira Maromak tesi ita ema nia lia, Nia sei la hatudu laran diak ba ita, se ita la hatudu laran diak ba ema seluk. Maibee se ita hatudu laran diak ba ema seluk, Maromak mos sei hatudu laran diak mai ita.

1 João 3:10

Imi bele hatene ida nebee mak Maromak nia oan, i ida nebee mak diabu nia oan, hanesan nee: see mak la halo buat nebee loos no la hadomi nia maun-alin iha Kristu, ema nee laos Maromak nia oan.