Mateus 6:13 - Biblia Tetun Dili

¹³ Keta husik ami monu ba tentasaun, maibee hasai ami hosi buat aat. [Ita Boot mak Liurai, Ita Boot mak Kbiit Nain, Ita Boot mak ema hotu-hotu adora, too tinan ba tinan nafatin. Amen.]

Mateus 6:13 Iomraidhean Croise

Jenesis 22:1

Liu tiha nee, Maromak koko Abraão. Maromak bolu nia dehan, “Abraão!” Nia hataan, “Nai Maromak.”

Mateus 26:41

Hakaas aan i halo orasaun para imi la bele monu ba tentasaun. Imi nia laran prontu atu halo buat diak, maibee imi nia aan fraku.”

Mateus 28:20

I hanorin sira atu halo tuir buat hotu-hotu nebee mak Hau hatete ona ba imi. Keta haluha, Hau sempre hamutuk ho imi too mundu nee remata.”

Mateus 5:37

Entaun se imi promete atu halo buat ruma, dehan deit, ‘Loos, hau sei halo.’ Se lae, dehan deit, ‘Lae.’ Se imi dehan liu hosi ida nee, entaun liafuan sira nee mai hosi aat nain.”

Mateus 6:10

Mai ukun ema hotu-hotu baa. Tulun ema iha mundu nee atu halo tuir Ita Boot nia hakarak, hanesan sira iha lalehan mos halo tuir.

João 17:15

Bainhira Hau halo orasaun, Hau la husu para Aman hasai sira hosi mundu nee. Maibee Hau husu ba Aman tau matan ba sira, nunee sira dook hosi buat aat.

1 Korintu 10:13

Tentasaun sira nebee imi hasoru, nee hanesan tentasaun baibain nebee ema seluk hasoru ona. Maromak mos sempre kumpri Nia liafuan. Nia sei la husik imi atu hasoru tentasaun nebee liu fali imi nia forsa. Maibee bainhira imi hasoru tentasaun, Nia sei foo dalan ba imi, atu imi bele hamriik metin nafatin.

1 Korintu 14:16

Tanba se ita nia espirittu deit mak hahii Maromak, oinsaa mak ema seluk nebee la komprende bele hahii Maromak hamutuk ho ita? Se ita foo agradese ba Maromak, ema nee la bele hataan, “Amen ka loos duni!”, tanba nia la komprende saida mak ita koalia.

2 Korintu 1:20

Liu hosi Kristu, Maromak dehan “Loos”, nee dehan katak Nia halo tuir buat hotu-hotu nebee Nia promete ona. Liu hosi Kristu mos ita hataan “Amen". Nee dehan katak "loos duni.” Nunee ita foti aas Maromak nia naran.

Galasia 1:4

Kristu foo-Aan ba mate hodi hamoos ita nia sala i hasai ita hosi buat aat iha mundu nee. Nia halo nunee tuir ita nia Aman Maromak nia hakarak.

1 Tesalonika 1:10

Sira mos konta dehan, imi hein hela Nai Maromak nia Oan Jesus fila mai hosi lalehan. Uluk, ema oho tiha Nia, maibee Nai Maromak halo Nia moris fali. I Nai Jesus mak sei salva ita hosi Maromak nia kastigu iha loron ikus.

2 Tesalonika 3:3

Maibee Maromak sempre kumpri buat nebee mak Nia hatete tiha ona. Nia sei foo forsa ba imi, i kuidadu imi hosi aat nain.

1 Timóteo 1:17

Mai ita hotu-hotu hahii Nai Maromak! Nia mak Liurai nebee ukun tinan ba tinan nafatin. Nia moris rohan laek; Nia nunka mate. Ema la bele haree Nia ho matan. So Nia deit mak Maromak; la iha tan seluk! Mai ita hahii i foti aas Nia naran tinan ba tinan nafatin. Amen.

Ebreu 11:36

Balu ema tarata i baku ho sikoti. Balu ema kesi ho korenti hodi hatama ba kadeia laran.

1 Pedro 5:8

Matan moris neon nain, tanba imi nia inimigu diabu hakarak estraga imi, hanesan leaun nebee mak lao baa-mai ho lian makaas hodi buka ema atu haan.

2 Pedro 2:9

Ezemplu hirak nee hatudu katak, Nai Maromak salva ema nebee mak halo tuir Nia hakarak, bainhira sira hasoru tentasaun. Nia mos foo kastigu ba ema nebee mak moris la loos, hodi hein too tempu atu Nia tesi ema hotu-hotu nia lia.

1 João 3:8

Maibee see mak halo sala bebeik, ema nee diabu nia oan, tanba diabu halo sala dezde uluk kedas. Maromak nia Oan mai iha mundu para harahun tiha diabu nia serbisu.

Apokalipse 1:18

Uluk Hau mate tiha ona, maibee agora, haree baa, Hau moris fali ona. Hau sei moris nafatin tinan ba tinan. I Hau mak kaer xavi hodi loke odamatan ba matebian sira nia fatin, Hau mak iha kbiit hodi halo moris fali ema mate sira.

Apokalipse 19:1

Hotu tiha hau rona hanesan ema barak teb-tebes haklalak iha lalehan dehan, “Aleluia! Hahii ba Nai Maromak iha leten aas baa! Ita nia Maromak kbiit boot teb-tebes, Nia mak salva ita.

Apokalipse 19:4

Depois katuas lia nain rua-nulu resin haat ho mos animal moris haat nee hakneak i hakruuk too rai iha Nai Maromak nia kadeira ukun nia oin hodi adora Nia dehan, “Amen, aleluia! Hahii ba Nai Maromak!”

Apokalipse 2:10

Maski nunee imi lalikan tauk kona ba terus nebee mak imi sei hetan. Hau hatete ba imi, diabu sei halo imi balu sai dadur iha kadeia hodi koko imi nia fiar. Imi sei hetan terus too loron sanulu. Maibee imi tenki tuir nafatin Hau too mate, maski ema oho imi. Se imi halo nunee, Hau sei foo prémiu moris rohan-laek nian ba imi.

Apokalipse 21:4

Nia sei hamaran sira nia matan been. La iha tan terus, la iha tan mate ka tanis lelir, la iha tan tristi. Tanba buat sira uluk nian nee liu tiha ona.”

Apokalipse 3:10

Hau uluk haruka imi aguenta ho pasiensia iha terus nia laran, i imi halo tuir duni Hau nia liafuan nee. Tanba nee hau sei kuidadu didiak imi iha tempu susar no terus nebee mak sei mai iha mundu tomak. Maromak sei uza susar ho terus nee hodi koko ema hotu-hotu iha mundu.

Apokalipse 3:14

Tuir mai Ema nee hatete mai hau, “Hakerek hanesan nee ba sarani sira iha sidade Laodiseia: ‘Hau mak Ida nebee ema bolu dehan ‘Amen, loos duni’. Hau sempre foo sasin loloos. Hau mak lalehan ho rai nia huun, ho buat hotu-hotu nebee Nai Maromak halo. Hau nia lia menon mak nee:

Apokalipse 5:13

Tuir mai, hau rona tan kriatura hotu-hotu iha lalehan, iha rai, iha rai okos ho mos iha tasi laran, sira hotu hananu hamutuk dehan, “Ida nebee mak tuur iha kadeira ukun ho mos Bibi Oan, Sira nee mak ami hahii, respeita i foti aas too tinan ba tinan.”