Mateus 6:1 - Biblia Tetun Dili

¹ Jesus hanorin nafatin dehan: “Kuidadu, keta foti aan hodi hatudu imi nia hahalok diak iha ema nia oin para sira haree. Se imi halo nunee, imi nia Aman iha lalehan sei la selu imi nia kolen.

Mateus 6:1 Iomraidhean Croise

Mateus 16:27

Tanba aban-bainrua Hau, Ema Oan sei fila fali mai hosi lalehan ho Hau nia Aman nia naroman nabilan, hamutuk ho Nia anju sira. Iha tempu nee mak Hau sei foo ba ema ida-idak tuir saida mak sira halo.

Mateus 16:6

Depois Jesus hatete ba sira, “Matan moris neon nain! Hadook aan hosi ema Farizeu ho Saduseu sira nia fermentu.”

Mateus 23:13

Depois Jesus hatete ba nai ulun relijiaun Judeu sira dehan, “Imi mestri relijiaun sira ho ema Farizeu sira, imi sei hetan susar. Imi koalia oin ida, hahalok oin seluk. Imi rasik lakohi tama Maromak nia reinu. Se iha ema seluk hakarak tama mos, imi taka odamatan ba sira, atu sira la bele tama.

Mateus 23:5

Serbisu saida deit mak sira halo, so hodi hatudu ba ema seluk haree i gaba. Ezemplu, sira hakerek Maromak nia Liafuan taka ba sira nia reen toos i suku fita iha sira nia batina tutun tuir lei Moisés nian.

Mateus 25:40

Hau sei hataan, ‘Hau hatete loloos ba imi! Bainhira imi halo saida deit ba Hau nia maluk ida, maski ba ema kiik ida mos, nee hanesan imi halo ona mai Hau.’

Mateus 5:16

Imi nia moris mos tenki nunee, imi tenki sai naroman ba ema seluk atu nunee sira bele haree buat diak nebee imi halo. Nunee sira sei hahii imi nia Aman iha lalehan.”

Mateus 5:46

Se imi hadomi deit ema nebee mak hadomi imi, imi atu manaan saida? Tanba kobrador impostu sira gosta han-matak ema maibee sira mos hadomi ema nebee mak hadomi sira.

Mateus 5:48

Aman Maromak iha lalehan hadomi ema hotu-hotu, nunee imi tenki hadomi mos hanesan Nia.”

Mateus 6:16

“Bainhira imi halo jejun, la bele halo imi nia oin tristi hanesan ema laran makerek sira nebee buka oin. Sira hatudu aan nunee para ema bele hatene katak sira jejun hela. Hau dehan loloos ba imi: sira simu hotu ona sira nia kolen.

Mateus 6:9

Nunee, halo orasaun hanesan nee: “Ami nia Aman iha lalehan, tulun ema atu foti aas Ita Boot nia naran santu.

Marcos 8:15

Rona sira koalia kona ba paun, Jesus dehan, “Imi tenki kuidadu ho liurai Erodes no ema Farizeu sira. Sira nia hanorin hanesan fermentu nebee tau ba trigu hodi halo trigu sae.”

Lucas 11:35

Haree didiak para naroman nebee iha imi nia moris nee labele sai fali nakukun.

Lucas 12:1

Iha tempu nebaa, ema rihun ba rihun sena malu hodi mai rona Jesus nia hanorin. Jesus hanorin uluk ba Nia eskolanti sira dehan, “Kuidadu ho ema Farizeu sira. Tanba sira nee koalia oin ida, hahalok oin seluk. Sira nia hahalok nee hanesan fermentu, ema tau ituan deit ba trigu, depois trigu sae.

Lucas 12:15

Depois Jesus dehan ba ema barak nee, “Kuidadu! Matan moris neon nain, para imi la bele kaan ema nia sasaan. Tanba ema nia moris la depende ba nia rikusoin.”

Lucas 16:15

Maibee Jesus dehan ba sira, “Iha ema nia oin, imi hatudu aan hanesan ema nebee moris loos. Maibee Nai Maromak hatene imi nia laran. Iha buat barak mak ema dehan folin boot, maibee Nai Maromak la foo folin.

João 12:43

Lider sira nee gosta liu ema mak gaba sira, dukee Maromak mak gaba sira.

João 5:44

Imi ho imi gosta gaba malu. Maibee imi la interese se Nai Maromak gaba imi, ka lae. Afinal Nia nee, Nai. La iha tan seluk. Nunee, se imi la interese Nia, oinsaa imi bele fiar ba Nia?

Apostolu sira nia Istoria 3:12

Bainhira Pedro haree sira nunee, nia hatete, “Maluk Israel sira, tanba saa mak imi admira nunee? Nusaa mak imi haree bebeik mai ami nunee? Imi hanoin ami mak halo ema nee lao hodi ami nia poder rasik, ka tanba ami moris tuir Nai Maromak nia hakarak?

Galasia 6:12

Ema sira nebee hakarak obriga imi tuir sunat, sira mos fiar ba Jesus Kristu. Maibee sira buka oin para ema Judeu sira seluk bele simu sira. Sira tauk, se sira hanorin dehan, Nai Maromak mos simu ema nebee la tuir lei sunat, entaun ema Judeu bele halo terus sira.

Ebreu 11:26

Iha tempu nebaa ema hatete aat nia tanba nia laran metin ba Kristu, Ema nebee Nai Maromak promete ona hori uluk atu haruka mai. Maibee Moisés konsidera terus ida nee folin liu fali rikusoin rai Ejitu nian tomak, tanba nia laran metin atu aban-bainrua Maromak foo fali buat nebee diak liu tan ba nia.

Ebreu 2:1

Tanba nee, ita tenki kaer metin liu tan lia loos nebee ita rona tiha ona, para ita la bele husik ita nia fiar.

Ebreu 6:10

Nai Maromak nee sempre halo buat nebee loos. Nia sei la haluha imi nia kolen ho imi nia domin ba Nia, tanba hori uluk too agora, imi tulun Maromak nia povu, nee hatudu katak imi mos hadomi Maromak.

2 João 1:8

Kuidadu didiak, keta rona ema sira nee, maibee kaer metin lia loos, para aban-bainrua Maromak bele foo premiu ba imi. Se lae, ami nia serbisu ba imi mos saugati deit.