Mateus 5:7 - Biblia Tetun Dili

⁷ Ema sira nebee mak hatudu laran diak ba ema seluk, sira hetan bensaun, tanba Maromak sei hatudu Nia laran diak ba sira.

Mateus 5:7 Iomraidhean Croise

Marcos 11:25

Maibee se imi harohan, i imi hirus hela ema ruma, imi tenki baa diak malu tiha lai ho ema nee. Nunee foin Nai Maromak iha lalehan mos diak ho imi, i sei hamoos imi nia sala.

Lucas 6:35

Maibee tuir loloos hanesan nee: hadomi o nia inimigu sira, i halo diak ba sira. Foo empresta ba sira, i lalika hein atu sira selu fila fali. Ho nunee, o sei hetan premiu boot, i o sei sai Maromak Aas Liu nia oan. Tanba Maromak mos halo diak ba ema aat ho ema nebee la hatene foo obrigadu.

Roma 11:30

Imi nebee laos Judeu, uluk lakohi rona ba Maromak. Maski nunee, agora Maromak hatudu Nia laran diak ba imi, tanba durante nee ema Judeu lakohi rona ba Maromak.

1 Korintu 7:25

Imi husu hau kona ba feto raan sira. Ita nia Nai la foo hatene mai hau kona ba buat sira nee. Maibee imi bele fiar hau nia liafuan tanba Nai Maromak hatudu nia laran diak mai hau.

2 Korintu 4:1

Maromak hatudu ona Nia domin mai ami hodi haruka ami halao Nia serbisu nee. Tanba nee ami la hakiduk.

Efezu 4:32

Maibee imi tenki hadomi malu, i halo diak ba malu. Imi tenki foo perdaun ba malu, hanesan Nai Maromak mos foo ona perdaun ba imi liu hosi Kristu nia mate.

Kolose 3:12

Nai Maromak hadomi teb-tebes imi i hili ona imi sai Nia povu hodi entrega imi nia moris tomak ba Nia. Nee duni imi tenki sai ema nebee laran diak, ajuda ema iha susar nia laran, haraik aan, laran maus, no pasiensia.

1 Timóteo 1:13

Nia foti hau, maski uluk hau hatete aat Nia i halo terus ema nebee tuir Nia. Jesus la kastigu hau, tanba tempu nebaa hau seidauk fiar ba Nia i la hatene saida mak hau halo.

1 Timóteo 1:16

Maski nunee Nai Maromak hatudu Nia domin boot mai hau. Tan Nia hakarak uza hau hodi hatudu Jesus Kristu nia pasiensia boot liu mai hau. Bainhira sira haree nunee, ema sala nain sira seluk mos bele fiar ba Nia hodi moris ho Nia tinan ba tinan nafatin.

Ebreu 4:16

Entaun mai ita brani hakbesik aan ba Nai Maromak. Nia mak ukun buat hotu-hotu, i Nia sempre hatudu Nia grasa mai ita. Se ita hakbesik aan ba Nia, Nia sei hatudu domin mai ita hodi tulun ita iha tempu susar nia laran.

Ebreu 6:10

Nai Maromak nee sempre halo buat nebee loos. Nia sei la haluha imi nia kolen ho imi nia domin ba Nia, tanba hori uluk too agora, imi tulun Maromak nia povu, nee hatudu katak imi mos hadomi Maromak.

Tiago 2:13

Tan bainhira Maromak tesi ita ema nia lia, Nia sei la hatudu laran diak ba ita, se ita la hatudu laran diak ba ema seluk. Maibee se ita hatudu laran diak ba ema seluk, Maromak mos sei hatudu laran diak mai ita.

Tiago 3:17

Maibee matenek nebee mai hosi Maromak mak nee: moos, lori dame, laran maus, konsidera ema seluk, laran diak, foo fuan diak, gosta ajuda ema, la haree ba ema boot ka kiik, i la finjidu.

1 Pedro 2:10

Uluk imi laos Nai Maromak nia povu, maibee agora imi sai ona Nia povu. Uluk imi seidauk simu Maromak nia domin, maibee agora imi simu ona.