Mateus 5:4 - Biblia Tetun Dili

⁴ Ema sira nebee tanis ho laran susar, sira hetan bensaun, tanba Maromak sei hamaran sira nia matan been.

Mateus 5:4 Iomraidhean Croise

Lucas 16:25

Maibee Abraão hataan, ‘Oan, keta haluha, uluk o sei moris iha mundu, o simu buat diak hotu, o la falta buat ida. Maibee Lázaro so hetan terus deit. Agora Maromak halo haksolok Lázaro iha nee, i o terus teb-tebes iha nebaa.

Lucas 6:21

Imi nebee agora hamlaha, imi hetan bensaun, tanba Maromak sei halo imi bosu. Imi nebee agora tanis, imi hetan bensaun, tanba imi sei hamnasa.

Lucas 6:25

Imi nebee hahaan iha hela deit, sei terus, tanba imi sei hamlaha boot. Imi nebee hamnasa, sei terus, tanba imi sei tanis halerik.

Lucas 7:38

Nia baa hamriik iha Jesus nia kotuk, besik loos Nia ain. Nia tanis too nia matan been turu kona Jesus nia ain, depois nia hamaran matan been nee ho nia fuuk. I nia mos rei Jesus nia ain fila-fila hodi kose mina morin baa.

Lucas 7:50

Maibee Jesus hatete ba feto nee, “Tanba o nia fiar mai Hau, nee mak o hetan salvasaun. Fila ho laran hakmatek.”

Tiago 1:12

Maromak foo bensaun boot ba ema nebee aguenta ho pasiensia bainhira hasoru susar oi-oin. Bainhira nia manaan, Maromak sei foo koroa ida ba nia. Koroa nee mak moris nebee Maromak promete ona atu foo ba ema nebee hadomi Nia.

Apokalipse 21:4

Nia sei hamaran sira nia matan been. La iha tan terus, la iha tan mate ka tanis lelir, la iha tan tristi. Tanba buat sira uluk nian nee liu tiha ona.”