Mateus 5:3 - Biblia Tetun Dili

³ Jesus hanorin nunee: ”Ema sira nebee senti kiak iha Maromak nia futar oin no depende ba Nia, sira hetan bensaun, tanba sira nee Maromak nia ema.

Mateus 5:3 Iomraidhean Croise

Mateus 11:25

Iha tempu nee, Jesus agradese ba Maromak dehan, “Hau nia Aman, lalehan ho rai nia Nain, Hau agradese ba Ita Boot, tanba Ita Boot taka buat sira nee ba ema matenek ho ema eskola boot, maibee Ita Boot hatudu fali ba ema nebee kiik.

Mateus 11:6

Ema nebee fiar nafatin mai Hau too rohan, nia hetan bensaun. ”

Mateus 13:16

Maibee imi nee hetan bensaun tanba imi nia matan haree, imi nia tilun rona.

Mateus 19:14

Entaun Jesus dehan, “Husik labarik sira nee mai Hau, la bele bandu. Tanba ema hanesan sira nee mak sai Maromak nia reinu.”

Mateus 24:46

Sorti boot atan nebee bainhira nia patraun fila ba uma, nia haree atan nee serbisu hela.

Mateus 25:34

Nudar Liurai, Hau sei hatete ba ema sira nebee iha Hau nia sorin loos nee dehan, ‘Imi sira nebee mak Hau nia Aman foo bensaun, mai tama ona ba imi nia fatin iha reinu lalehan. Fatin nee prepara nanis tiha ona ba imi bainhira Maromak halo mundu nee.

Mateus 3:2

Nia foo sai dehan, “Husik ona imi nia sala, tanba Maromak nia tempu hodi ukun besik ona.”

Mateus 8:11

Rona mai. Ema barak sei mai hosi fatin-fatin, hosi lorosae i loromonu, sira sei mai tuur haan hamutuk ho Ita nia bei-ala Abraão, Isac no Jacó iha Maromak nia reinu iha lalehan.

Marcos 10:14

Jesus haree nunee, Nia hirus Nia eskolanti sira hodi dehan, “Husik labarik sira mai Hau. Keta bandu! Tanba ema hanesan sira nee, mak Nai Maromak nia ema.

Lucas 11:28

Jesus hataan, “Maibee ema nebee rona Nai Maromak nia liafuan i halo tuir, nia mak hetan bensaun boot liu.”

Lucas 18:14

Hotu tiha, ema nain rua nee fila ba uma.” Jesus hatutan tan, “Hau hatete ba imi, ema kobrador impostu nee fila ba uma nudar ema moris loos, maibee ema Farizeu lae. Tanba ema nebee foti aan, Maromak sei hatuun, i ema nebee haraik aan, Maromak sei foti aas.”

Lucas 22:29

Hau nia Aman foti ona Hau sai Liurai hodi ukun. Nunee mos, agora Hau foti imi hodi ukun,

Lucas 22:30

atu nunee bainhira Hau kaer ukun, imi bele tuur iha meza hodi haan-hemu hamutuk ho Hau. I imi mak sei ukun suku sanulu resin rua iha Israel.”

Lucas 4:18

“Nai Maromak nia Espiritu iha Hau. Tanba Nia foti ona Hau para foo sai Novidade Diak ba ema kiak sira. Nia haruka ona Hau foo hatene dehan, ema dadur sira sei livre fali, ema matan delek sira sei haree moos fali, sira nebee ema hanehan, sei moris livre,

João 20:29

Jesus foo hatene tan ba nia dehan, “Tome! O fiar Hau moris fali ona, tanba o haree Hau ho o nia matan rasik. Maibee bensaun boot liu ba ema nebee la haree Hau, maibee fiar.”

Tiago 1:10

I ema riku nebee fiar ona ba Nai Jesus, bainhira Maromak halo nia haraik aan, nia mos tenki haksolok. Tanba ema riku sei la dura, hanesan ai funan nebee la kleur namlaik ona.

Tiago 1:12

Maromak foo bensaun boot ba ema nebee aguenta ho pasiensia bainhira hasoru susar oi-oin. Bainhira nia manaan, Maromak sei foo koroa ida ba nia. Koroa nee mak moris nebee Maromak promete ona atu foo ba ema nebee hadomi Nia.

Tiago 2:5

Maun-alin doben sira, rona mai. Nai Maromak hili ona ema kiak tuir mundu nia haree, atu sai riku iha fiar. Maromak nudar Liurai hili ona sira hodi sai Maromak nia reinu nebee Nia promete ona atu foo ba Nia povu nebee hadomi Nia.

Apokalipse 19:9

Depois anju nee dehan mai hau, “Hakerek nunee: See mak hetan konvite atu mai asisti Bibi Oan nia festa kazamentu nee, sira hetan bensaun.” Anju nee hatutan tan dehan, “Nai Maromak nia liafuan nee loos duni!”

Apokalipse 22:14

Ema nebee fasi tiha ona sira nia hena too moos, sira hetan bensaun. Tanba sira mak iha direitu tama ba sidade laran liu hosi portaun para bele haan ai fuan nebee foo moris rohan-laek.

Apokalipse 3:17

Imi dehan imi riku no moris diak ona, la presiza tan buat seluk. Maibee imi la hatene katak, imi hanesan fali ema nebee susar liu, moris la diak, kiak rabat rai, matan delek, i isin molik.