Mateus 5:22 - Biblia Tetun Dili

²² Maibee Hau hatete ba imi, ‘See mak hirus nia maun-alin ida, nia sei hetan kastigu. See mak tolok nia maun-alin ida, nia sei baa hataan iha tribunal. I see mak hirus ema seluk dehan, ‘O beik-teen’, ema nee lao dadauk ona ba iha ahi infernu nebee lakan.

Mateus 5:22 Iomraidhean Croise

Jenesis 37:4

Bainhira nia maun sira haree sira nia aman hadomi liu José, sira odi loos nia, too sira mos la koalia diak tan ho nia.

Jenesis 37:8

I sira siak José dehan, “O mak atu ukun fali ami ka?” Nunee sira odi nia liu tan, tanba nia foo sai mehi nee.

Mateus 10:17

Maibee kuidadu, tanba ema sei mai kaer imi hodi lori imi ba iha tribunal relijiaun nian. Sira sei baku imi ho sikoti iha sira nia uma kreda laran.

Mateus 10:28

La bele tauk ema nebee mak hakarak oho imi, tanba sira so bele oho deit imi nia isin lolon, imi nia klamar sira la bele oho. Diak liu imi tauk ba Maromak, tanba Nia mak iha kbiit hodi oho imi nia isin lolon i soe imi nia klamar ba infernu.

Mateus 12:24

Maibee bainhira ema hosi grupu relijiaun Farizeu rona nunee, sira dehan, “Ema nee bele duni sai espiritu aat tanba Nia simu kbiit hosi Belzebu, espiritu aat sira nia xefi.”

Mateus 17:5

Pedro sei koalia hela nunee, derepenti kalohan nabilan ida tuun mai falun tiha sira. I lian ida sai hosi kalohan nee dehan, “Ida nee Hau nia Oan doben. Nia halo Hau nia laran haksolok teb-tebes. Imi tenki rona Nia!”

Mateus 18:21

Depois Pedro mai husu ba Jesus, “Nai, se hau nia maluk ida halo sala hasoru hau, hau tenki perdua nia dala hira? Too dala hitu ka?”

Mateus 18:35

Jesus taka Nia komparasaun dehan, “Hau nia Aman iha lalehan mos sei halo nunee ba imi ida-idak, se imi la foo perdaun ba imi nia maluk ho fuan-laran tomak.”

Mateus 23:15

Imi mestri relijiaun sira ho ema Farizeu sira, imi sei hetan susar. Imi koalia oin ida, hahalok oin seluk. Imi lao lemo-lemo rai too hakur tasi hodi buka ema ida para tuir imi nia relijiaun. Maibee bainhira imi hetan tiha, imi halo nia moris aat liu fali too nia hetan kastigu iha infernu todan liu fali imi dala rua.

Mateus 23:33

He! Imi hanesan samea nebee fila lia tuun-sae! Oinsaa imi bele halai sees hosi kastigu iha infernu?

Mateus 25:41

Depois Hau hatete ba ema sira nebee iha Hau nia sorin karuk dehan, ‘Sai tiha hosi nee, imi sira nee hetan ona malisan. Baa tama iha ahi laran nebee mak nunka mate. Ahi nee prepara tiha ona ba diabu ho nia anju sira.

Mateus 26:59

Nai lulik nia xefi sira ho tesi lian nain relijiaun Judeu sira seluk buka hela ema atu foo sasin falsu para bele kastigu mate Jesus.

Mateus 3:17

Depois lian ida hosi lalehan hatete, “Ida nee mak Hau nia Oan Doben. Nia halo Hau nia laran haksolok teb-tebes.”

Mateus 5:34

Maibee Hau hatete ba imi, la bele halo juramentu ba saida deit. La bele jura temi lalehan, tanba lalehan nee fatin hodi Maromak tuur kaer ukun.

Mateus 5:44

Maibee Hau hatete ba imi, hadomi imi nia inimigu sira, i harohan ba Maromak para tulun ema nebee halo terus imi.

Marcos 14:55

Iha uma laran, nai lulik Judeu nia xefi sira koalia ho membru sira hosi Tribunal Relijiaun Judeu nian. Sira hotu buka Jesus nia sala atu hamonu Nia, para bele kastigu mate Nia. Maibee sira buka Jesus nia sala, la hetan.

Marcos 15:1

Dadeer-san rai-huun mutin, ema hotu iha tribunal nee, kombina atu oho Jesus. Depois sira kesi tiha Jesus, i lori ba governador Pilatus.

Lucas 12:5

Agora Hau foo hatene ba imi, see mak imi tenki tauk. Imi tenki tauk mak Nai Maromak. Tanba Nia bele oho imi nia isin, depois Nia mos iha kbiit hodi soe imi ba infernu. Nunee imi tenki tauk mak Nia.

Lucas 22:66

Iha dadeer-saan, loro matan foin sae, ema Judeu nia ulun boot sira halibur malu. Sira nee mak: lideransa sira, nai lulik nia xefi sira ho mestri relijiaun sira. Depois ema nebee hein Jesus lori Nia baa aprezenta ba sira para tesi Nia lia.

João 11:47

Entaun nai lulik nia xefi sira, ho ema Farizeu sira halibur hodi foo hanoin ba malu. Sira husu, “Ema nee halo milagre oi-oin. Ita tenki halo saida?

João 15:25

Maibee buat sira nee hotu akontese tuir saida mak hakerek ona iha Maromak nia Eskritura Sagrada dehan, ‘Sira odi Hau, maibee la iha razaun ida.’

João 7:20

I ema barak nee husu, “O koalia saida mak nee? Karik espiritu aat tama ona iha o. See mak atu oho o?”

João 8:48

Ema Judeu nia boot sira hataan, “Ami dehan loos duni. Tan ami dehan ona, O nee, laos ema Judeu isin, maibee O ema Samaria. Espiritu aat tama iha O.”

Apostolu sira nia Istoria 17:18

Paulo mos debate ho matenek nain sira hosi grupu rua, grupu ida naran Epikurus i ida naran Stoa. Bainhira nia koalia kona ba Jesus dehan Nia moris fali ona hosi mate, iha ema balu dehan, “Keta baa rona ema regador nee!” Balu tan hatete, “Nia hakarak obriga ita adora ema rai seluk nia maromak.”

Apostolu sira nia Istoria 22:30

Iha aban fali, komandante sei hakarak buka hatene loloos lia nee nia huun oinsaa. Entaun nia haruka soldadu sira baa bolu nai-lulik Judeu nia ulun sira ho ema boot sira seluk nebee baibain tesi lia, para tuur hamutuk iha tribunal. Nia mos haruka kore tiha korenti iha Paulo, i lori nia baa aprezenta iha sira nia oin.

Apostolu sira nia Istoria 23:1

Too iha nebaa, sira haruka Paulo defende nia aan. Nia hateke didiak ba tesi lia nain sira hotu, hodi dehan, “Nai Maromak hatene katak komesa hosi kiik too agora, hau serbii Nia ho laran moos.”

Apostolu sira nia Istoria 24:20

Tan nee, senhor husu took ba ema sira iha nee, momentu sira tesi hau nia lia iha tribunal relijiaun nian, sira hetan hau nia sala saida? La hetan buat ida.

Apostolu sira nia Istoria 4:15

Entaun sira haruka sira nain rua sai ba liur, atu sira husu liafuan ba malu.

Apostolu sira nia Istoria 5:21

Nunee iha dadeer-saan nakukun sira baa ona iha Nai Maromak nia Uma Kreda Boot nia kintal laran hodi hanorin. Bainhira nai-lulik Judeu sira nia boot ho nia kolega sira hasoru malu fali, sira halibur lider relijiaun Judeu sira hodi tesi lia kona ba apostolu sira. Depois sira haruka ema seguransa baa hasai apostolu sira hosi kadeia.

Apostolu sira nia Istoria 5:27

Depois sira lori apostolu sira ba iha tribunal. I nai-lulik boot husu ba sira,

Apostolu sira nia Istoria 6:12

Sira tau lia ba povu, too katuas lia nain sira, ho mestri relijiaun sira mos rona. Entaun sira hirus. I sira baa kaer Estevão lori baa aprezenta iha justisa nain relijiaun sira.

Apostolu sira nia Istoria 6:15

Ema hotu iha tribunal fihir ba Estevão, sira haree nia oin hanesan tiha anju nia oin.

Apostolu sira nia Istoria 7:37

Moisés nee mak foo hatene ba povu Israel dehan, ‘Nai Maromak sei foti ema ida hosi imi nia leet hodi sai Nia profeta, hanesan Nia foti ona hau.’

Roma 12:10

Hadomi malu hanesan maun-alin. Hatudu uluk respeitu ba malu.

1 Korintu 6:10

naok-teen, matan naklosu ba osan, lanu-teen, hatete aat ema, ka han-matak ema nia sasaan. See mak moris hanesan nee sei la tama iha Maromak nia reinu.

1 Korintu 6:6

Too imi lori fali imi nia maluk sarani baa kesar iha tribunal, ba iha ema sira nebee la fiar Maromak.

1 Tesalonika 4:6

La bele book maluk kristaun nia kaben. Nai Maromak sei foo kastigu ba ema nebee halo sala sira nee. Buat sira nee ami foo atensaun fila-fila ba imi hori uluk kedas.

Tito 3:2

La bele hatete aat ema i la bele istori malu. Hatudu laran maus ho laran diak ba ema hotu.

Ebreu 12:25

Tanba nee bainhira Nai Maromak koalia ba imi, see tilun didiak hodi rona. Uluk Moisés hatoo Maromak nia liafuan iha mundu nee, maibee ita nia bei-ala sira lakohi rona. Nee mak Maromak kastigu sira. Saa tan ita, se ita lakohi rona Maromak koalia mai ita hosi lalehan.

Ebreu 5:9

Nee mak Nia serve atu sai salvador hodi salva ema nebee halo tuir Nia hakarak para sira bele hetan moris rohan-laek.

Tiago 2:20

Beik-teen! Se o fiar ba Maromak maibee la hatudu hahalok diak, fiar nee mate ona. Too bainhira loos mak o rekonhese ida nee?!

Tiago 3:6

Ita bele kompara ibun hanesan ahi. Iha ita nia isin lolon, ita nia ibun nakonu ho buat aat, nebee estraga ita nia aan. Nee hanesan ibun lori ahi infernu nian hodi sunu motuk ita nia moris tomak.

1 Pedro 2:23

Bainhira ema tolok Nia, Nia la kontra hasoru. Bainhira ema halo Nia terus, Nia la ameasa atu halo aat fali sira. Maibee Nia entrega Nia Aan ba Nai Maromak nia liman, tanba Maromak mak tesi lia ho loloos.

1 Pedro 3:9

Se ema ruma halo aat ba imi, la bele halo aat fali ba sira. Se ema ruma hatete aat imi, la bele hatete aat fali sira, maibee foo bensaun ba sira, tanba Nai Maromak bolu imi atu halo nunee para imi mos hetan bensaun.

1 João 2:9

Ema nebee dehan nia moris iha naroman laran maibee sei odi ema ida nebee fiar ba Kristu, ema nee sei moris nafatin iha nakukun laran.

1 João 3:10

Imi bele hatene ida nebee mak Maromak nia oan, i ida nebee mak diabu nia oan, hanesan nee: see mak la halo buat nebee loos no la hadomi nia maun-alin iha Kristu, ema nee laos Maromak nia oan.

1 João 5:16

Se karik imi haree imi nia maluk sarani ida halo sala, maibee laos sala ida nebee bele lori nia ba mate, entaun imi tenki harohan ba Maromak para salva nia, i Nai Maromak sei foo moris ba nia. Hau haruka imi harohan ba ema nebee nia sala la lori nia ba mate. Iha mos sala balu nebee lori ema ba mate tinan ba tinan. Se imi nia maluk sarani ruma halo sala hanesan nee, hau la haruka imi harohan ba nia.

Judas 1:9

Maibee anju sira nia boot Miguel, bainhira Moisés foin mate, nia haksesuk malu ho diabu kona ba see mak sei hetan Moisés nia mate isin. Iha tempu nebaa Miguel la brani julga diabu no hatete aat nia. Miguel so dehan deit, “Nai Maromak sei kastigu o.”

Apokalipse 20:14

Hotu tiha mate sira nia fatin soe tiha ba iha ahi lakan boot nebee nunka mate nia laran, i Mate mos soe hotu iha nebaa. Ahi lakan boot nee mak ema bolu dehan, “mate ba dala rua”.