Mateus 5:19 - Biblia Tetun Dili

¹⁹ Nunee, see mak halakon Maromak nia ukun fuan ruma mezmu ke hanoin lei nee kiik-oan deit, i hanorin ema seluk atu lalika halo tuir, Maromak sei konsidera nia ema kiik liu iha Nia reinu. Maibee see mak moris tuir ukun fuan sira nee i hanorin ema seluk mos atu halo tuir, Maromak sei konsidera nia ema boot iha Nia reinu.

Mateus 5:19 Iomraidhean Croise

Mateus 11:11

Hau hatete loloos ba imi, iha mundu nee la iha ema ida nebee moris hosi inan ida nebee boot liu João Sarani Nain. Maski nunee, ema nebee kiik liu iha Reinu lalehan nian nia sei boot liu João.

Mateus 19:28

Jesus hatete ba sira, “Hau dehan loloos ba imi, bainhira Maromak halo buat hotu sai foun, Hau, Ema Oan sei tuur iha kadeira ukun, i naroman lalehan nian haleu hela Hau. Imi sira nebee agora tuir Hau mos sei tuur iha kadeira ukun sanulu resin rua hodi tesi Israel nia suku sanulu resin rua nia lia.

Mateus 20:26

Maibee imi la bele halo hanesan nee. See mak hakarak sai boot, nia tenki haraik aan hodi serbii ema seluk.

Mateus 28:20

I hanorin sira atu halo tuir buat hotu-hotu nebee mak Hau hatete ona ba imi. Keta haluha, Hau sempre hamutuk ho imi too mundu nee remata.”

Lucas 1:15

Nai Maromak sei konsidera nia nudar ema boot. Durante nia moris tomak, imi nia oan nee la bele hemu tua no tua manas. Nia sei nakonu ho Maromak nia Espiritu Santu dezde iha nia inan nia kabu-laran.

Lucas 11:42

Imi ema Farizeu sira, imi sei susar. Bainhira imi kuu modo tahan iha toos, imi badinas foo parte ida hosi sanulu ba Maromak. Too modo tahan kiikoan-kiikoan hanesan ortelaun ho ruku mos imi foo. Maibee kona ba justisa ho hadomi Nai Maromak, imi la interese. Tuir loloos justisa ho domin nee mak importante. Maibee, keta haluha foo mos parte ida hosi sanulu ba Maromak.

Lucas 9:48

Nia hatete ba sira, “See mak simu labarik nee hodi Hau nia naran, nia simu Hau. I see mak simu Hau, nia simu mos Ida nebee haruka Hau mai. Ema nebee haraik aan nudar ema kiik, nia mak boot liu iha Maromak nia futar oin.”

Apostolu sira nia Istoria 1:1

Hau Lucas, hatoo hau nia respeitu ba senhor Teófilo. Iha hau nia livru dahuluk, hau hakerek ona kona ba buat hotu-hotu nebee Nai Jesus halo ona, ho buat hotu-hotu nebee mak Nai Jesus hanorin ona, komesa hosi Nia hahuu Nia serbisu too Nia sae fila fali ba lalehan. Maski ema oho tiha ona Nia , maibee Nai Maromak halo Nia moris fila fali. Depois Jesus hatudu Aan ba Nia apostolu sira fila-fila durante loron haat-nulu, hodi hatudu loloos katak Nia moris fali duni. Nia mos foo hatene ba sira kona ba Nai Maromak nia reinu. I apostolu sira nebee Nia hili ona nee, Nia foo instrusaun ba sira ho Espiritu Santu nia poder.

Roma 3:8

Se ida nee loos duni, entaun bele mos dehan, “Diak liu ita halo buat aat, atu buat nebee diak mos bele aumenta.” Iha ema balu duun hau dehan hau mak hanorin hanesan nee. Ema nebee koalia hanesan nee, merese duni hetan kastigu hosi Maromak.

Roma 6:1

Se nunee, agora ita atu dehan saida? Keta halo be ema ruma hanoin nunee: “Se Maromak hatudu Nia laran diak ba ema nebee mak halo sala, entaun diak liu ita halo sala nafatin atu nunee Maromak hatudu liu tan Nia laran diak mai ita.”

Roma 6:15

Se ita la moris ona iha lei relijiaun judeu nia okos, maibee Maromak nia grasa mak domina fali ita, entaun ita bele moris nafatin iha sala nia laran ka? La bele!

1 Timóteo 6:11

Timóteo, o Nai Maromak nia ema. Nunee, hadook aan hosi buat aat sira nee hotu, i hakaas aan atu moris iha lia loos, tuir Maromak nia hakarak. Hakaas aan hodi fiar nafatin ba Jesus Kristu, hadomi ema seluk, aguenta iha terus laran, i laran maus.

Tito 3:8

Liafuan sira nee loos duni. Buat nebee hau hanorin nee diak, i iha folin boot ba ema hotu. Nee duni hau husu atu o foo sai fila-fila buat sira nee ba ema sira nebee fiar ba Maromak, atu sira hotu-hotu hakaas aan halo diak ba ema.

1 Pedro 5:4

Se imi halo nunee, aban-bainrua bainhira bibi atan sira nia Boot fila fali mai, imi sei simu koroa naroman nabilan, i koroa nee nunka namlaik.

1 João 3:4

Ema nebee halo sala, nia kontra Nai Maromak nia ukun fuan. Tanba sala katak lakohi halo tuir Nia ukun fuan.

Apokalipse 2:20

Maibee iha buat ida mak Hau kontra: Imi husik deit feto Jezabel hanorin sala. Nia foti aan dehan nia Maromak nia profeta ida. Maibee nia hanorin sarani sira lao sala dalan, too sira mos halo relasaun seksual ho ema nebee laos sira nia feen ka laen i haan fali hahaan nebee ema oferese tiha ona ba estatua lulik.