Mateus 5:18 - Biblia Tetun Dili

¹⁸ Hau hatete ba imi, bainhira lalehan ho rai sei iha, buat hotu nebee hakerek iha lei nee, mezmu ke letra kiik-oan liu ida, ka pontu ida mos sei la lakon, too buat hotu nebee Maromak hatete, sai realidade.

Mateus 5:18 Iomraidhean Croise

Mateus 10:15

Hau hatete loloos ba imi, iha loron ikus bainhira Maromak tesi ema hotu-hotu nia lia, ema iha aldeia nee sei simu kastigu todan liu fali ema aat sira nebee uluk hela iha rai Sodoma no Gomora.”

Mateus 10:23

Bainhira ema halo terus imi iha sidade ida tanba imi fiar mai Hau, halai ba sidade seluk. Hau hatete loloos ba imi, imi seidauk haleu sidade hotu iha Israel laran, Hau Ema Oan fila fali mai ona.

Mateus 10:42

Hau dehan loloos ba imi, see mak foo bee kopu ida deit ba ema kiik ida tanba ema nee tuir Hau, Maromak la haluha nia kolen.”

Mateus 11:11

Hau hatete loloos ba imi, iha mundu nee la iha ema ida nebee moris hosi inan ida nebee boot liu João Sarani Nain. Maski nunee, ema nebee kiik liu iha Reinu lalehan nian nia sei boot liu João.

Mateus 13:17

Hau hatete loloos ba imi, uluk profeta barak ho ema seluk nebee moris loos, hakarak teb-tebes atu haree buat nebee mak agora imi haree, maibee sira la haree. Sira hakarak teb-tebes atu rona buat nebee agora imi rona, maibee sira la rona.”

Mateus 16:28

Hau hatete loloos ba imi, hosi imi sira nee, balu sei moris too haree Hau, Ema Oan mai ukun nudar Liurai, mak foin sira mate.”

Mateus 17:20

Jesus hataan, “Tanba imi nia fiar fraku. Hau dehan loloos ba imi, se imi nia fiar kiik-oan deit hanesan ai musan kiik oan ida mos, imi bele foo orden ba foho ida dehan ‘Muda hosi nee, baa iha nebaa.’ I foho nee sei muda duni. La iha buat ida nebee imi la bele halo.

Mateus 18:18

Hau hatete loloos ba imi, saida mak imi bandu iha mundu nee, iha lalehan mos bandu. I saida mak imi foo lisensa atu halo iha mundu nee, iha lalehan mos foo lisensa.

Mateus 18:3

i Nia dehan ba sira, “Hau hatete loloos ba imi, see mak atu sai Maromak nia reinu, nia tenki husik nia sala hodi sai hanesan labarik kiik ida nee.

Mateus 19:23

Depois Jesus dehan ba Nia eskolanti sira, “Hau hatete loloos ba imi, susar teb-tebes ema riku ida atu tama ba Reinu Lalehan.

Mateus 19:28

Jesus hatete ba sira, “Hau dehan loloos ba imi, bainhira Maromak halo buat hotu sai foun, Hau, Ema Oan sei tuur iha kadeira ukun, i naroman lalehan nian haleu hela Hau. Imi sira nebee agora tuir Hau mos sei tuur iha kadeira ukun sanulu resin rua hodi tesi Israel nia suku sanulu resin rua nia lia.

Mateus 21:21

Jesus hataan, “Hau hatete loloos ba imi, se imi fiar i fiar nee la nakdoko, imi mos bele halo saida mak Hau halo ona ba ai figeira huun nee. Laos ida nee deit, maibee imi mos bele haruka foho nee muda ba iha tasi laran, i sei muda duni.

Mateus 21:31

Konta tiha hotu, Jesus husu ba sira, “Tuir imi nia hanoin, oan rua nee, ida nebee mak halo tuir nia aman nia hakarak?” Sira hataan, ‘Oan mane boot.’ Jesus dehan ba sira, “Hau hatete loloos ba imi, kobrador impostu ho feto luroon sira sei tama iha Maromak nia reinu uluk fali imi.

Mateus 23:36

Hau hatete loloos ba imi, sira hotu nia mate, imi nebee moris agora mak lori todan.”

Mateus 24:2

Maibee Jesus hataan, “Imi haree didiak baa! Hau hatete loloos ba imi, too loron ida, buat sira nee sei rahun hotu. Fatuk sira nee hotu sei tetuk too rai.”

Mateus 24:47

Hau hatete loloos ba imi, patraun sei foti nia hodi toma konta nia rikusoin hotu.

Mateus 25:12

Maibee noivu hataan, ‘Hau dehan loloos ba imi, hau la konhese imi.’ ”

Mateus 25:40

Hau sei hataan, ‘Hau hatete loloos ba imi! Bainhira imi halo saida deit ba Hau nia maluk ida, maski ba ema kiik ida mos, nee hanesan imi halo ona mai Hau.’

Mateus 25:45

Hau sei hataan, ‘Hau hatete loloos ba imi! Bainhira imi la halo buat sira nee ba Hau nia maluk ida, maski la halo ba ema kiik ida mos, nee hanesan imi la halo mai Hau.’

Mateus 5:26

Hau dehan loloos ba o, o selu kotu tiha o nia tusan mak foin bele sai hosi kadeia.”

Mateus 6:16

“Bainhira imi halo jejun, la bele halo imi nia oin tristi hanesan ema laran makerek sira nebee buka oin. Sira hatudu aan nunee para ema bele hatene katak sira jejun hela. Hau dehan loloos ba imi: sira simu hotu ona sira nia kolen.

Mateus 6:2

Bainhira o foo ezmola ba ema ruma, la bele konta ba-mai hanesan ema laran makerek nebee buka oin. Sira sempre konta sira nia diak iha uma kreda laran ho mos iha estrada ibun para ema bele gaba sira. Hau dehan loloos ba imi, sira simu hotu ona sira nia kolen.

Mateus 8:10

Rona nunee, Jesus admira, i Nia hatete ba ema sira nebee tuir Nia, “Hau dehan loloos ba imi, Hau seidauk haree ema Israel ida nebee fiar makaas hanesan ema Roma nee.

Marcos 10:15

Imi hanoin didiak! See mak atu sai Nai Maromak nia ema, nia tenki hanoin Nai Maromak hanesan labarik sira hanoin sira nia inan-aman . Se lae, sira la serve atu sai Nai Maromak nia ema.”

Marcos 10:29

Jesus hataan, “Hau hatete ba imi nunee: See mak tuir Hau, i husik hela nia inan-aman, nia maun-alin, nia oan sira, nia toos, nia serbisu, i nia uma laran tomak, hodi foo sai Nai Maromak nia Novidade Diak, Nai Maromak sei foo fali dala atus ida. Buat hotu-hotu nebee nia husik nee, nia sei simu fali barak liu tan. Nia mos sei hetan terus, tanba nia tuir Hau. Maibee bainhira mundu nee remata, nia sei moris hamutuk ho Nai Maromak tinan ba tinan. Ida nee mak nia simu.

Marcos 11:23

Se imi fiar teb-tebes, imi bele haruka foho ida muda tiha ba tasi laran. I Nai Maromak sei muda foho nee, naran katak imi fiar tebes.

Marcos 12:43

Depois Jesus bolu Nia eskolanti sira hodi hatete, “Imi haree took feto faluk kiak nee. Nia foo osan doit rua deit, maibee nia foo boot liu ema hotu-hotu.

Marcos 13:30

Agora, rona didiak! Hosi ema hotu nebee moris agora nee, iha balu sei la mate too tempu terus nee too mai.

Marcos 14:18

Sira tuur hodi haan hamutuk. Bainhira sira haan hela, Jesus komesa koalia, “Imi rona mai! Iha ema ida hosi imi mak sei faan Hau ba ema seluk.”

Marcos 14:25

Rona didiak! Komesa kalan nee, Hau la hemu tan rezultadu hosi ai uvas ona. Too Hau tuur hodi ukun hamutuk ho Hau nia Aman iha lalehan, foin Hau hemu fali.”

Marcos 14:30

Jesus hataan, “Pedro, hanoin didiak! Orsida kalan, molok manu kokoreek dala rua, o sei nega Hau dala tolu, dehan, o la konhese Hau.”

Marcos 14:9

Hanoin didiak! Bainhira ema foo sai Nai Maromak nia Liafuan iha mundu tomak, sira mos sei konta kona ba feto nee nia hahalok diak nee. Nunee, ema hotu bele hanoin kona ba nia.”

Marcos 3:28

Tanba nee, Hau dehan kedas ba imi: Nai Maromak sempre prontu atu hamoos ema nia sala. Se ema koalia aat ema seluk, Nai Maromak bele hamoos nia sala.

Marcos 6:11

Maibee se imi too iha fatin ida, ema lakohi simu imi, i lakohi rona imi, imi tenki sai kedas hosi fatin nee. I baku rai rahun hosi imi nia ain. Ida nee sinal katak, ‘Imi lakohi rona ami, imi rasik mak lori todan nee!’ ”

Marcos 8:12

Jesus dada iis tiha dehan, “Tanba saa mak imi husu milagre ba Hau?! Milagre iha duni, maibee Hau la halo ba imi.”

Marcos 9:1

Imi keta haluha Hau nia liafuan nee: hosi imi nee hotu, imi balu seidauk mate, maibee sei haree Nai Maromak tuur i kaer ukun ho forsa boot.”

Marcos 9:41

Nee duni, hanoin didiak. Se ema hatene katak imi tuir Kristu, mak nia ajuda imi, Nai Maromak mos la haluha ema nee nia kole. Maski nia foo deit bee kopu ida mos, Nai Maromak la haluha nia.”

Lucas 11:51

Nee sura hosi Abel nia mate too iha Zacarias; ema oho Zacarias nee iha meza sakrifisiu ho uma kreda boot nia klaran. Hau hatete loloos ba imi katak sira nia mate hotu, imi nebee moris agora mak tenki lori todan.

Lucas 12:37

Bainhira patraun haree nia atan sira hein hela nia, sira sorti boot. Hau hatete loloos ba imi, patraun rasik sei haruka sira tuur iha meza, depois nia hatais fali ropa atan nian hodi serve nia atan sira nee.

Lucas 13:35

Agora, Maromak husik tiha ona imi nia hela fatin i sai fuik. Maibee Hau hatete ba imi, imi sei la haree tan Hau too imi foo sai dehan, ‘Nai Maromak foo bensaun ba Ema ida nebee mai lori Nai Maromak nia naran.’ ”

Lucas 16:17

Maski Novidade Diak nee foo sai ona, maibee Maromak nia lei sei nafatin. Lalehan ho rai bele lakon, maibee lei nia letra ida deit mos sei la lakon.

Lucas 18:17

Hau hatete loloos ba imi, see mak la simu Maromak nia reinu hanesan labarik oan ida, nia sei la tama iha Maromak nia reinu.”

Lucas 18:29

Jesus dehan ba sira, “Hau hatete loloos ba imi, ema nebee husik ona nia uma, nia kaben, nia maun-alin, nia inan-aman, ka nia oan sira, tanba nia serbii Maromak nudar nia Liurai,

Lucas 23:43

Jesus hataan ba nia, “Hau promete ba o, loron ohin kedas o sei hamutuk ho Hau iha lalehan.”

Lucas 4:24

Maibee Hau hatete loloos ba imi, ema nunka simu Maromak nia profeta iha nia rain rasik.

João 1:51

Tebes duni! Hau foo hatene kedas. Imi sei haree lalehan nakloke, i Maromak nia anju iha lalehan tuun-sae iha Hau nia sorin. Hau nee, Ema Oan.”

João 10:1

Jesus halo komparasaun ida dehan, “Rona mai. Saida mak Hau atu hatete ba imi nee, loos. Bibi malae iha nia luhan. Se ema nebee la tama liu hosi odamatan, maibee sae liu hosi lutu, nia nee, ema naok-teen.

João 10:7

Jesus kontinua foo sai ba sira dehan, “Hau koalia nee, loos. Hau hanesan odamatan ba bibi malae sira nia luhan.

João 13:16

Hau nia koalia nee loos. Atan ida la boot liu nia patraun. I ema nebee haruka ema ida baa, nia boot liu ida nebee baa.

João 13:38

Jesus hataan dehan, “Tebes, ka? O prontu entrega o nia aan ba Hau too mate, ka? Rona mai! Molok manu kokoreek, o nega ona Hau dala tolu.”

João 14:12

Hau nia liafuan nee loos! Ema nebee fiar Hau, nia sei halo buat nebee Hau halo. Maibee, tanba Hau baa hamutuk ho Hau nia Aman, ema nebee fiar Hau sei halo buat nebee Hau halo, i bele halo liu tan.

João 16:20

Diak liu imi buka hatene. Hau hatete loloos ba imi nunee: imi sei tristi no tanis, maibee ema seluk iha mundu nee sira haksolok. Maski imi laran tristi nunee, maibee depois imi sei haksolok fali.

João 16:23

Se nee akontese ona, imi la husu ona buat ida mai Hau. Tebes duni, Hau hatete tan ba imi dehan, se imi husu saida deit ba Hau nia Aman, lori Hau nia naran, Nia sei foo ba imi.

João 21:18

O komprende ona Hau nia hakarak, ka? Hau hakarak hatete nunee: uluk o foin sae, baibain o hatais ropa, no kesi sintu, i o baa nebee deit tuir o nia hakarak. Maibee, bainhira o katuas ona, o lolo o nia liman, ema ruma sei kesi o nia liman ho o nia sintu rasik, i sira lori o baa iha fatin nebee o lakohi baa.”

João 3:11

Hau hatete loloos ba ita. Ami hatene buat sira nee, tan ami sai sasin kona ba buat sira nebee ami haree ona. Maibee imi la simu ho diak ami nia liafuan.

João 3:3

Jesus hataan, “Nee loos! Hau atu dehan nunee: se ema la moris foun, nia la bele haree Maromak nia reinu no la bele sai Maromak nia ema.”

João 3:5

Jesus hataan, “Nee loos! Maibee Hau dehan ba ita: se ema la moris hosi bee no hosi Espiritu, nia la halo parte iha Maromak nia reinu. Ema tenki moris hosi bee para bele sai moos, i moris hosi Espiritu para sai ema foun. Ho nunee, foin bele sai Nai Maromak nia ema.

João 5:19

I Jesus foo hatene ba sira dehan, “Loos! Hau foo hatene dehan, Hau la bele halo buat ida hosi Hau nia aan rasik. Tan Hau Nai Maromak nia Oan. Nee mak Hau so bele halo tuir buat nebee Hau haree Hau nia Aman halo. Hau nia Aman halo saida, ida nee mak Hau halo tuir.

João 6:26

Jesus hataan, “Hau hatete loloos nunee: imi buka Hau laos tanba imi haree ona milagre. Maibee imi buka Hau, tanba Hau foo ona hahaan ba imi haan too bosu.

João 6:32

Jesus hatete, “Hau foo hatene loloos nunee: Uluk nee, laos Moisés mak hatuun paun sira nee hosi lalehan ba imi nia bei-ala sira. Ida nebee hatuun paun ba sira nee, Hau nia Aman iha lalehan. Agora Nia mos prepara foo paun hosi lalehan ba imi. Maibee paun nee, mak paun nebee loloos.

João 6:47

Hau hatete loloos ba imi! Ema nebee fiar mai Hau, sei hetan moris rohan laek.

João 6:53

Entaun Jesus foo hatene ba sira, “Hau koalia loloos ba imi. Hau nee, Ema Oan. Ema nebee hakarak moris loloos tenki kesi metin ho Hau. Nunee, se imi lakohi haan Hau nia isin, no lakohi hemu Hau nia raan, la iha moris loloos iha imi.

João 8:34

Entaun Jesus hatete ba sira, “Hau koalia nee, loos. Tanba ema hotu nebee halo sala, sai ona sala nia atan.

João 8:51

Hau nia Liafuan loos duni! Ema nebee rona no halo tuir Hau nia Liafuan nee, sei la mate.”

João 8:58

Jesus hataan, “Loos! Molok Abraão iha, Hau iha tiha ona.”

1 Pedro 1:25

Maibee Nai Maromak nia liafuan iha nafatin.” Nia liafuan nee mak Novidade Diak nebee ema foo sai tiha ona ba imi.

Apokalipse 20:11

Hotu tiha hau haree kadeira ukun mutin boot ida, ho mos Ida nebee tuur iha kadeira ukun nee. Derepenti deit lalehan ho rai halai sees hosi Nia futar oin too lakon tiha.