Mateus 5:15 - Biblia Tetun Dili

¹⁵ Nunee mos bainhira ema sunu ahi-oan, nia la taka ho sanan. Maibee ahi-oan tenki tau iha fatin aas para bele foo naroman ba ema hotu nebee iha uma laran.

Mateus 5:15 Iomraidhean Croise

Marcos 4:21

Jesus koalia nafatin iha bero leten. Nia foo tan komparasaun ida, nunee, “Oinsaa? Imi haree ema sunu ahi-oan, sira doku tiha ho bote ka? Sira tau iha kama okos ka? Lae! Se tau iha fatin hanesan nee, ahi-oan nee la foo tan naroman. Ema tenki tau ahi-oan nee iha fatin nebee aas, atu bele foo naroman ba hotu-hotu.

Lucas 11:33

Jesus hatutan tan dehan, “La iha ema ida sunu ahi-oan, depois subar tiha ahi-oan nee, ka taka ho sanan rai. Ema nebee sunu ahi-oan, sempre tau iha fatin aas, para foo naroman ba ema nebee tama ba iha nebaa.

Lucas 11:36

Se imi moris iha naroman, i la iha nakukun ida, mak imi nia moris tomak mos sei sai naroman, hanesan ahi-oan boot leno imi nia moris.”

Lucas 8:16

Jesus halo komparasaun ida tan nunee: “La iha ema ida sunu ahi-oan, depois taka tiha ho sanan rai ka tau fali iha kama okos. Maibee ahi-oan, ema tenki tau iha fatin aas, atu bele foo naroman ba ema nebee tama mai.

Filipi 2:15

Nunee, nudar Maromak nia oan, imi bele moris ho laran moos, imi la iha sala, i la iha ema ida bele hatudu liman ba imi. Imi moris iha ema aat sira nia leet. Entaun imi tenki sai hanesan naroman hodi leno dalan ba sira, hanesan fitun iha loro leten.

Ebreu 9:2

Entaun sira harii tenda orasaun, fahe ba kuartu rua. Kuartu ida iha oin naran Fatin Santu. Iha kuartu nee iha ahi-oan riin ida ho meza ida para tau paun hodi oferese ba Nai Maromak.

Apokalipse 2:5

Imi monu aat liu ona! Agora, hanoin fila fali imi nia domin uluk. Husik tiha imi nia sala nee hodi moris fali tuir imi nia hahalok ida uluk nia. Se lae, Hau sei mai hasai imi nia ahi-oan riin.