Mateus 5:14 - Biblia Tetun Dili

¹⁴ Imi mos hanesan naroman ba mundu. Imi nia naroman hanesan sidade nebee mak harii iha foho leten, ema hotu-hotu bele haree.

Mateus 5:14 Iomraidhean Croise

João 12:36

Bainhira imi sei iha naroman, imi tenki fiar mai Hau, nunee imi bele sai ema nebee moris iha naroman, para imi hatene atu baa nebee.” Jesus koalia tiha nunee, Nia mos dada aan hosi ema barak nia leet, para Nia bele mesak.

João 5:35

João nia koalia nee, hanesan ahi oan ida nebee lakan hodi foo naroman. Bainhira nia sei lakan hela, imi nia laran haksolok.

João 8:12

Depois Jesus koalia tan ho ema barak nee dehan, “Hau mak naroman hodi leno ema iha mundu nee. Ema nebee tuir Hau la moris iha nakukun, maibee nia hela iha naroman nebee lori moris loloos.”

João 9:5

Bainhira Hau sei iha mundu, Hau hanesan naroman hodi leno ema hotu.”

2 Korintu 6:14

La bele kesi metin ho ema nebee la fiar ba Kristu. Hanoin took. Ema nebee moris loos bele par ho ema nebee halo buat aat ka? Naroman bele hamutuk ho nakukun ka? Lae!

Filipi 2:15

Nunee, nudar Maromak nia oan, imi bele moris ho laran moos, imi la iha sala, i la iha ema ida bele hatudu liman ba imi. Imi moris iha ema aat sira nia leet. Entaun imi tenki sai hanesan naroman hodi leno dalan ba sira, hanesan fitun iha loro leten.

1 Tesalonika 5:5

Ita nebee fiar ba Jesus hanesan ema loron nian nebee moris iha naroman. Ita laos hanesan ema kalan nian, nebee moris iha nakukun laran.

Apokalipse 1:20

Ohin o haree fitun hitu iha Hau nia liman kwana, ho ahi-oan riin osan mean hitu. Nia signifikadu mak nee: ahi-oan riin sira nee mak sarani sira iha sidade hitu. I fitun hitu nee mak anju hitu nebee tau matan ba sira.”

Apokalipse 2:5

Imi monu aat liu ona! Agora, hanoin fila fali imi nia domin uluk. Husik tiha imi nia sala nee hodi moris fali tuir imi nia hahalok ida uluk nia. Se lae, Hau sei mai hasai imi nia ahi-oan riin.