Mateus 5:12 - Biblia Tetun Dili

¹² Kuandu ema halo imi terus nunee, simu ho haksolok i kontenti deit baa, tanba Maromak sei foo premiu boot ba imi iha lalehan. Keta haluha katak, Maromak nia profeta sira nebee moris iha tempu uluk mos, ema halo terus sira hanesan nee.”

Mateus 5:12 Iomraidhean Croise

Jenesis 15:1

Nee liu tiha, Nai Maromak hatudu Aan ba Abrão. Nia hatete, “Abrão! O keta tauk. Hau mak proteje o hosi o nia inimigu. I Hau foo ba o prémiu boot.”

Mateus 16:27

Tanba aban-bainrua Hau, Ema Oan sei fila fali mai hosi lalehan ho Hau nia Aman nia naroman nabilan, hamutuk ho Nia anju sira. Iha tempu nee mak Hau sei foo ba ema ida-idak tuir saida mak sira halo.

Mateus 6:16

“Bainhira imi halo jejun, la bele halo imi nia oin tristi hanesan ema laran makerek sira nebee buka oin. Sira hatudu aan nunee para ema bele hatene katak sira jejun hela. Hau dehan loloos ba imi: sira simu hotu ona sira nia kolen.

Lucas 13:34

Aii, imi ema Jerusalém sira! Imi oho Maromak nia profeta sira, i tuda ho fatuk too mate ema nebee Maromak haruka ba imi. Dala barak Hau hakarak halibur imi hanesan manu inan halibur nia oan sira para luut, maibee imi lakohi.

Lucas 6:23

Bainhira ema halo imi terus nunee, haksolok ho kontenti deit ba, tanba Maromak sei foo prémiu boot ba imi iha lalehan. Keta haluha katak, sira nia bei-ala sira uluk mos halo terus Maromak nia profeta sira hanesan nee.

Lucas 6:35

Maibee tuir loloos hanesan nee: hadomi o nia inimigu sira, i halo diak ba sira. Foo empresta ba sira, i lalika hein atu sira selu fila fali. Ho nunee, o sei hetan premiu boot, i o sei sai Maromak Aas Liu nia oan. Tanba Maromak mos halo diak ba ema aat ho ema nebee la hatene foo obrigadu.

Apostolu sira nia Istoria 16:25

Iha kalan boot, Paulo ho Silas halo orasaun ho kanta hodi hahii Nai Maromak. Ema dadur sira seluk iha kadeia, rona hela.

Apostolu sira nia Istoria 5:41

Sira sai hosi tribunal relijiaun ho laran haksolok, tanba Nai Maromak konsidera sira serve atu terus tanba Jesus.

Roma 5:3

Laos nee deit, maibee ita nia laran mos haksolok iha terus laran, tanba ita hatene katak, hosi terus nee ita aprende atu aguenta liu tan.

1 Korintu 3:8

Ema nebee kuda no ema nebee rega, iha objetivu hanesan, i Maromak sei selu ida-idak nia kolen.

2 Korintu 4:17

Terus nebee ami hetan agora dadauk nee hanesan buat kamaan ida nebee la kleur sei hotu. Liu hosi terus nee, ami sei moris iha naroman nabilan nian too tinan ba tinan. Kompara ho ida nee, ami nia terus agora nee buat kiik ida.

Filipi 1:29

Maromak nee diak teb-tebes. Nia loke ona dalan ba imi para fiar ba Kristu. Laos nee deit, maibee Nia mos bolu imi atu terus tanba tuir Nia.

Filipi 2:17

Tanba imi fiar ba Kristu, imi mos serbii Maromak hodi entrega imi nia aan tomak sai hanesan sakrifisiu ba Nia. Se ema oho hau tanba hau nia fiar, mak hau nia mate sai hanesan sakrifisiu ida hodi foo ba Nai Maromak. Bele nunee mos, hau nia laran haksolok hamutuk ho imi.

Kolose 1:24

Agora dadauk hau terus hela ba imi. Maibee terus nee halo hau nia laran haksolok. Hanesan Kristu terus, nunee mos hau simu terus nebee hau tenki hasoru, atu bele ajuda Kristu nia povu, tanba Nia povu hanesan Nia isin lolon.

Kolose 3:24

Tanba Kristu mak Nai, imi mak Nia atan. Keta haluha, aban-bainrua Nia sei selu imi nia kolen hodi foo bensaun nebee Nia promete tiha ona.

1 Tesalonika 2:15

Ema Judeu balu uluk oho tiha Nai Maromak nia profeta balu nebee foo tutan Nia Lia Tatoli. Sira mos oho Nai Jesus. Agora sira buka dalan atu duni sai tan ami. Sira inimigu ba ema hotu, i Nai Maromak la gosta liu sira.

Ebreu 10:34

Imi hatudu imi nia laran diak ba ema dadur sira iha kadeia laran. I bainhira ema hadau imi nia sasaan, imi foo deit ho laran kontenti, tanba imi hatene katak, imi sei simu fali rikusoin nebee diak liu, i rikusoin nee sei dura too tinan ba tinan.

Ebreu 11:26

Iha tempu nebaa ema hatete aat nia tanba nia laran metin ba Kristu, Ema nebee Nai Maromak promete ona hori uluk atu haruka mai. Maibee Moisés konsidera terus ida nee folin liu fali rikusoin rai Ejitu nian tomak, tanba nia laran metin atu aban-bainrua Maromak foo fali buat nebee diak liu tan ba nia.

Ebreu 11:33

Sira hotu fiar ba Nai Maromak. Nee mak sira balu manaan nasaun seluk, balu ukun nasaun ho loloos, i balu simu buat nebee Nai Maromak promete atu foo ba sira. Balu taka leaun nia ibun,

Ebreu 11:6

Se ita la fiar ba Nai Maromak, ita la bele halo haksolok Maromak nia laran. Tanba ita tenki fiar katak Maromak iha duni, i ita mos tenki laran metin katak Nia sei foo premiu ba ema nebee buka teb-tebes Nia. Nee mak foin ita bele hakbesik ba Nia.

Tiago 1:2

Maun-alin sira, bainhira imi hasoru susar oi-oin, haksolok nafatin ba.

Tiago 5:10

Maun-alin sira, profeta sira nebee koalia hodi Nai Maromak nia naran, foo ezemplu diak mai ita atu halo tuir. Maski sira hetan terus oi-oin, maibee sira pasiensia i aguenta nafatin.

1 Pedro 4:13

Maibee haksolok baa, tanba imi bele hetan terus hanesan Kristu uluk mos terus. Se imi haksolok nunee, aban-bainrua bainhira ema hotu-hotu haree Jesus Kristu fila fali mai ho naroman nabilan, imi sei haksolok liu tan.

Rut nia Istoria 2:12

Nee duni hau husu ba NAI, para ami ema Israel nia Maromak, selu o nia laran diak hotu! Hau husu ba Nia haraik bensaun barak ba o, tanba o hatudu o nia laran diak ba senhora Noemi. Biar NAI mak kuidadu o iha nee, tanba o buka sadere ba Nia, hanesan manu oan sira subar iha manu inan nia liras okos.”