Mateus 5:11 - Biblia Tetun Dili

¹¹ Bainhira ema hatete aat imi i halo terus imi tanba imi tuir Hau, ka sira bobar lia tuun-sae hodi hatete aat imi nia naran tanba Hau, imi hetan bensaun.

Mateus 5:11 Iomraidhean Croise

Mateus 10:18

Sira mos sei foo sala ba imi iha liurai ho nai ulun sira nia oin. Buat sira nee hotu sai nunee tanba imi tuir Hau. Nee oportunidade ba imi atu foo sai Novidade Diak ba sira ho mos ba ema nebee mak laos Judeu.

Mateus 10:22

Ema iha nebee-nebee deit sei odi imi tanba imi tuir Hau. Maibee ema nebee mak aguenta nafatin too rohan, Maromak sei salva sira.

Mateus 10:25

Se estudante ida sai hanesan nia mestri, nee too ona. I atan ida sai hanesan nia patraun, nee mos too ona. Se xefi familia rasik ema bolu dehan, diabu Belzebu, saa tan membru familia sira iha uma laran nee.”

Mateus 10:39

Ema nebee hanoin liu nia moris iha mundu nee, nia sei lakon nia moris. Maibee see mak lakon nia moris iha mundu nee tanba nia tuir Hau, nia sei hetan moris rohan-laek.”

Mateus 19:29

See mak husik ona nia uma, nia maun-alin, feton ho naan, nia inan-aman, nia oan sira ka nia rai tanba nia tuir Hau, ema nee sei simu fali dala atus ida no mos sei hetan moris rohan-laek.

Mateus 24:9

Ema iha nasaun hotu-hotu sei odi imi tanba imi tuir Hau. Sira sei entrega imi ba ema seluk hodi halo terus imi i oho imi.

Mateus 27:39

Ema sira nebee liu hosi fatin nee, sira doko ulun hodi hatete aat Jesus.

Marcos 13:13

Nunee ema sei odi makaas imi, tanba imi fiar ba Hau. Maibee see mak fiar nafatin ba Hau too mate, Nai Maromak sei salva nia.”

Marcos 13:9

Nee duni, imi tenki atensaun didiak! Tanba ema sei mai kaer imi, lori baa iha tribunal relijiaun nian. Ema sei baku imi iha uma kreda laran, i sei kesi imi lori ba iha ukun nain sira, tanba imi tuir Hau. Maibee imi tenki foo sai Hau nia Novidade Diak ba sira.

Marcos 4:17

Maibee Liafuan nee la iha abut. Tanba nee mak la hela metin iha nia laran. Bainhira ema seluk ameasa nia, nia husik tiha kedas Liafuan nee.

Marcos 8:35

Ema nebee moris deit ba nia aan, nia sei lakon buat hotu. Maibee ema nebee prontu mate tanba tuir Hau, no foo sai Nai Maromak nia Novidade Diak, nia sei moris hamutuk nafatin ho Maromak.

Lucas 21:12

Molok buat sira nee atu akontese, ema sei kaer imi, i halo terus imi. Sira sei entrega imi ba lider uma kreda hodi tesi imi nia lia, i sei hatama imi ba kadeia. Sira mos sei foo sala ba imi iha liurai ho nai ulun sira nia oin. Buat sira nee hotu sai nunee, tanba imi tuir Hau.

Lucas 21:17

I ema iha fatin-fatin sei odi imi, tanba imi tuir Hau.

Lucas 6:22

Bainhira ema odi imi, lakohi simu imi, tarata imi i duun imi dehan imi ema aat, tanba tuir Hau, Ema Oan, imi hetan bensaun.

Lucas 9:24

Tanba see mak hakarak salva nia aan, nia sei lakon nia vida. I see mak lakon nia vida tanba nia tuir Hau, nia sei hetan moris rohan-laek.

João 15:21

Sira sei halo terus imi, tanba imi hamutuk ho Hau. Sira halo nunee, tanba sira la konhese Nia nebee haruka Hau mai.

João 9:28

I sira hatete aat nia dehan, “O deit mak tuir Nia. Ami tuir Moisés.

Apostolu sira nia Istoria 9:16

Hau sei hatudu ba nia katak, nia sei terus barak tanba nia tuir Hau.”

Roma 8:36

Nee hanesan hakerek tiha ona iha Livru Sagradu dehan, “Maromak, loron-kalan ema buka dalan atu oho ami tanba ami tuir Ita Boot. Sira haree ami hanesan bibi malae nebee mak sira atu oho.”

1 Korintu 4:10

Ema dehan ami nee beik tanba ami tuir Kristu, maibee imi senti aan dehan imi matenek tanba imi Kristu nian. Ema konsidera ami fraku, maibee imi senti imi nia aan iha kbiit. Ema hatuun ami, maibee sira respeita imi.

2 Korintu 4:11

Iha ami nia moris nee, ami dala barak atu mate sal-sala tanba tuir Jesus. Nunee ema mos haree Jesus nia moris iha ami nia isin lolon nebee sei mate nee.

Filipi 1:29

Maromak nee diak teb-tebes. Nia loke ona dalan ba imi para fiar ba Kristu. Laos nee deit, maibee Nia mos bolu imi atu terus tanba tuir Nia.

1 Pedro 2:23

Bainhira ema tolok Nia, Nia la kontra hasoru. Bainhira ema halo Nia terus, Nia la ameasa atu halo aat fali sira. Maibee Nia entrega Nia Aan ba Nai Maromak nia liman, tanba Maromak mak tesi lia ho loloos.

1 Pedro 4:14

Bainhira ema hatete aat imi tanba imi fiar ba Kristu, imi sorti boot, tanba Espiritu naroman nabilan nian hela iha imi. Espiritu nee mak Maromak nia Espiritu.

Apokalipse 2:3

Ema halo terus imi tanba imi fiar mai Hau, maibee imi aguenta nafatin, i la kole.