Mateus 5:10 - Biblia Tetun Dili

¹⁰ Ema nebee hetan terus tanba moris tuir lia loos, sira hetan bensaun, tanba sira nee Maromak nia ema.

Mateus 5:10 Iomraidhean Croise

Mateus 10:23

Bainhira ema halo terus imi iha sidade ida tanba imi fiar mai Hau, halai ba sidade seluk. Hau hatete loloos ba imi, imi seidauk haleu sidade hotu iha Israel laran, Hau Ema Oan fila fali mai ona.

Mateus 19:14

Entaun Jesus dehan, “Husik labarik sira nee mai Hau, la bele bandu. Tanba ema hanesan sira nee mak sai Maromak nia reinu.”

Mateus 25:34

Nudar Liurai, Hau sei hatete ba ema sira nebee iha Hau nia sorin loos nee dehan, ‘Imi sira nebee mak Hau nia Aman foo bensaun, mai tama ona ba imi nia fatin iha reinu lalehan. Fatin nee prepara nanis tiha ona ba imi bainhira Maromak halo mundu nee.

Mateus 5:3

Jesus hanorin nunee: ”Ema sira nebee senti kiak iha Maromak nia futar oin no depende ba Nia, sira hetan bensaun, tanba sira nee Maromak nia ema.

Marcos 10:14

Jesus haree nunee, Nia hirus Nia eskolanti sira hodi dehan, “Husik labarik sira mai Hau. Keta bandu! Tanba ema hanesan sira nee, mak Nai Maromak nia ema.

Lucas 21:12

Molok buat sira nee atu akontese, ema sei kaer imi, i halo terus imi. Sira sei entrega imi ba lider uma kreda hodi tesi imi nia lia, i sei hatama imi ba kadeia. Sira mos sei foo sala ba imi iha liurai ho nai ulun sira nia oin. Buat sira nee hotu sai nunee, tanba imi tuir Hau.

Lucas 22:29

Hau nia Aman foti ona Hau sai Liurai hodi ukun. Nunee mos, agora Hau foti imi hodi ukun,

Lucas 6:20

Jesus hateke ba Nia eskolanti sira i dehan, “Imi nebee kiak, imi hetan bensaun, tanba Nai Maromak mak imi nia Liurai.

Lucas 6:22

Bainhira ema odi imi, lakohi simu imi, tarata imi i duun imi dehan imi ema aat, tanba tuir Hau, Ema Oan, imi hetan bensaun.

João 15:20

Keta haluha buat nebee Hau foo hatene ona ba imi dehan, ‘Atan ida la boot liu nia patraun.’ Entaun se sira halo terus Hau, sira mos halo terus imi. Se sira rona Hau nia Liafuan, entaun sira mos rona ba imi.

Apostolu sira nia Istoria 5:40

Depois sira bolu apostolu sira tama fali ba laran, i sira haruka ema baku sira ho sikoti. Sira mos bandu apostolu sira la bele koalia tan kona ba Jesus. Depois sira husik tiha sira baa.

2 Korintu 4:17

Terus nebee ami hetan agora dadauk nee hanesan buat kamaan ida nebee la kleur sei hotu. Liu hosi terus nee, ami sei moris iha naroman nabilan nian too tinan ba tinan. Kompara ho ida nee, ami nia terus agora nee buat kiik ida.

Filipi 1:28

Bainhira ema kontra imi, la bele tauk sira. Imi nia brani nee hatudu ba sira katak, Nai Maromak rasik sei salva imi i sei halo lakon tiha sira.

2 Timóteo 2:12

Se ita aguenta iha terus laran, ita mos sei kaer ukun hamutuk ho Nia. Se ita nega Nia, Nia mos sei nega ita.

2 Timóteo 3:11

O mos hatene katak ema hanehan hau i halo terus hau. O hatene saida mak sira halo mai hau iha sidade Antiokia, Ikóniu ho Listra. Maibee Nai Jesus hasai ona hau hosi terus ho susar sira nee hotu.

Tiago 1:12

Maromak foo bensaun boot ba ema nebee aguenta ho pasiensia bainhira hasoru susar oi-oin. Bainhira nia manaan, Maromak sei foo koroa ida ba nia. Koroa nee mak moris nebee Maromak promete ona atu foo ba ema nebee hadomi Nia.

Tiago 5:11

Ita gaba ema nebee aguenta ho pasiensia iha terus laran. Hanesan Jó, nia hetan terus oi-oin, maibee nia aguenta nafatin. Iha ikus mai, Maromak halo buat hotu-hotu sai diak ba nia. Maromak halo nunee, tanba Maromak laran diak i nakonu ho domin.

1 João 3:12

La bele sai hanesan Kaín. Nia hanesan fali diabu nia oan, too nia oho nia alin rasik. Tansaa mak Kaín oho nia alin? Tanba nia halo buat aat, maibee nia alin halo buat loos iha Maromak nia oin.

Apokalipse 2:10

Maski nunee imi lalikan tauk kona ba terus nebee mak imi sei hetan. Hau hatete ba imi, diabu sei halo imi balu sai dadur iha kadeia hodi koko imi nia fiar. Imi sei hetan terus too loron sanulu. Maibee imi tenki tuir nafatin Hau too mate, maski ema oho imi. Se imi halo nunee, Hau sei foo prémiu moris rohan-laek nian ba imi.