Mateus 4:9 - Biblia Tetun Dili

⁹ Diabu dehan ba Jesus, “Buat sira nee hotu hau sei foo ba O, naran katak O hakneak hodi adora hau.’ ”

Mateus 4:9 Iomraidhean Croise

Mateus 26:15

Too iha nebaa nia husu, “Se hau entrega Nia ba imi nia liman, imi sei foo saida mai hau?” Entaun sira selu osan mutin tolu-nulu ba nia.

Mateus 4:10

Maibee Jesus hataan fali dehan, “Satanás, sai hosi nee! Tanba iha Livru Sagradu hakerek nunee, ‘O tenki adora Nai, o nia Maromak, i serbii mak Nia deit.’

João 12:31

Agora ema iha mundu tenki hasoru Nai Maromak, hodi Nia tesi sira nia lia. Nia mos hakarak duni sai Aat Nain nebee kaer ukun iha mundu nee.

João 13:3

Jesus hatene ona katak Nai Maromak mak haruka Nia mai iha mundu nee, i la kleur tan Nia tenki fila fali ba Maromak. Nia mos hatene ona katak Nia Aman iha lalehan foo buat hotu-hotu iha Nia liman.

João 14:30

La kleur tan, Hau la koalia tan ho imi ona, tanba diabu mai ona. Nia mak kaer ukun iha mundu nee, maibee nia la iha kbiit hodi domina Hau.

João 16:11

Nia hatudu ona dehan, Maromak sei tesi ema nia lia ho loloos, tanba Maromak desidi ona diabu nebee ukun mundu nee para simu kastigu.

2 Korintu 4:4

Sira nia maromak mak diabu. I nia mak taka hela ema nebee la fiar nia hanoin, halo sira la bele haree naroman hosi Novidade Diak kona ba Kristu i Nia naroman nabilan makaas teb-tebes. Kristu nee hanesan loloos Maromak.

1 Timóteo 3:6

Ema nebee foin fiar ba Nai Jesus, imi la bele foti sai lideransa. Se lae, nia bele foti aan dehan nia mak diak liu. Nunee, Maromak bele kastigu nia hanesan uluk Nia kastigu Satanás.

Apokalipse 19:10

Tuir mai hau hakneak i hakruuk too rai iha anju nee nia oin atu adora nia, maibee nia bandu dehan, “La bele! Adora mak Maromak deit! Tanba hau nee Maromak nia atan hanesan mos o ho o nia maluk sira seluk nebee foo sai nafatin Jesus nia hanorin. Tanba ita hotu hetan kbiit hosi Maromak nia Espiritu para ita foo sasin kona ba Jesus.”

Apokalipse 19:16

Iha Ema nee nia batina ho mos iha Nia kelen hakerek naran ida nunee: “Liurai hotu-hotu nia Liurai, nai hotu-hotu nia Nai.”