Mateus 4:8 - Biblia Tetun Dili

⁸ Depois diabu lori tan Jesus ba iha foho ida aas teb-tebes nia tutun, i hatudu ba Jesus reinu hotu-hotu iha mundu tomak ho sira nia rikusoin hotu.

Mateus 4:8 Iomraidhean Croise

Ester 1:4

Iha festa nee, nia hatudu nasaun nia riku-soin hotu ho nia kbiit tomak. Sira hatais ropa mesak didiak no folin karun i sira hadiak aan ho osan mean no mutin. Festa nee durante loron 180.

Ester 5:11

Bainhira sira halibur ona, Amaan koalia ho lian makaas dehan, “Hau iha riku-soin barak no hau nia oan mos barak. I liurai hatudu nia respeitu mai hau ho maneira oi-oin. Nia mos foti hau boot liu funsionariu sira hotu no ema boot sira seluk nebee serbisu ba nia.

Mateus 16:26

Folin saida se ema ida nian tiha mundu tomak maibee nia klamar lakon? La iha buat ida mak nia bele foo hodi troka nia klamar.

Mateus 4:5

Depois diabu lori Jesus ba iha Jerusalém, Maromak nia sidade santa. Diabu lori Nia baa hamriik iha uma kreda boot nia tutun,

João 5:20

Hau nia Aman iha lalehan hadomi teb-tebes Hau, nudar Nia Oan. Nia mos hatudu mai Hau buat hotu-hotu nebee Nia halo. Depois Nia sei hatudu mai Hau buat sira nebee makaas liu tan, para imi bele haree, i admira.

1 Pedro 1:24

Iha Livru Sagradu dehan nunee: “Ema hotu-hotu hanesan duut. Sira nia furak hanesan ai funan nebee moris iha rai fuik. Duut sei namlaik, nia funan sei monu ba rai.

Apokalipse 11:15

Tuir mai anju numeru hitu huu nia korneta. I hau rona anju iha lalehan haklalak dehan, “Ita nia Nai Maromak ho mos ita nia Kristu nebee Nia haruka mai agora ukun ona mundu. Nia sei ukun too tinan ba tinan nafatin.”