Mateus 4:23 - Biblia Tetun Dili

²³ Jesus lao iha provinsia Galileia tomak hodi hanorin iha ema Judeu sira nia uma kreda. Nia foo sai Novidade Diak kona ba oinsaa Maromak ukun nudar Liurai. I Nia mos kura ema nebee iha moras oi-oin.

Mateus 4:23 Iomraidhean Croise

Mateus 11:5

Ema matan delek bele haree. Ema lao la diak bele lao. Ema moras lepra, isin sai moos. Ema tilun diuk bele rona. Ema mate bele moris fali. Ema kiak rona Novidade Diak.

Mateus 12:9

Depois Jesus lao hosi toos nee, baa tama iha sira nia uma kreda.

Mateus 13:19

Fini nebee monu iha dalan mak ema nebee rona Maromak nia Liafuan kona ba reinu lalehan, maibee nia la komprende. Depois Aat nain mai hadau tiha liafuan nebee iha tiha ona nia laran.

Mateus 13:54

hodi baa fali iha Nia aldeia rasik. Iha nebaa Nia tama iha uma kreda hodi hanorin. Ema nebee rona Nia admira hodi husu ba malu, “Ema nee hetan matenek hosi nebee? Nia hetan kbiit hosi nebee mak bele halo milagre sira hanesan nee?

Mateus 14:14

Bainhira Jesus tuun hosi bero, Nia haree ema barak hein hela Nia iha nebaa. Nia hanoin teb-tebes sira, i Nia kura sira nebee moras.

Mateus 24:14

I Novidade Diak kona ba Reinu Lalehan nian, ema sei haklaken iha mundu tomak, atu nunee ema hosi nasaun hotu-hotu bele hatene kona ba Maromak nia ukun. Haklaken hotu tiha mak foin mundu nee remata.

Mateus 3:2

Nia foo sai dehan, “Husik ona imi nia sala, tanba Maromak nia tempu hodi ukun besik ona.”

Mateus 9:35

Jesus lao iha sidade ba sidade no aldeia ba aldeia hodi hanorin iha uma kreda sira. Nia foo sai Novidade Diak kona ba oinsaa Maromak ukun nudar Liurai. I ema nebee iha moras oi-oin Nia kura tiha hotu.

Marcos 1:14

Bainhira ema kaer tiha João Sarani Nain hatama ba kadeia, Jesus baa kedas iha provinsia Galileia hodi foo sai Maromak nia Novidade Diak.

Marcos 1:21

Depois Jesus ho sira nain haat nee, lao too iha sidade ida, naran Kafarnaum. Iha loron sabadu, ema Judeu sira sempre baa harohan iha sira nia uma kreda. I Jesus mos baa iha nebaa hodi hanorin sira.

Marcos 1:39

Liu tiha nee, Nia lao lemo iha provinsia Galileia tomak, hodi hatoo Maromak nia Novidade Diak, hosi uma kreda ba uma kreda. I Nia mos duni sai espiritu aat hosi ema sira nia laran.

Marcos 3:10

Tanba uluk Nia kura ema barak nia moras, nee mak agora ema moras hotu hadau malu atu kona Nia.

Marcos 6:2

Too ona loron Sabadu, ema Judeu sira nia loron hodi harohan. I Jesus tama ba iha uma kreda laran hodi hanorin. Iha loron nee, ema barak mak baa harohan. Bainhira sira rona Jesus nia hanorin, sira hotu admira loos, i dehan, “Ema nee matenek duni. Nia mos iha kbiit! Nusaa mak Nia bele hanesan nee?

Lucas 10:9

Kura ema moras iha aldeia nee, i foo hatene ba ema hotu dehan, ‘Nai Maromak nia Reinu besik too ona.’

Lucas 13:10

Iha loron Sabadu ida, Jesus hanorin hela iha uma kreda ida.

Lucas 16:16

Lei nebee Maromak foo ba Moisés ho profeta sira hodi hanorin vale too João Sarani Nain mai. Depois komesa hosi João ba oin, ema foo sai Novidade Diak kona ba Maromak ukun nudar Liurai, i ema barak hakaas aan hodi tama ba Maromak nia reinu.

Lucas 20:1

Iha loron ida, Jesus hanorin no foo sai Maromak nia Novidade Diak iha area Uma Kreda Boot nian. Nia sei koalia hela, nai lulik nia xefi sira, mestri relijiaun sira ho lideransa katuas sira mai hasoru Nia

Lucas 4:14

Hotu tiha, Jesus nebee nakonu ho Espiritu Santu nia kbiit, fila fali ba provinsia Galileia. Ema iha distritu nee tomak konta kona ba Nia.

Lucas 5:17

Iha loron ida, Jesus hanorin hela iha uma ida. Iha ema hosi grupu relijiaun Farizeu balu ho mestri relijiaun balu tuur besik Nia hodi rona. Sira balu mai hosi aldeia-aldeia iha provinsia Galileia, balu mai hosi provinsia Judeia, i balu mai hosi sidade Jerusalém. Tempu nee, Nai Maromak nia kbiit iha Jesus para kura ema moras.

Lucas 6:17

Hotu tiha Jesus ho Nia apostolu sira tuun mai hosi foho nee. Too iha rai tetuk ida, sira para, tanba iha ema lubuk boot ida hein hela sira iha nebaa. Hosi ema sira nee, iha barak mak baibain tuir Nia. Iha mos ema barak mai hosi sidade Jerusalém ho provinsia Judeia tomak, i hosi sidade Tiru ho Sidon besik tasi ibun.

Lucas 6:6

Iha loron Sabadu ida fali, Jesus baa hanorin iha uma kreda. Iha uma kreda laran, iha mane ida, nia liman kwana sorin mate.

Lucas 7:21

Iha tempu nee, Jesus kura hela ema moras barak. Nia duni sai espiritu aat hosi ema, i kura ema matan delek barak.

Lucas 7:22

Entaun Jesus hataan ba João nia eskolanti sira nunee: “Imi fila baa konta ba João kona ba buat hotu-hotu nebee imi ohin haree no rona rasik, ‘Ema matan delek, bele haree. Ema ain aat lao la diak, bele lao. Ema moras lepra, isin sai moos. Ema tilun diuk, bele rona. Ema mate, moris fila fali. Ema kiak, rona Novidade Diak.’

Lucas 8:1

Hotu tiha, Jesus lao hosi sidade ba sidade ho aldeia ba aldeia hodi foo sai Novidade Diak kona ba Nai Maromak ukun nudar Liurai. Nia eskolanti nain sanulu resin rua akompanha Nia.

Lucas 9:11

Maibee ema barak rona katak Jesus atu baa nebaa, i sira mos tuir. Jesus simu sira ho diak. Nia foo sai ba sira kona ba Nai Maromak ukun nudar Liurai, i Nia kura ema sira nia moras hotu.

Lucas 9:60

Jesus hatete ba nia, “Husik ema nebee la fiar ba Maromak hakoi sira nia mate. Maibee o nia serbisu mak baa foo sai kona ba Nai Maromak ukun nudar Liurai iha fatin-fatin.”

João 18:20

Jesus hataan, “Hau koalia momoos para ema hotu bele rona. Hau sempre hanorin iha fatin nebee ita ema Judeu sira hodi halibur, mak ita nia uma kreda sira, no iha Uma Kreda Boot. Hau nunka koalia subar buat ida.

João 6:59

Jesus hanorin buat sira nee iha ema Judeu nia uma kreda ida iha sidade Kafarnaum.

João 7:1

Liu tiha nee, Jesus lao baa-mai iha provinsia Galileia. Nia lakohi lao baa-mai iha provinsia Judeia, tanba ema Judeu nia boot sira iha nebaa atu oho Nia.

Apostolu sira nia Istoria 10:38

Imi mos hatene ona katak Nai Maromak foo Nia Espiritu Santu ho mos poder ba Jesus, ema Nazaré. Depois Jesus tama-sai aldeia-aldeia hodi halo diak ba ema, i kura ema hotu nebee Satanás halo terus, tanba Nai Maromak hamutuk ho Nia.

Apostolu sira nia Istoria 18:4

Sabdu-Sabdu, iha ema Judeu sira nia loron hodi adora Maromak hamutuk, Paulo baa tama iha sira nia uma kreda hodi koalia ho ema Judeu ho mos ema Gregu atu dada sira fiar ba Nai Jesus.

Apostolu sira nia Istoria 20:25

Agora hau hatene katak, imi nebee hau hanorin kona ba Nai Maromak nia reinu, sei la hasoru tan hau ona.

Apostolu sira nia Istoria 28:31

I nia konta ba sira kona ba Nai Maromak nia reinu, ho hanorin kona ba Nai Jesus Kristu. Nia koalia ho brani, i la iha ema ida bandu nia. Senhor Teófilo mak diak. Hau nia liafuan too iha nee deit. Obrigadu. Hosi hau, Lucas

Roma 10:15

I oinsaa mak ema bele baa foo sai ba sira kona ba Nia, se la iha ema ida mak haruka? Iha Livru Sagradu hakerek dehan, “Ema nebee lori Novidade Diak sira mai nee furak teb-tebes.”