Mateus 4:17 - Biblia Tetun Dili

¹⁷ Iha tempu nebaa, Jesus foo sai ba ema dehan, “Husik ona imi nia sala, tanba Maromak nia tempu hodi ukun besik ona.”

Mateus 4:17 Iomraidhean Croise

Mateus 10:7

Baa foo hatene ema Israel sira dehan, ‘Tempu besik ona atu Maromak ukun imi.’

Mateus 11:12

Hosi tempu João Sarani Nain mai too agora, ema ataka Reinu lalehan nian hodi domina nia.

Mateus 13:11

Jesus hataan, “Uluk ema seidauk hatene, oinsaa mak Maromak ukun nudar Liurai. Agora Hau foo sai segredu Reinu lalehan nian ba imi, maibee ba ema sira nee lae.

Mateus 13:24

Depois Jesus halo tan komparasaun dehan, “Reinu lalehan nian hanesan toos nain ida baa kari fini diak iha nia toos.

Mateus 13:47

“Maromak nia reinu bele mos kompara ho redi nebee peskador sira hatuun ba iha tasi laran hodi kaer ikan oi-oin.

Mateus 13:9

Imi nebee iha tilun, rona didiak baa!”

Mateus 25:1

Jesus koalia tan kona ba Maromak nia Ukun nudar Liurai, dehan, “Imi tenki prepara aan hodi simu Hau bainhira Hau fila fali mai. Nee hanesan komparasaun ida nee: Iha kalan ida, iha feto raan nain sanulu atu baa simu noivu, ida-idak lori nia ahi-oan.

Mateus 3:2

Nia foo sai dehan, “Husik ona imi nia sala, tanba Maromak nia tempu hodi ukun besik ona.”

Mateus 6:10

Mai ukun ema hotu-hotu baa. Tulun ema iha mundu nee atu halo tuir Ita Boot nia hakarak, hanesan sira iha lalehan mos halo tuir.

Mateus 9:13

Baa aprende didiak Maromak nia Liafuan nebee dehan, ‘Hau hakarak atu imi hatudu laran diak ba malu. Se lae imi lori sakrifisiu foo mai Hau mos la iha folin.’ Hau mai atu bolu ema sala nain sira, laos atu bolu ema nebee konsidera nia aan moris loos.”

Lucas 15:10

Hau hatete ba imi, iha lalehan mos nunee. Maromak nia anju sira haksolok teb-tebes bainhira sala nain ida husik nia sala.”

Lucas 15:7

Hau hatete ba imi, iha lalehan mos nunee. Maromak ho Nia anju sira haksolok teb-tebes bainhira sala nain ida husik nia sala. Nee halo Sira haksolok liu fali duke ema sia-nulu resin sia nebee moris loos i la presiza husik sira nia sala.

Lucas 24:47

I ema sei foo sai hodi Kristu nia naran katak, see mak husik nia sala, Maromak foo perdaun ba nia. Sira sei foo sai nunee iha nasaun hotu-hotu, hahuu hosi Jerusalém.

Lucas 3:23

Bainhira Jesus komesa halao Nai Maromak nia serbisu, Nia tinan mais-ou-menus tolu-nulu. Ema konhese Nia nudar José nia Oan. José nia bei-ala sira mak hanesan tuir mai nee: José nia aman Eli.

Lucas 5:32

Hau mai atu bolu ema sala nain sira atu sira husik sira nia sala, laos atu bolu ema nebee konsidera sira nia aan moris loos ona.”

Lucas 9:2

Nia haruka sira baa foo sai kona ba Maromak ukun nudar Liurai, no kura ema moras.

Apostolu sira nia Istoria 11:18

Rona Pedro defende aan nunee, sira la foo tan sala ba nia. Sira komesa hahii Nai Maromak dehan, “Afinal Nai Maromak loke ona dalan ba ema nebee laos Judeu, atu sira bele husik sira nia sala, i tuir Nai Maromak nia hakarak, hodi moris nafatin ho Nia.”

Apostolu sira nia Istoria 17:30

Uluk ema halo buat sira nee tanba seidauk komprende. Nee mak Nai Maromak foo perdaun ba sira. Maibee agora, Nia lakohi atu ita moris tan nunee. Nee mak Nia foo orden dehan, ema hotu-hotu tenki husik ona lulik, i tuir deit Nai Maromak.

Apostolu sira nia Istoria 2:38

Pedro hataan, “Imi ida-idak tenki husik ona imi nia sala, i tuir Nai Maromak nia hakarak. Imi mos tenki sarani hodi Nai Jesus Kristu nia naran. Nee hanesan sinal katak imi tuir ona Jesus Kristu i Nai Maromak hamoos ona imi nia sala. Depois imi sei simu Nai Maromak nia Espiritu Santu.

Apostolu sira nia Istoria 20:21

Hau foo hatene ona ba ema Judeu, ho mos ema nebee laos Judeu, atu sira husik ona sira nia sala, hodi tuir Nai Maromak i fiar ba Nai Jesus.

Apostolu sira nia Istoria 26:20

Primeiru hau foo sai Jesus nia Dalan ba ema Judeu sira iha Damasku, depois ba ema Judeu sira iha Jerusalém ho provinsia Judeia hotu, ho mos ba ema nebee laos Judeu. Hau koalia momoos ba sira hotu, para sira husik ona sira nia sala, ho fila ba Nai Maromak. Sira mos tenki hatudu hahalok diak, hanesan sinal katak sira tuir Nia duni.

Apostolu sira nia Istoria 3:19

Tanba nee, imi tenki husik ona imi nia sala i fila ba Nai Maromak, atu Nia bele hamoos imi nia sala hotu.

Ebreu 6:1

Tanba nee ita tenki lao ba oin hodi aprende buat nebee klean liu. La bele aprende fila-fila lisaun primeiru kona ba Kristu. Tuir loos imi la presiza tan ona buat baziku nebee hanorin ita para husik ita nia sala nebee lori ita ba mate, i hanorin ita atu fiar ba Maromak.