Mateus 4:12 - Biblia Tetun Dili

¹² Iha loron ida, Jesus rona katak ema kaer tiha João Sarani Nain hodi baa dadur iha komarka. Nunee Jesus husik tiha provinsia Judeia hodi baa fali iha provinsia Galileia.

Mateus 4:12 Iomraidhean Croise

Mateus 11:2

Iha tempu nebaa João Sarani Nain tama ona iha kadeia. Nia rona buat nebee Kristu halo. Nunee nia haruka nia eskolanti balu baa hasoru Jesus hodi husu,

Mateus 14:3

João Sarani Nain ho Erodes nia istoria nunee: Uluk Erodes kaben fali nia alin Filipe nia kaben Erodias. Iha tempu nebaa, João foo sala fila-fila dehan, “Ita la bele hola fali ita nia alin nia kaben, hahalok nee kontra Maromak nia lei!” Tanba nee Erodes haruka ema kaer João i futu hodi ba hatama iha kadeia.

Marcos 1:14

Bainhira ema kaer tiha João Sarani Nain hatama ba kadeia, Jesus baa kedas iha provinsia Galileia hodi foo sai Maromak nia Novidade Diak.

Marcos 6:17

Liurai Erodes hatete nunee, tanba uluk iha problema boot ho João. Nia istoria hanesan nee: liurai Erodes kaben fali ho nia alin Filipe nia kaben, naran Erodias, maski Filipe ho Erodias seidauk soe malu. Tan nee, João kritika bebeik liurai Erodes dehan, “Liurai, tuir loos ita boot la bele kaben fali ho ita nia alin nia feen. Nee kontra ita ema Judeu nia lei!” Maski nunee, liurai Erodes kaben nafatin ho feto nee. Depois nia haruka ema baa kaer João hatama iha kadeia.

Lucas 23:5

Maibee sira ulun toos nafatin hodi protesta dehan, “Lae, Nia tau lia ba povu no hanorin iha nebee ba nebee para povu halo rungu-ranga, komesa hosi provinsia Galileia, too iha rai Judeia tomak, mai too iha nee.”

Lucas 3:20

Maibee Erodes halo buat aat liu tan, nia haruka kaer João hatama ba komarka.

Lucas 4:14

Hotu tiha, Jesus nebee nakonu ho Espiritu Santu nia kbiit, fila fali ba provinsia Galileia. Ema iha distritu nee tomak konta kona ba Nia.

Lucas 4:31

Depois Jesus tuun baa sidade Kafarnaum iha provinsia Galileia. Iha loron Sabadu-sabadu Nia hanorin iha uma kreda.

João 1:43

Iha nebaa iha mos ema seluk ida, naran Filipe. Nia hosi aldeia Betsaida. Pedro ho Andre mos mai hosi nebaa. Iha aban fali, Jesus desidi atu baa provinsia Galileia. I Nia baa hasoru mos ho Filipe, i Nia bolu dehan, “Mai tuir Hau para sai Hau nia eskolante.”

João 2:11

Ida nee akontese iha aldeia Kanaa, iha provinsia Galileia. Nee milagre dahuluk Jesus halo nebee ema bele haree. Jesus hatudu Nia naroman-nabilan nunee, maka Nia eskolante sira fiar ba Nia.

João 4:43

Jesus sira hela loron rua iha nebaa, depois sira kontinua lao baa provinsia Galileia.

João 4:54

Ida nee milagre ba dala rua nebee Jesus halo bainhira Nia sai hosi Judeia, hodi baa Galileia.