Mateus 3:7 - Biblia Tetun Dili

⁷ Iha mos ema barak mai hosi grupu relijiaun Farizeu ho Saduseu atu João foo sarani sira. Maibee bainhira João haree sira, nia siak sira dehan, “He! Imi hanesan samea nebee fila lia tuun-sae! Maromak sei kastigu imi tanba imi nia hahalok aat. Karik ema bosok imi dehan imi bele sarani para sees aan hosi kastigu nee.

Mateus 3:7 Iomraidhean Croise

Jenesis 3:15

Hau sei halo o ho feto nee inimigu bebeik. I imi nain rua nia bei oan sira mos nunee. O nia jerasaun sei tata ema nia ain tuban. Maibee feto nee nia jerasaun ida, sei sama rahun o nia ulun.”

Mateus 12:24

Maibee bainhira ema hosi grupu relijiaun Farizeu rona nunee, sira dehan, “Ema nee bele duni sai espiritu aat tanba Nia simu kbiit hosi Belzebu, espiritu aat sira nia xefi.”

Mateus 12:34

Imi nee hanesan samea nebee fila lia tuun-sae! Imi ema laran aat bele koalia buat diak? Lae! Tanba buat nebee mak iha ema nia laran, ida nee mak sei sai hosi nia ibun.

Mateus 15:12

Jesus nia eskolanti sira mai dehan ba Nia, “Ita Boot hatene ka? Ita Boot nia liafuan ohin nee xoke loos ema Farizeu sira.”

Mateus 16:1

Iha loron ida ema balu hosi grupu relijiaun Farizeu ho Saduseu mai koko Jesus. Sira husu para Nia hatudu tan sinal ida ba sira hodi hatudu katak Nia kbiit nee mai duni hosi Maromak.

Mateus 16:6

Depois Jesus hatete ba sira, “Matan moris neon nain! Hadook aan hosi ema Farizeu ho Saduseu sira nia fermentu.”

Mateus 22:15

Depois ema Farizeu sira sai hosi nebaa hodi kombina malu atu hamonu Jesus liu hosi pergunta oi-oin.

Mateus 22:23

Iha loron nee ema hosi grupu relijiaun Saduseu mos mai iha Jesus. Ema Saduseu sira hanorin dehan, ema mate sei la moris fali. Entaun sira husu ba Jesus,

Mateus 22:34

Bainhira ema Farizeu sira rona katak Jesus halo ema Saduseu sira la brani atu koalia tan. Nunee ema Farizeu sira halibur malu atu koko tan Jesus.

Mateus 23:33

He! Imi hanesan samea nebee fila lia tuun-sae! Oinsaa imi bele halai sees hosi kastigu iha infernu?

Mateus 5:20

Hau dehan ba imi, imi tenki moris loos liu fali mestri relijiaun sira ho ema Farizeu sira. Se lae imi la bele tama iha Maromak nia reinu.”

Marcos 12:13

Liu tiha nee, nai-lulik ho ema boot sira haruka ema Farizeu balu ho liurai Herodes nia ema balu, baa hasoru Jesus, maibee ho hanoin aat atu koko Nia.

Marcos 12:18

Nee hotu tiha, iha ema hosi grupu relijiaun seluk baa koko tan Jesus. Sira hosi grupu Saduseu. Sira hanorin katak, ema mate la bele moris fali. Iha loron ida, ema Saduseu balu mai koko Jesus. Sira koalia ho Jesus, dehan

Marcos 8:15

Rona sira koalia kona ba paun, Jesus dehan, “Imi tenki kuidadu ho liurai Erodes no ema Farizeu sira. Sira nia hanorin hanesan fermentu nebee tau ba trigu hodi halo trigu sae.”

Lucas 16:14

Iha ema balu hosi grupu relijiaun Farizeu rona Jesus nia koalia nee, sira goza fali Nia, tanba sira hadomi liu osan.

Lucas 18:11

Ema Farizeu nee hamriik hodi halo orasaun nunee, ‘Maromak, hau agradese ba Ita Boot, tanba hau laos hanesan ema sira seluk. Hau laos naok-teen, laos ema aat, la halo sala ho ema nia kaben, no la hanesan kobrador impostu ida nebaa.

Lucas 7:30

Maibee ema hosi grupu relijiaun Farizeu sira ho mestri relijiaun Judeu sira lakohi tuir Nai Maromak nia hakarak. Nee mak sira lakohi atu João foo sarani sira.

João 1:24

Ema sira nebee mai hosi Jerusalém nee, iha mos ema balu hosi grupu relijiaun Farizeu.

João 8:44

Imi nia hahalok hanesan diabu, tanba imi gosta halo tuir diabu nia hakarak. Hosi hahuu kedas nia oho door ema. Nia kontra buat nebee loos, tan nia la simu buat loos hotu-hotu. Se nia bosok teen, nee ba nia baibain. Tan nia nee, bobar lia door, no bosok-teen hotu nia huun.

João 9:40

Iha nebaa, iha ema Farizeu balu rona hela Nia koalia nee. No sira husu, “Oinsaa mak nee? O hanoin ami mos matan delek, ka?”

Apostolu sira nia Istoria 15:5

Maibee sarani Judeu balu hosi grupu relijiaun Farizeu hamriik hodi dehan, “Ema nebee laos Judeu, mak hakarak tuir Jesus, sira tenki sunat i mos tenki tuir ita nia lei nebee Nai Maromak foo liu hosi profeta Moisés.”

Apostolu sira nia Istoria 20:31

Tanba nee, imi tenki matan moris neon nain. Keta haluha, hau hela tinan tolu nia laran hamutuk ho imi, hodi hanorin imi loron-kalan. Hau nia matan been fakar barak, tanba imi.

Apostolu sira nia Istoria 26:5

Sira konhese hau kleur ona. Nunee, se sira hakarak atu foo sasin karik, sira bele hatete katak hau moris nudar ema hosi grupu relijiaun Farizeu. Ema hotu hatene dehan, ami ema Farizeu fanatiku liu tuir ami nia lei relijiaun.

Apostolu sira nia Istoria 5:17

Iha tempu nee, nai-lulik Judeu sira nia boot ho nia kolega sira hosi partidu Saduseu laran moras makaas.

Roma 1:18

Maromak iha lalehan hatudu sai katak, Nia hirus teb-tebes ema nebee moris iha sala no ema nebee hahalok aat. Sira nia hahalok aat nee taka ema seluk nia matan atu la bele haree dalan loos.

Roma 5:9

Agora, Maromak deklara ita moris loos ona tanba Kristu nia raan fakar too mate ba ita. Nunee ita hatene ona katak, Kristu sei salva ita bainhira Maromak fakar Nia hirus.

1 Tesalonika 1:10

Sira mos konta dehan, imi hein hela Nai Maromak nia Oan Jesus fila mai hosi lalehan. Uluk, ema oho tiha Nia, maibee Nai Maromak halo Nia moris fali. I Nai Jesus mak sei salva ita hosi Maromak nia kastigu iha loron ikus.

Ebreu 11:7

Noé fiar ba Nai Maromak. Nee mak bainhira Maromak foo hatene dehan, Nia atu halo rai nabeen, Noé mos rona. Maski Noé seidauk haree buat nee, maibee nia hakruuk ba Nai Maromak hodi halo roo para salva nia aan ho mos nia familia. Tanba nia fiar nee, Maromak konsidera nia ema ida nebee moris loos. Maibee ema sira seluk iha tempu nebaa hetan kastigu too mate mohu tanba sira la fiar ba Maromak hanesan Noé.

Ebreu 6:18

Nia promesa ho Nia juramentu nee sei la muda, tanba Maromak nunka bosok. Nunee Nia halo juramentu nee para ita nebee buka mahon ona iha Nia bele laran metin ba Nia promesa nee.

1 João 3:10

Imi bele hatene ida nebee mak Maromak nia oan, i ida nebee mak diabu nia oan, hanesan nee: see mak la halo buat nebee loos no la hadomi nia maun-alin iha Kristu, ema nee laos Maromak nia oan.