Mateus 3:11 - Biblia Tetun Dili

¹¹ Hau foo sarani imi ho bee deit para hatudu katak imi husik ona imi nia sala. Maibee la kleur tan, Ema ida boot liu hau sei mai. Atu kore deit Nia sandalias talin mos, hau la serve. Nia nee sei sarani imi ho Espiritu Santu no ho ahi.

Mateus 3:11 Iomraidhean Croise

Mateus 3:6

Sira foo sai sira nia sala, i João foo sarani sira iha mota Jordaun.

Marcos 1:4

João nee baa iha rai fuik maran i foo sai makaas dehan, “Imi tenki husik ona imi nia sala hotu, i la bele halo tan, para Nai Maromak hamoos imi nia sala. Depois imi tenki sarani, hanesan sinal ida katak imi diak malu fali ona ho Maromak.”

Lucas 1:17

Nia mai ho espiritu no kbiit hanesan Maromak nia profeta Elias. João sei mai uluk hodi prepara povu atu simu ita nia Nai. Depois mak foin ita nia Nai mai. João sei halo aman sira nia laran hadomi fila fali sira nia oan. I ema sira nebee fila kotuk ba Maromak, nia sei halo sira tuir fali Maromak nia hakarak.”

Lucas 3:16

Maibee João hatete ba sira hotu, “Hau sarani imi ho bee deit. Maibee la kleur tan, Ema ida boot liu hau sei mai. Atu kore deit Nia sandalias talin mos, hau la serve. Ema nee la sarani imi ho bee, maibee Nia sei sarani imi ho Espiritu Santu no ho ahi.

Lucas 3:3

Entaun João baa iha fatin-fatin besik mota Jordaun hodi foo hatene ba povu dehan, “Husik ona imi nia sala hodi entrega imi nia aan ba sarani, para Nai Maromak hamoos imi nia sala.”

João 1:15

João foo sai kona ba Ema nee. João koalia ho lian makaas dehan, “Hotu-hotu, rona mai! Nia nee mak ida nebee hau hatete tiha ona dehan, ‘La kleur Ema ida atu mai. Nia nee, boot liu hau. Tanba molok hau moris, Nia iha tiha ona!’ ”

João 1:30

Ema ida nee, mak hau hatoo ona ba imi dehan, ‘La kleur Ema ida sei mosu mai. Nia boot liu hau, tanba Nia iha uluk hau.’

Apostolu sira nia Istoria 1:5

Uluk João sarani imi ho bee, maibee iha loron hira tan, Nai Maromak sei foo Nia Espiritu Santu hodi domina imi.”

Apostolu sira nia Istoria 19:4

Paulo hatete, “João sarani ema hanesan sinal katak sira husik ona sira nia sala. Maibee nia mos hanorin ema Israel, para sira tenki fiar ba Jesus, Ema nebee Maromak atu haruka mai nee.”

Apostolu sira nia Istoria 8:36

Bainhira sira lao dadauk, ema Etiópia nee haree bee ituan, i nia hatete ba Filipe, “Senhor, haree tok iha nebaa iha bee. Se bele, mai ita tuun para senhor sarani hau agora.”

Apostolu sira nia Istoria 8:38

I ema Etiópia nee haruka nia ema halo para tiha nia kuda kareta. Sira nain rua tuun i tama ba bee nee, depois Filipe sarani nia.

1 Korintu 12:13

Ita hotu Maromak kesi metin ho Espiritu ida. Nee mak bainhira ita sarani, ita sai povu ida deit. Atu ita ema Judeu ka gregu, ema atan ka ema livre, Maromak foo Espiritu ida deit mai ita hotu. Nee hanesan ita hotu hemu bee nebee lori moris hosi bee matan nebee hanesan.

Efezu 3:8

Hosi Maromak nia povu santu hotu-hotu nebee fiar, hau mak kiik liu. Maski nunee, Maromak foo fiar mai hau para foo hatene ba ema nebee laos Judeu, kona ba Kristu nia laran diak mai ita nebee ita sukat la too.

Tito 3:5

Nia salva ita, laos tanba ita nia hahalok diak, maibee tanba Nia hadomi ita. Nia hamoos tiha ona ita nia sala i halo ita moris foun fali, liu hosi nia Espiritu Santu.

1 Pedro 5:5

Nunee mos imi foin-sae sira, imi tenki hakruuk ba ema nebee idade liu. Imi hotu la bele foti aan, maibee tenki haraik aan ba malu, tanba iha Livru Sagradu hakerek nunee: “Nai Maromak kontra ema nebee foti aan, maibee Nia hatudu Nia laran diak ba ema nebee haraik aan.”