Mateus 28:8 - Biblia Tetun Dili

⁸ Nunee senhora nain rua husik kedas rate nee. Sira tauk maibee sira mos haksolok teb-tebes. Sira halai lalais baa foo hatene ba Jesus nia eskolanti sira.

Mateus 28:8 Iomraidhean Croise

Mateus 28:7

Haree tiha, imi baa lalais foo hatene ba Nia eskolanti sira katak, Nia moris fali ona hosi mate. Nia sei baa uluk imi iha Galileia hodi hein imi, i imi sei haree Nia iha nebaa. Ida nee mak hau nia lia menon ba imi.”

Mateus 28:9

Iha dalan klaran, derepenti Jesus hasoru sira i kumprimenta sira dehan, "Shalom." Entaun sira baa besik Nia i hakruuk hakuak Nia ain hodi adora Nia.

Marcos 16:8

Bainhira feto sira nee baa haree fatin nee mamuk duni, sira hakfodak! Sira halai sai kedas, i fila lalais. Iha dalan, sira la foo hatene ba ema ida, tanba sira tauk atu mate.

João 16:20

Diak liu imi buka hatene. Hau hatete loloos ba imi nunee: imi sei tristi no tanis, maibee ema seluk iha mundu nee sira haksolok. Maski imi laran tristi nunee, maibee depois imi sei haksolok fali.

João 16:22

Nunee mos ho imi. Agora imi laran susar no tristi. Maibee la kleur Hau sei mai haree fali imi, nunee imi nia laran kontenti fali. I bainhira buat nee akontese ona, la iha ema ida mak bele impede imi nia laran haksolok nee.