Mateus 28:6 - Biblia Tetun Dili

⁶ Nia la iha nee ona, tanba Nia moris fali ona, tuir buat nebee uluk Nia hatete tiha ona. Mai haree fatin nebee ema tau Nia mate isin nee.

Mateus 28:6 Iomraidhean Croise

Mateus 12:40

Jonas hela iha ikan boot nia kabun laran loron tolu kalan tolu. Nunee mos Hau, Ema Oan, sei hela iha rai okos loron tolu kalan tolu.

Mateus 16:21

Komesa hosi loron nee, Jesus hatete sai ba Nia eskolanti sira katak, Nia tenki baa iha Jerusalém i tenki simu terus oi-oin. Nai ulun Judeu sira, nai-lulik nia ulun sira ho mestri relijiaun sira sei halo terus Nia. Ema sei oho tiha Nia, maibee iha loron tolu, Nia sei moris fila fali.

Mateus 17:23

Sira sei oho Hau, maibee iha loron tolu Hau moris fali.” Rona nunee, Nia eskolanti sira tristi teb-tebes.

Mateus 17:9

Hotu tiha Jesus ho Nia eskolanti sira tuun fali hosi foho. Sira lao tuun dadauk, Jesus bandu dehan, “Saida mak ohin imi haree nee, la bele hatete ba ema ida. Bainhira Hau, Ema Oan, moris fali hosi mate mak foin imi bele foo sai ba ema.”

Mateus 20:19

Sira sei entrega Hau ba iha ema nebee la konhese Maromak. I ema sira nee sei tarata Hau, baku Hau ho sikoti, i prega Hau iha krus. Maibee iha loron tolu Hau sei moris fali hosi mate.”

Mateus 27:63

Sira dehan, “Senhor, ami hanoin hela Ema bosok-teen nee nia liafuan. Uluk Nia sei moris, Nia dehan katak liu tiha loron tolu Nia sei moris fali.

Marcos 16:6

I mane nee hatete ba sira nunee, “Imi keta tauk. Hau hatene imi mai buka Jesus hosi Nazaré, ida nebee ema oho iha krus. Nia la iha nee tan ona. Tanba Nia moris fali ona. Mai imi haree rasik fatin nebee sira latan Nia mate isin, mamuk tiha ona.

Marcos 8:31

Liu tiha nee, Jesus komesa foo hatene ba Nia eskolanti sira dehan, “Hau, Ema Loos Duni. La kleur tan, Hau sei hetan terus oi-oin, hosi nai ulun Judeu sira, nai-lulik Judeu nia ulun sira, ho mestri relijiaun sira. Sira hotu sei la simu Hau. Sira sei oho mate Hau, maibee iha loron tolu, Hau moris fali.”

Lucas 24:12

Maski nunee, Pedro hamriik lalais hodi halai ba rate. Too iha nebaa, nia hakruuk hodi hateke ba rate laran, maibee nia so haree deit hena mutin nebee hodi falun mate isin nee. Nia fila ba uma hodi hanoin hela dehan, “Oinsaa mak nee?”

Lucas 24:23

maibee sira la hetan Jesus nia mate isin. Depois sira fila hodi konta mai ami dehan, sira haree anju sira nebee hatete katak Jesus moris fali ona.

Lucas 24:44

Hotu tiha Jesus dehan ba sira, “Uluk Hau sei hamutuk ho imi, Hau hatete katak, buat hotu nebee hakerek ona kona ba Hau iha Livru Sagradu, komesa hosi lei Moisés nian too profeta sira seluk nia liafuan ho mos livru Salmus, buat sira nee hotu tenki kumpri duni.”

João 10:17

Tanba nee, mak Hau nia Aman iha lalehan hadomi Hau. Tanba Hau foo Hau nia aan too mate, para Hau bele moris fila fali.

João 2:19

Jesus hataan, “Se imi harahun tiha fatin santu nee, Hau sei harii fila fali iha loron tolu nia laran.”

Apostolu sira nia Istoria 2:24

Maibee mate la bele domina Nia. Nee mak Nai Maromak hasai Nia hosi ema mate nia leet, i halo Nia moris fali.