Mateus 28:2 - Biblia Tetun Dili

² Derepenti rai nakdoko makaas tanba Nai Maromak nia anju ida tuun mai hosi lalehan hodi duir tiha fatuk nebee taka rate nee. I nia tuur iha fatuk nee nia leten.

Mateus 28:2 Iomraidhean Croise

Mateus 27:60

Nia lori Jesus nia mate isin baa haloot iha rate nebee nia prepara tiha ona ba nia aan rasik. Fatin nee fatuk lolon nebee ema bahat tiha ona para sai rate. Depois nia duir fatuk boot ida hodi taka rate ibun nee. Hotu tiha nia fila.

Mateus 27:66

Nunee nai ulun Judeu sira hamutuk ho soldadu sira baa iha rate. Sira tau sinal ba rate nee nia odamatan atu ema keta tama. Depois soldadu sira hein metin nafatin iha nebaa para ema la bele mai foti mate isin.

João 20:1

Loron Domingu, loron primeiru iha semana nee, Maria hosi rai Madala baa Jesus nia rate iha dadeer-saan nakukun. Too iha nebaa, nia haree fatuk boot nebee hodi taka rate ibun nee, muda sees tiha ona hosi nia fatin.

Apostolu sira nia Istoria 16:26

Derepenti deit rai nakdoko makaas, too uma kadeia tomak mos nakdoko. I odamatan kadeia nian nakloke hotu, korenti nebee hodi kesi ema dadur sira mos namkore tiha hotu.

Apostolu sira nia Istoria 5:19

Maibee iha kalan nee kedas Nai Maromak nia anju ida baa loke kadeia nia odamatan, i lori sira sai ba liur. Nia hatete,

1 Timóteo 3:16

Segredu nebee Maromak foo sai ona mai ita kona ba Jesus Kristu, diak teb-tebes. Segredu nee mak nee: Jesus Kristu fila aan sai ema. Maromak nia Espiritu hatudu katak, Jesus nee loos duni. Maromak nia anju sira mos haree Nia. Ema foo sai kona ba Nia too iha nasaun-nasaun. Iha mundu tomak, ema fiar ona ba Nia. Nai Maromak hasae ona Nia ba lalehan hodi foti aas Nia naran.

1 Pedro 1:12

Espiritu Santu foo hatene ba sira katak, buat nebee sira foo sai nee, laos atu serbii sira nia aan, maibee atu serbii imi. Novidade Diak nebee profeta sira foo sai nee, ikus mai imi mos rona hosi ema seluk. Sira nee simu kbiit hosi Maromak Nia Espiritu hosi lalehan para haklaken Nia Novidade Diak nee ba imi. Afinal anju sira mos hakarak teb-tebes atu hatene buat sira nee.

Apokalipse 11:19

Depois Maromak nia Uma Kreda Boot iha lalehan nia odamatan nakloke. I hau haree Arka Aliansa iha laran. Rai lakan mos fera ba-mai, rai tarutu makaas iha fati-fatin, rai nakdoko, i udan jelu fatuk boboot monu tuun mai rai.