Mateus 27:4 - Biblia Tetun Dili

⁴ Nia hatete, “Hau halo sala ona! Hau faan Ema ida nebee la iha sala ba ema oho.” Maibee sira hataan, “Ami la interese. Nee o nia problema.”

Mateus 27:4 Iomraidhean Croise

Jonas 1:14

Entaun sira harohan ba Jonas nia NAI Maromak dehan, “Nai! Tulun ami lai! Keta husik ami mate tanba ami atu soe ema ida nee ba tasi laran. Se karik nia nunka halo sala, i ami oho mate nia, keta foo sala nee mai ami. Tan Maromak mak prepara buat hotu-hotu, laos ami. Nunee ami la lori sala nee.”

Mateus 27:19

Bainhira Pilatus tuur iha kadeira juiz nian atu tesi Jesus nia lia, nia feen haruka lia menon dehan, “La bele envolve iha Ema nee nia problema, tanba Ema nee la sala ida. Horikalan hau mehi kona ba Nia nebee halo hau terus loos.”

Mateus 27:54

Bainhira komandante Roma ho soldadu sira nebee hein Jesus nee haree rai nakdoko ho buat seluk nebee akontese, sira tauk teb-tebes hodi dehan, “Loos duni! Ema nee Maromak nia Oan.”

Lucas 23:22

Pilatus koalia ba sira ba dala tolu, dehan, “Nia halo krimi saida? Hau la hetan razaun ida para hau bele kastigu mate Nia. Nee mak hau haruka ema baku deit Nia ho sikoti, depois husik fila fali.”

Lucas 23:41

Ita nain rua merese duni simu kastigu nee, tanba ita nia hahalok aat. Maibee Ema nee la halo sala buat ida.”

Lucas 23:47

Komandante Roma haree buat nebee mak akontese, i nia hahii Nai Maromak dehan, “Tebes duni! Ema nee Ema ida ke moris loos.”

João 19:7

Ema Judeu sira hataan, “Ami iha lei hosi Maromak. Tuir lei, ema nee tenki mate, tanba Nia foti Nia aan nudar Maromak nia Oan.”

Apostolu sira nia Istoria 13:28

Sira la hetan razaun ida para atu oho Jesus. Bele nunee mos, sira husu ba governador Pilatus para oho Nia.

Roma 3:19

Entaun, ita hatene katak, liafuan hotu-hotu nebee hakerek iha Maromak nia lei hatudu ba sira nebee moris iha lei nia okos. Maromak foo lei nee para ema ida la bele defende aan dehan nia moris loos. Aban-bainrua ema hotu-hotu iha mundu tenki hataan iha Maromak nia oin.

1 Timóteo 4:2

Iha mos mestri balu hanorin sala. Sira bosok-teen, koalia oin ida, hahalok oin seluk. Tanba sira halo sala bebeik, sira la hatene ona saida mak diak, saida mak aat nunee.

Tito 1:16

Mestri falsu sira nee dehan sira konhese Maromak, maibee sira nia hahalok hatudu katak sira la konhese Nia. Sira koalia oin ida, hahalok oin seluk. Ema sira nee hahalok aat. Sira lakohi halo tuir Nai Maromak nia hakarak, i sira la iha kapasidade hodi halo buat diak ida.

Ebreu 7:26

Jesus nee Nai-Lulik Boot nebee mak diak liu. Ita presiza teb-tebes nai-lulik ida hanesan nee, tanba Nia ema ida nebee santu, la iha sala, buat aat ida mos la iha. Maromak haketak ona Nia hosi ema sala nain sira hodi foti Nia ba iha fatin aas liu iha lalehan.

1 Pedro 1:19

Maibee Nia selu ho Nia raan rasik. Nia raan nee folin karun teb-tebes! Kristu mate hanesan bibi malae oan nebee ema oho hodi halo sakrifisiu ba Nai Maromak. Nia sai sakrifisiu ida ke moos loos, sala ida mos la iha.

1 João 3:12

La bele sai hanesan Kaín. Nia hanesan fali diabu nia oan, too nia oho nia alin rasik. Tansaa mak Kaín oho nia alin? Tanba nia halo buat aat, maibee nia alin halo buat loos iha Maromak nia oin.

Apokalipse 11:10

Ema iha mundu tomak kontenti tanba sasin nain rua nee mate tiha ona, tanba sira nain rua halo terus ema iha mundu tomak. Nunee sira rame-rame halo festa i foo prezenti ba malu.