Mateus 27:2 - Biblia Tetun Dili

² Depois sira futu Nia, i lori Nia ba entrega iha governador Pilatus.

Mateus 27:2 Iomraidhean Croise

Jenesis 22:9

Bainhira sira too ona iha fatin nebee Maromak hatete nee, Abraão hada fatuk hanesan altar para tunu sakrifisiu. Nia tau ai iha altar leten. Depois nia kesi tiha nia oan Isac i hatoba iha ai leten.

Mateus 20:19

Sira sei entrega Hau ba iha ema nebee la konhese Maromak. I ema sira nee sei tarata Hau, baku Hau ho sikoti, i prega Hau iha krus. Maibee iha loron tolu Hau sei moris fali hosi mate.”

Mateus 28:14

Se governador rona karik, ami mak baa koalia ho nia atu nunee imi la bele hetan kastigu.”

Lucas 13:1

Iha tempu nee, ema foo hatene ba Jesus dehan, governador Pilatus oho tiha ema Galileia balu i sira nia raan kahur ha animal nia raan nebee sira oferese hanesan sakrifisiu ba Maromak iha Uma Kreda boot.

Lucas 20:20

Nunee mestri relijiaun ho nai lulik nia xefi sira haree tutuir Jesus. Sira haruka sira nia ema balu baa hafuhu Jesus hodi husu pergunta ba Nia. Ema sira nee finji husu ho laran, afinal buka atu halo monu Nia. Se Nia hataan sala, sira bele kesar Nia ba governador, para haruka kaer Jesus.

Lucas 23:1

Hotu tiha, ema Judeu nia ulun boot sira hotu hamriik hodi lori Jesus ba governador Pilatus.

Lucas 23:12

Uluk Erodes ho Pilatus inimigu malu, maibee iha loron nee sira nain rua diak malu fali.

Lucas 3:1

Bainhira liurai boot Tibério ukun iha Roma besik tinan sanulu resin lima ona, Pónsiu Pilatus mak governador iha provinsia Judeia. Erodes ukun iha Galileia, Erodes nia maun Filipe ukun iha Itureia ho Trakonitis, i Lisánias ukun iha Abilene.

João 18:12

Tuir mai, komandante, soldadu sira, ho ema seguransa hosi Uma Kreda Boot, kaer Jesus, i futu tiha Nia.

João 18:24

Tuir mai, Anas haruka sira lori Nia ba Kaifas. Kaifas nee mak ulun boot relijiaun Judeu nian. Bainhira sira lori Jesus baa, sira futu nafatin Nia.

João 18:28

Iha dadeer-saan nakukun sira lori Jesus hosi Kaifas nia uma ba governador nia palasiu iha tropas Roma sira nia kuartel prinsipal. Ema Judeu sira rasik la tama baa iha ema Roma sira nia kuartel, para sira la bele sai foer tuir sira nia kostumi relijiaun, tanba sira atu baa haan iha festa Paskua.

Apostolu sira nia Istoria 12:6

Iha kalan molok Erodes atu tesi Pedro nia lia, Pedro toba dukur hela iha soldadu rua nia leet. Sira kesi nia ho korenti rua, i soldadu balu hein iha kadeia nia odamatan oin.

Apostolu sira nia Istoria 21:33

Komandante kaer tiha Paulo, i haruka sira futu nia ho korenti rua. Nia husu ba ema barak nee, “Ema nee see? Nia halo sala saida?”

Apostolu sira nia Istoria 22:25

Momentu sira kesi Paulo nia liman atu baku, nia husu ba kapitaun nebee hamriik besik dehan, “Tuir governu Roma nia lei, nebee mak loos? Se iha ema sidadaun Roma ida halo sala, imi tenki halo saida ba nia? Imi baku uluk nia ka, tesi nia lia uluk?”

Apostolu sira nia Istoria 22:29

Bainhira sira rona dehan Paulo sidadaun Roma, soldadu nebee prontu ona atu baku Paulo, hakiduk kedas. Komandante mos tauk, tanba nia haruka kesi tiha ona Paulo nia liman, ida nee kontra lei.

Apostolu sira nia Istoria 24:27

Liu tiha tinan rua, iha governador foun ida mai troka nia, naran Pórsiu Festu. Félix atu halo kontenti ema Judeu nia lider sira, nunee mak nia kastigu nafatin Paulo iha kadeia.

Apostolu sira nia Istoria 28:20

Tan lia nee mak hau halibur maun-alin sira iha nee, para ita koalia. Hau hakarak para ita boot sira hatene katak sira futu hau ho korenti nee, tanba hau serbii Ema ida nebee povu Israel hein ho laran metin atu Nai Maromak haruka mai.”

Apostolu sira nia Istoria 3:13

Lae! Ita nia bei-ala Abraão, Isac ho Jacó́, ho ita nia bei-ala sira hotu, adora Nai Maromak. Nia nee mak kura ema nee hodi foti aas Jesus, ida nebee sempre tuir Maromak nia hakarak. Jesus nee uluk imi entrega tiha ba governador Pilatus. Tuir loloos governador atu hasai Nia, maibee imi mak lakohi.

Apostolu sira nia Istoria 4:27

Buat nebee liurai David hakerek agora sai loos duni. Iha sidade nee, liurai Erodes ho governador Pónsiu Pilatus hamutuk ona ho nai ulun sira hosi Israel, ho nai ulun sira hosi nasaun seluk. Sira hotu kombina hodi kontra Jesus, Ita Boot nia Oan Santu, nebee Ita Boot hili ona. Nia sempre halo tuir Ita Boot nia hakarak.

Apostolu sira nia Istoria 9:2

hodi husu surat rekomendasaun atu foo iha responsavel uma kreda Judeu sira iha sidade Damasku nebaa. Ho surat nee nia husu lisensa, se nia hasoru ema nebee tuir Jesus nia Dalan, mane ka feto, nia bele kaer i futu sira, i lori mai Jerusalém.

1 Timóteo 6:13

Iha Maromak nia futar oin, nebee foo moris ba buat hotu-hotu no iha Kristu Jesus nebee foo sasin loloos kona ba Nia Aan iha governador Pontius Pilatus nia oin,

2 Timóteo 2:9

Tanba hau foo sai Novidade Diak nee mak hau hetan terus, too ema kesi tan hau ho korenti hanesan fali ema nebee halo krimi. Maibee Nai Maromak nia liafuan, ema ida la bele kesi.

Ebreu 13:3

Hanoin ba ema dadur sira, hanesan imi mos dadur hamutuk ho sira. I hanoin mos ema sira nebee hetan terus tanba ema halo aat sira, hanesan imi rasik mak hetan terus nee.