Mateus 26:74 - Biblia Tetun Dili

⁷⁴ Maibee Pedro jura no foo malisan ba nia aan dehan, “Hau la konhese Ema nee.” Iha momentu nee kedas, manu kokoreek.

Mateus 26:74 Iomraidhean Croise

Mateus 10:28

La bele tauk ema nebee mak hakarak oho imi, tanba sira so bele oho deit imi nia isin lolon, imi nia klamar sira la bele oho. Diak liu imi tauk ba Maromak, tanba Nia mak iha kbiit hodi oho imi nia isin lolon i soe imi nia klamar ba infernu.

Mateus 26:34

Jesus dehan ba nia, “Hau hatete loloos ba o, iha kalan nee duni, molok manu kokoreek, o sei nega Hau dala tolu.”

Mateus 26:73

La kleur, ema sira iha nebaa mai besik Pedro hodi dehan, “O nee Nia ema duni. Tanba o koalia hanesan ema Galileia.”

Mateus 26:75

Rona nunee, Pedro hanoin fila fali liafuan nebee uluk Jesus dehan ba nia, “Molok manu kokoreek, o sei nega Hau dala tolu.” Tuir mai, Pedro sai hosi nebaa i tanis ho laran tristi.

Mateus 27:25

Sira hotu hataan, “Husik Ema nee nia raan, ami ho ami nia oan no beoan sira mak lori.”

Marcos 14:30

Jesus hataan, “Pedro, hanoin didiak! Orsida kalan, molok manu kokoreek dala rua, o sei nega Hau dala tolu, dehan, o la konhese Hau.”

Marcos 14:68

Pedro hataan, “Lae! Nusaa mak o husu nunee?! Hau la konhese Nia.” Depois Pedro hamriik, baa tiha iha portaun oin. [Iha momentu nee duni, manu mos kokoreek.]

Lucas 22:60

Maibee Pedro nega dehan, “Lae! Hau la hatene saida mak ita koalia nee.” Pedro sei koalia hela manu mos kokoreek.

João 18:27

Maibee Pedro nega fali tan. Momentu nee, manu kokoreek kedas.

Roma 9:3

tanba hau nia maluk Israel sira nebee lakohi simu Kristu. Se karik Maromak bele foo malisan mai hau iha sira nia fatin hodi soe hau dook hosi Kristu para sira bele hetan salvasaun, hau prontu simu.

1 Korintu 16:22

See mak la hadomi Nai Jesus, nia sei hetan malisan. Maranata! Jesus, mai ona baa!

Apokalipse 3:19

Ema nebee Hau hadomi, sira nee mak Hau koriji i Hau kastigu. Entaun imi tenki hakaas aan hodi husik ona imi nia sala.