Mateus 26:53 - Biblia Tetun Dili

⁵³ O la hatene ka? Se karik Hau husu tulun ba Hau nia Aman iha lalehan maka Nia sei haruka kedas anju barak liu batalhaun sanulu resin rua para mai ajuda Hau.

Mateus 26:53 Iomraidhean Croise

Mateus 25:31

Jesus hatutan tan dehan, “Hau, Ema Oan sei fila fali mai hosi lalehan ho naroman nabilan, i anju sira hotu mai hamutuk ho Hau. Hau sei tuur iha kadeira naroman nabilan hodi ukun nudar Liurai.

Mateus 4:11

Depois diabu husik tiha Jesus, i anju sira mai serbii Nia.

Marcos 5:15

Bainhira sira hetan Jesus, sira mos haree mane nebee uluk espiritu aat tama nee, tuur hakmatek hela. Ninia hanoin hanesan fali bai-bain i hatais fali hena ona. Haree nunee, ema sira tauk, tanba sira hatene ona, ema nebee duni sai espiritu aat barak nee, Nia iha kbiit boot teb-tebes.

Marcos 5:9

Liu tiha Jesus husu ba nia, “O naran saa?” Ema nee hataan, “Hau nia naran, Lejiaun, tanba ami espiritu barak teb-tebes, hanesan tropas sira nia bataliaun barak.”

Lucas 8:30

Jesus husu ba nia, “O naran saa?” Nia hataan, “Batalhaun”. Nia hataan nunee tanba espiritu aat barak loos hela iha nia laran.

João 10:18

La iha ema ida obriga Hau atu foo Hau nia moris, maibee Hau rasik mak foo Hau nia aan too mate. Hau iha direitu hodi foo Hau nia aan. Hau mos iha direitu hodi foti fila fali. Orden nee, Hau simu hosi Hau nia Aman iha lalehan.”

João 18:36

Jesus hataan, “Hau laos liurai ida iha mundu nee. Se Hau liurai iha mundu nee, Hau nia ema sira defende Hau para ema Judeu la kaer Hau. Loos, Hau Liurai duni. Maibee laos ema iha mundu nee mak foti Hau.”

2 Tesalonika 1:7

Nia sei foo kamaan ba imi nebee terus, ho mos ba ami. Buat sira nee sei sai duni bainhira Nai Jesus mosu mai hosi lalehan ho Nia anju sira nebee forsa teb-tebes.

Judas 1:14

Nunee mos Enoke foo sai hori uluk kedas kona ba ema hanesan nee. Se ita sura Adão nia jerasaun, Enoke tama ba jerasaun hitu. Nia dehan nunee: “Haree baa! Ita nia Nai mai ho anju rihun ba rihun.