Mateus 26:42 - Biblia Tetun Dili

⁴² Depois Jesus baa halo orasaun ba dala rua dehan, “Hau nia Aman! Se Hau tenki simu terus nee, entaun halo tuir Ita Boot nia hakarak baa.”

Mateus 26:42 Iomraidhean Croise

Mateus 20:22

Maibee Jesus hataan ba Tiago ho João dehan, “Imi la komprende saida mak imi husu. La kleur Hau sei hemu kalis ka simu terus todan. Imi mos prontu simu terus nee ka lae?” Sira hataan, “Ami prontu.”

Mateus 26:39

Jesus lao tan ba oin ituan, depois Nia hakneak i taka oin ba rai hodi halo orasaun dehan, “Hau nia Aman, se bele karik hasai tiha terus ida nee hosi Hau. Maibee la bele tuir Hau nia hakarak, tuir deit Ita Boot nia hakarak.”

Mateus 26:43

Bainhira Nia fila fali ba sira nain tolu, Nia haree sira toba hela, tanba sira nia matan dukur teb-tebes.

Mateus 6:10

Mai ukun ema hotu-hotu baa. Tulun ema iha mundu nee atu halo tuir Ita Boot nia hakarak, hanesan sira iha lalehan mos halo tuir.

Lucas 22:42

“Hau nia Aman, se Ita Boot hakarak, hasai tiha terus ida nee hosi Hau. Maibee la bele halo tuir Hau nia hakarak, halo tuir deit Ita Boot nia hakarak.”

João 6:38

Tan Hau tuun mai hosi lalehan hodi halo tuir Hau nia Aman iha lalehan nia hakarak. Tanba Nia mak haruka Hau mai. Hau lakohi halo tuir Hau nia hakarak rasik.

Ebreu 4:15

Ita nia nai-lulik boot nee komprende liu ita, Nia hatene katak ita ema nee fraku. Nia hatene tulun ita tanba uluk Nia rasik hasoru tentasaun hotu-hotu hanesan mos ita. Maski nunee, Nia nunka monu ba sala.