Mateus 26:4 - Biblia Tetun Dili

⁴ Sira kombina malu atu kaer Jesus nonook deit hodi oho nia.

Mateus 26:4 Iomraidhean Croise

Jenesis 3:1

Hosi animal sira hotu nebee NAI Maromak halo ona iha mundu, samea mak matenek hodi bobar lia tuun-sae. Iha loron ida, samea husu ba feto dehan, “NAI Maromak bandu dehan, ‘Imi la bele haan ai fuan sira iha toos nee’, loos ka lae?”

Mateus 12:14

Entaun ema Farizeu sira sai tiha ba liur hodi kombina malu para oho Jesus.

Mateus 23:33

He! Imi hanesan samea nebee fila lia tuun-sae! Oinsaa imi bele halai sees hosi kastigu iha infernu?

Marcos 14:1

Nee liu tiha, nai lulik Judeu nia xefi sira ho mestri relijiaun sira buka tempu diak hodi kaer subar Jesus para oho Nia. Maibee sira dehan, “Hein lai. Ita la bele kaer lai Nia, tanba loron boot besik ona. Keta halo be ema barak halo rungu-ranga.” Sira koalia nunee, tanba loron rua tan, ema Judeu sira nia loron boot, ida nebee sira bolu loron ‘Paskua’, ho ‘Festa Paun la Tau Fermentu’. Iha loron festa nee, sira hanoin fali tempu uluk, nebee sira nia bei-ala sira sai hosi Rai Ejiptu.

João 11:53

Komesa iha tempu nee, ema Judeu nia boot sira futu lia hodi oho Jesus, tanba Kaifas nia liafuan nee.

Apostolu sira nia Istoria 13:10

“Satanás nia oan! Bosok-teen! O nia laran nakonu ho buat aat. Buat nebee diak hotu-hotu, o kontra. O sempre lohi kona ba Nai Maromak nia lia loos.

Apostolu sira nia Istoria 7:19

Liurai nee buka dalan hodi halo terus ita nia povu i hanehan ita nia bei-ala sira. Nia obriga sira soe tiha sira nia oan nurak, para sira mate.

2 Korintu 11:3

Agora dadaun imi tuir hela Kristu ho laran tomak. Maibee hau tauk, keta halo be ema ruma mai lohi imi para sees tiha hosi Kristu, hanesan iha tempu uluk samea lohidor mai lohi Eva.