Mateus 26:18 - Biblia Tetun Dili

¹⁸ Jesus hataan, “Baa iha sidade laran, imi sei hasoru ema ida iha nebaa. Hatete ba nia nunee: ‘Mestri hameno katak, Nia loron nebee Maromak desidi nee besik ona, i Nia hakarak selebra festa Paskua hamutuk ho Nia eskolanti sira iha ita nia uma.’ ”

Mateus 26:18 Iomraidhean Croise

Mateus 21:3

Se iha ema ruma husu ba imi, 'tanba saa mak imi kore kuda buru nee?'. Foo hatene dehan, ‘Nai mak presiza, depois Nia sei haruka fila fali mai.’ I ema nee sei haruka imi dada kedas kuda buru nee."

Mateus 23:10

Imi la bele simu ema bolu imi ‘xefi’, tanba imi nia Xefi iha ida deit, Nia mak Kristu.

Mateus 23:8

Maibee imi la bele hanesan sira. Imi la bele simu bainhira ema gaba imi hodi bolu imi ‘mestri’, tanba imi nia Mestri ida deit, i imi hotu mesak maun-alin.

Mateus 26:19

Depois Nia eskolanti sira halo tuir buat nebee mak Jesus haruka. Sira halo preparasaun ba festa Paskua iha nebaa.

Mateus 26:2

“Imi hatene katak, hela tan loron rua atu festa Paskua. Iha loron nee, ema sei entrega Hau, Ema Oan atu prega mate iha krus.”

Mateus 26:49

Entaun Judas baa kedas Jesus dehan, “Shalom, Mestri.” I nia rei Jesus.

Marcos 5:35

Jesus sei koalia hela nunee, iha ema ida mai hosi Jairo nia uma, foo hatene, “Koitadu! Oan feto iis kotu tiha ona. Tan nee, lalika halo kolen tan Mestri. Nia lalika baa tan uma ona.”

Lucas 22:53

Afinal loro-loron Hau hamutuk hela ho imi iha area Uma Kreda Boot nian, i imi la kaer Hau. Maibee agora imi nia tempu, no mos agora forsa nakukun nia tempu.”

João 11:28

Marta koalia tiha nunee, nia mos fila ona. Nia baa bolu nia alin Maria, hodi bis-bisi ba nia dehan, “Mestri mai tiha ona. Nia hakarak hasoru o.”

João 12:23

Entaun Jesus foo hatene ba sira dehan, “Hau nia tempu too ona. Nunee Hau tenki mate uluk, foin Nai Maromak foti aas Hau. Loos duni! Ita kompara ho fini musan ida. Se ita kuda batar musan ida, nia tenki rahun uluk iha rai, foin nia moris, hodi foo batar musan barak. Se la hanesan nee, batar nee musan ida nafatin.

João 13:1

Molok loron boot Paskua hahuu, Jesus hatene ona katak, Nia tempu too ona atu Nia husik hela mundu nee, hodi fila fali ba Nia Aman iha lalehan. Maibee Nia hadomi teb-tebes Nia ema sira iha mundu nee, too Nia foo Nia moris tomak ba sira.

João 17:1

Jesus koalia tiha hotu nunee, Nia hateke ba loro leten, hodi halo orasaun dehan: “Aman Doben, Hau nia tempu too ona para Aman foti aas Hau. Hau Ita Boot nia Oan. Aman foo ona direitu no kbiit mai Hau hodi ukun ema hotu-hotu iha mundu nee. Aman foo kbiit nee para Hau bele foo moris rohan laek ba ema hotu nebee Aman foo ona mai Hau. Nunee, Hau husu Aman foti aas Hau, para Hau bele hatudu Aman nia naroman-nabilan.

João 20:16

Jesus bolu nia naran, “Maria.” Nia fila ba Jesus dehan, “Raboni!” (Ho lian Aramaiku, nia signifikadu dehan, “Hau nia Mestri!”)

João 7:30

Entaun sira koko atu kaer Nia. Maibee la iha ema ida mak bele kaer Nia, tan Nia loron seidauk too.

João 7:6

I Jesus hataan dehan, “Hau nia tempu seidauk too. Maibee se imi hakarak baa, bainhira deit konformi imi.

João 7:8

Ita nia loron boot relijiaun nian, besik ona. Imi deit mak sae baa Jerusalem. Hau seidauk hakarak baa, tanba Hau nia tempu seidauk too.”