Mateus 26:11 - Biblia Tetun Dili

¹¹ Tanba ema kiak sira sempre iha imi nia leet, maibee Hau sei la hela nafatin ho imi.

Mateus 26:11 Iomraidhean Croise

Mateus 18:20

Tanba se iha ema nain rua ka tolu halibur hamutuk hodi Hau nia naran, Hau mos iha sira nia klaran.”

Mateus 26:10

Maibee Jesus hatene hela sira nia hanoin, i Nia dehan, “Imi keta hirus feto nee, tanba nia halo ona buat diak mai Hau.

Mateus 28:20

I hanorin sira atu halo tuir buat hotu-hotu nebee mak Hau hatete ona ba imi. Keta haluha, Hau sempre hamutuk ho imi too mundu nee remata.”

Marcos 14:7

Ema kiak sira sei hamutuk ho imi nafatin. Nunee imi bele ajuda sira iha loron nebee deit. Maibee la kleur tan, Hau la hamutuk ho imi ona.

João 12:8

Ema kiak sei iha nafatin ho imi, maibee Hau sei la hamutuk tan ho imi.”

João 13:33

Hau nia oan sira! Maski Hau hadomi teb-tebes imi, maibee la kleur tan Hau la hamutuk ona ho imi. Imi sei buka Hau, maibee la hetan. Hau foo hatene ba imi sira nee, hanesan saida mak Hau foo hatene ona ba ema Judeu nia boot sira dehan, ‘Hau baa iha fatin nebee imi la bele tuir.’

João 14:19

La kleur tan, ema iha mundu nee la haree tan Hau ona, maibee imi haree Hau. Tanba Hau moris fali, imi mos hetan moris loloos.

João 16:28

Uluk Hau husik hela Hau nia Aman, hodi mai hela iha mundu nee. Maibee agora Hau atu husik mundu nee, hodi baa hela fali ho Nia.”

João 16:5

Jesus hanorin tan dehan, “Agora Hau fila ba Nia nebee haruka Hau mai iha mundu nee. Maibee la iha ema ida hosi imi mak husu mai Hau dehan, ‘Ita Boot atu baa nebee?’

João 17:11

Hau la hela tan iha mundu nee ona, tanba la kleur tan Hau sei fila ba Hau nia Aman. Maibee ema sira nee hela nafatin iha mundu nee. Aman Santu, Hau husu Aman kuidadu sira uza Ita Boot nia kbiit nebee Ita Boot foo mai Hau. Hau mos husu para sira sai neon ida laran ida, hanesan Hau sai ida ho Aman.

Apostolu sira nia Istoria 3:21

I Jesus nee sei hein iha lalehan too tempu para Nai Maromak halo buat hotu-hotu foun, tuir Nai Maromak promete ona liu hosi Nia profeta sira.

Galasia 2:10

So buat ida deit mak sira husu mai ami, atu ami tulun ema kiak sira iha Jerusalém. I hau mos hakarak duni halo ida nee.

1 João 3:17

Se ema ida iha hahaan ka hena, maibee la foo ba nia maluk nebee moris iha susar nia laran, oinsaa nia bele dehan nia hadomi Nai Maromak?!