Mateus 24:9 - Biblia Tetun Dili

⁹ Ema iha nasaun hotu-hotu sei odi imi tanba imi tuir Hau. Sira sei entrega imi ba ema seluk hodi halo terus imi i oho imi.

Mateus 24:9 Iomraidhean Croise

Mateus 22:6

I konvidadu sira seluk kaer tiha atan sira nee hodi halo terus sira i oho tiha sira.

Mateus 23:34

Tanba nee, rona didiak! Hau sei haruka nafatin ba imi profeta sira, ema matenek sira ho mos mestri sira nebee hanorin Maromak nia Liafuan. Maibee imi sei oho balu, i prega balu ba iha krus. Sira seluk imi baku ho sikoti iha imi nia uma kreda i duni hosi aldeia ba aldeia.

Lucas 11:49

Tanba nee, Nai Maromak koalia sai Nia matenek kona ba imi dehan, ‘Hau sei haruka Hau nia profeta sira ho apostolu sira ba imi maibee imi sei halo terus balu, i oho balu.’

Lucas 21:12

Molok buat sira nee atu akontese, ema sei kaer imi, i halo terus imi. Sira sei entrega imi ba lider uma kreda hodi tesi imi nia lia, i sei hatama imi ba kadeia. Sira mos sei foo sala ba imi iha liurai ho nai ulun sira nia oin. Buat sira nee hotu sai nunee, tanba imi tuir Hau.

João 15:18

Jesus hatutan tan dehan, “Se ema iha mundu nee odi imi, hanoin baa, tanba uluk sira mos odi ona Hau.

João 15:21

Sira sei halo terus imi, tanba imi hamutuk ho Hau. Sira halo nunee, tanba sira la konhese Nia nebee haruka Hau mai.

João 16:2

Ema Judeu sira sei duni sai imi hosi sira nia uma kreda. I laos nee deit, tempu sei too, bainhira ema oho imi, sira hanoin dehan sira halo diak ba Nai Maromak.

Apostolu sira nia Istoria 28:22

Maibee ami hakarak rona saida mak irmaun fiar, tanba ami rona ona dehan, iha fatin hotu-hotu ema la simu saida mak irmaun nia grupu relijiaun nee hanorin.”

Apostolu sira nia Istoria 7:59

Sira tuda nia dadauk, nia halo orasaun dehan, “Nai Jesus! Simu ona Hau nia klamar baa!”

1 Pedro 4:16

Maibee se imi hetan terus tanba imi sai Kristaun, la bele moe. Diak liu imi hahii Nai Maromak hodi Kristu nia naran.

Apokalipse 2:10

Maski nunee imi lalikan tauk kona ba terus nebee mak imi sei hetan. Hau hatete ba imi, diabu sei halo imi balu sai dadur iha kadeia hodi koko imi nia fiar. Imi sei hetan terus too loron sanulu. Maibee imi tenki tuir nafatin Hau too mate, maski ema oho imi. Se imi halo nunee, Hau sei foo prémiu moris rohan-laek nian ba imi.

Apokalipse 2:13

Hau hatene imi nia hela fatin nee, Satanás mak hela iha nebaa hodi ukun. Maski nunee imi kaer metin nafatin Hau nia naran. Iha imi nia sidade nee mos, ema oho tiha Antipas, ema ida nebee sempre foo sasin loloos kona ba Hau. Maski sira oho tiha nia mos, imi la husik imi nia fiar mai Hau.

Apokalipse 7:14

Hau hataan, “Hau la hatene, Senhor. Ita Boot mak hatene.” Katuas nee hatete mai hau, “Sira nee uluk hetan terus boot tanba sira nia fiar. Sira fasi tiha ona sira nia batina ho Bibi Oan nia raan, nee mak sira nia batina sai mutin.