Mateus 24:7 - Biblia Tetun Dili

⁷ Tanba nasaun sei funu hasoru nasaun, reinu sei funu hasoru reinu. Sei iha rai hamlaha boot, i rai sei nakdoko iha fatin-fatin.

Mateus 24:7 Iomraidhean Croise

Lucas 21:11

Rai sei nakdoko makaas iha fatin-fatin, sei iha hamlaha boot, i moras aat oi-oin sei halo ema barak mate. Sinal boboot mos sei mosu iha loro leten, halo ema nia isin fulun hamriik.

Apostolu sira nia Istoria 11:28

Ida naran Ágabu. Nai Maromak nia Espiritu foo hatene ba nia dehan, “Rai sei hamlaha boot iha mundu tomak.” (Buat nee sai duni iha tempu liurai Cláudio ukun Roma.)

Apostolu sira nia Istoria 2:19

Molok Nai Maromak nia loron nee too mai, Hau sei halo uluk sinal oi-oin iha loro-leten, ke halo ema admira. Loro matan sei sai nakukun; fulan sei sai mean hanesan raan. Hau mos sei halo sinal oi-oin iha mundu nee. Hanesan raan, ahi, ho suar sae ba leten. I see mak husu tulun ba Nai Maromak, sei hetan salvasaun.’ ” Liafuan sira nee mak uluk profeta Joel foo sai ona.

Ebreu 12:27

Liafuan “dala ida tan” hatudu katak, too iha ikus buat hotu-hotu nebee Maromak halo sei nakdoko too lakon tiha hotu. So buat nebee metin too tinan ba tinan mak sei hela nafatin.

Apokalipse 6:12

Depois hau haree Bibi Oan loke tan karimbu fatin numeru neen. Derepenti rai nakdoko makaas. Loro-matan sai nakukun tiha hanesan hena metan, fulan sai mean hanesan raan.

Apokalipse 6:5

Tuir mai Bibi Oan loke karimbu fatin numeru tolu. I hau rona animal moris numeru tolu hatete, “Mai ona!” Hau haree kuda metan ida, ema ida sae kuda nee kaer hela dasin ida atu tetu ai haan.

Apokalipse 6:6

Depois hau rona buat ida hanesan ema nia lian sai hosi animal haat nee nia klaran dehan, “La kleur tan, rai sei hamlaha boot. Osan nebee ema manaan iha loron ida, sei too deit para sosa trigu kilu tolu. Se trigu diak nian, hetan deit kilu ida. Maibee keta estraga ai oliveira ho ai uvas.”

Apokalipse 6:8

Hau haree tan kuda ida kor kamutis. Ema nebee sae kuda nee, nia naran ꞌMateꞌ. Iha ema ida tan naran ꞌMatebian sira nia Fatinꞌ lao tutuir nia. Sira nain rua simu kbiit atu baa oho ema lubuk ida iha mundu, uza surik, ho rai hamlaha, ho moras, ho mos animal siak. Se ita fahe ema hotu-hotu iha mundu ba parte haat, parte ida sei mate hotu.