Mateus 24:3 - Biblia Tetun Dili

³ Bainhira Jesus baa tuur mesak iha foho Oliveira, Nia eskolanti sira baa besik Nia hodi husu, “Hatete took mai ami, buat nebee ohin Ita Boot koalia nee, bainhira mak buat sira nee sei akontese? Bainhira Ita Boot atu fila fali mai, sinal saida mak sei mosu? I sinal saida mak sei hatudu katak mundu nee atu remata ona?”

Mateus 24:3 Iomraidhean Croise

Mateus 13:36

Depois Jesus sai tiha hosi ema barak nee nia leet hodi tama ba iha uma laran. Nia eskolanti sira mai tuir Nia hodi husu dehan, “Esplika mai ami komparasaun kona ba duut manlai nee.”

Mateus 13:49

Nunee mos bainhira mundu nee remata, anju sira sei mai haketak tiha ema aat hosi ema nebee mak moris loos.

Mateus 15:12

Jesus nia eskolanti sira mai dehan ba Nia, “Ita Boot hatene ka? Ita Boot nia liafuan ohin nee xoke loos ema Farizeu sira.”

Mateus 16:27

Tanba aban-bainrua Hau, Ema Oan sei fila fali mai hosi lalehan ho Hau nia Aman nia naroman nabilan, hamutuk ho Nia anju sira. Iha tempu nee mak Hau sei foo ba ema ida-idak tuir saida mak sira halo.

Mateus 16:28

Hau hatete loloos ba imi, hosi imi sira nee, balu sei moris too haree Hau, Ema Oan mai ukun nudar Liurai, mak foin sira mate.”

Mateus 17:19

Hotu tiha Jesus mesak tama ba iha fatin ida, i Nia eskolanti sira mai husu ba Nia dehan, “Nusaa mak ami ohin la bele duni sai espiritu aat nee?”

Mateus 21:1

Bainhira Jesus ho Nia eskolanti sira besik ona sidade Jerusalém, sira too iha aldeia Betfagé, besik foho Oliveira. I Jesus haruka eskolanti nain rua baa uluk.

Mateus 24:27

Tanba bainhira Hau, Ema Oan fila fali mai hosi lalehan, ema hotu sei haree momoos, hanesan rai lakan nebee naroman hosi lorosae too loromonu.

Mateus 24:30

Iha loron nee, ema hotu-hotu iha mundu sei haree sinal ida iha loro-leten hatudu katak Hau, Ema Oan, atu mai ona. Haree nunee, sira nebee lakohi simu Hau sei tanis ho laran susar. Depois ema hotu-hotu sei haree Hau, Ema Oan tuun mai iha kalohan leten, ho kbiit boot no naroman nabilan nian.

Mateus 24:37

Hanesan ema moris iha Noé nia tempu uluk, nunee mos loron nebee Hau, Ema Oan, fila fali mai.

Mateus 24:39

Sira la hatene kona ba saida mak atu mosu. Bainhira bee boot nee lori tiha sira hotu, foin sira hatene. Nunee mos bainhira Hau, Ema Oan fila fali mai.

Mateus 24:43

Hanoin didiak! Se uma nain ida hatene loloos iha oras nebee naok-teen atu mai, nia sei hadeer hodi ronda atu naok-teen la bele tama.

Mateus 28:20

I hanorin sira atu halo tuir buat hotu-hotu nebee mak Hau hatete ona ba imi. Keta haluha, Hau sempre hamutuk ho imi too mundu nee remata.”

Lucas 21:7

Jesus nia eskolanti sira husu, “Mestri, buat nebee ohin Ita Boot koalia nee, bainhira mak sei akontese? Kuandu nia tempu besik ona, sinal saida mak sei mosu?”

Apostolu sira nia Istoria 1:7

Jesus hataan, “Kona ba tempu ho loron nee, so Hau nia Aman deit mak iha direitu hodi desidi tuir Nia knaar. Imi la presiza hatene.

Ebreu 9:26

Tanba se karik Nia tenki foo Nia Aan fila-fila, nee dehan katak Nia terus hela deit komesa Nai Maromak halo mundu nee. Maibee laos nunee. Agora tempu ikus ona, Nia foo Nia Aan hanesan sakrifisiu dala ida deit hodi halakon ita nia sala.