Mateus 24:14 - Biblia Tetun Dili

¹⁴ I Novidade Diak kona ba Reinu Lalehan nian, ema sei haklaken iha mundu tomak, atu nunee ema hosi nasaun hotu-hotu bele hatene kona ba Maromak nia ukun. Haklaken hotu tiha mak foin mundu nee remata.

Mateus 24:14 Iomraidhean Croise

Mateus 10:7

Baa foo hatene ema Israel sira dehan, ‘Tempu besik ona atu Maromak ukun imi.’

Mateus 18:19

Iha tan buat ida mak Hau hakarak hatete: Hosi imi sira nee, se iha ema nain rua mak lian ida hakarak ida iha mundu nee husu buat ruma ba Hau nia Aman iha lalehan, Nia sei foo ba imi.

Mateus 24:3

Bainhira Jesus baa tuur mesak iha foho Oliveira, Nia eskolanti sira baa besik Nia hodi husu, “Hatete took mai ami, buat nebee ohin Ita Boot koalia nee, bainhira mak buat sira nee sei akontese? Bainhira Ita Boot atu fila fali mai, sinal saida mak sei mosu? I sinal saida mak sei hatudu katak mundu nee atu remata ona?”

Mateus 24:6

Imi sei rona kona ba funu oi-oin, i ema sei konta tutan kona ba funu iha fatin-fatin. Maibee matan moris neon nain, lalika laran susar. Buat sira nee sei akontese duni, maibee nee mundu seidauk remata.

Mateus 4:23

Jesus lao iha provinsia Galileia tomak hodi hanorin iha ema Judeu sira nia uma kreda. Nia foo sai Novidade Diak kona ba oinsaa Maromak ukun nudar Liurai. I Nia mos kura ema nebee iha moras oi-oin.

Mateus 9:35

Jesus lao iha sidade ba sidade no aldeia ba aldeia hodi hanorin iha uma kreda sira. Nia foo sai Novidade Diak kona ba oinsaa Maromak ukun nudar Liurai. I ema nebee iha moras oi-oin Nia kura tiha hotu.

Marcos 13:10

Tanba Maromak Nia ema sira tenki baa foo sai uluk Hau nia Novidade Diak ba iha suku hotu-hotu iha mundu nee, foin mundu nee remata.

Lucas 2:1

Iha tempu nebaa liurai boot Augusto hasai orden para estadu Roma tenki halo sensus hodi rejistu nia povu hotu-hotu.

Lucas 24:47

I ema sei foo sai hodi Kristu nia naran katak, see mak husik nia sala, Maromak foo perdaun ba nia. Sira sei foo sai nunee iha nasaun hotu-hotu, hahuu hosi Jerusalém.

Lucas 4:5

Depois diabu lori Jesus sae ba iha fatin aas ida, i hatudu ba Jesus reinu hotu-hotu iha mundu tomak.

Apostolu sira nia Istoria 11:28

Ida naran Ágabu. Nai Maromak nia Espiritu foo hatene ba nia dehan, “Rai sei hamlaha boot iha mundu tomak.” (Buat nee sai duni iha tempu liurai Cláudio ukun Roma.)

Apostolu sira nia Istoria 17:31

Nia marka ona loron ida, hodi halo justisa ba ema hotu-hotu iha mundu tomak. I Nia hili ona Ema ida sai Juis, hodi tesi lia loloos. Ita hatene katak Juis nee mak Jesus. Tanba Nia mate tiha ona, maibee Nai Maromak halo Nia moris fali.”

Apostolu sira nia Istoria 17:6

Maibee sira buka la hetan. Nunee sira kaer fali Jason ho ema sarani balu hodi rasta ba iha tribunal. Sira hakilar dehan, “Ema sira nebee halo rungu-ranga iha mundu tomak, agora mos tama ona iha ita nia sidade. I Jason simu tiha ona sira iha nia uma.

Apostolu sira nia Istoria 19:27

Nunee ita nia serbisu nee, ema sei la foo folin ona. Povu mos sei la respeita ona uma lulik Ártemis nian, i sei la fiar ona ba Ártemis, maski agora dadauk ema hotu adora nia iha provinsia Ázia tomak, too iha rai ulun rai ikun.”

Apostolu sira nia Istoria 20:25

Agora hau hatene katak, imi nebee hau hanorin kona ba Nai Maromak nia reinu, sei la hasoru tan hau ona.

Roma 10:18

Entaun hau hakarak husu, ema Israel nunka rona kona ba Kristu ka? Sira rona tiha ona! Hanesan hakerek iha Livru Sagradu dehan, “Sira nia liafuan foo sai tiha ona iha mundu tomak, hosi rai ulun too rai ikun.”

Kolose 1:23

Naran katak imi hamriik metin hodi fiar nafatin. Keta nakdoko, maibee laran metin nafatin katak Maromak halo tuir duni buat nebee Nia promete ona iha Nia Novidade Diak. Novidade Diak nee, ema foo sai ona iha fatin-fatin deit iha mundu nee. I hau, Paulo, mos simu knaar para foo sai Novidade nee.

Kolose 1:6

i buras ba bebeik hodi muda ema nia moris iha fatin bara-barak. Nunee mos muda imi nia moris, komesa hosi loron primeiru imi rona Novidade Diak nee hodi komprende loloos Nai Maromak nia grasa.

Ebreu 1:6

Bainhira Nai Maromak haruka Nia Oan mane mesak mai iha mundu, Nia dehan, “Hau nia anju sira hotu tenki adora Nia.”

Ebreu 2:5

Ita koalia kona ba mundu foun nebee sei mai. Mundu foun nee laos foo ba anju sira mak ukun.

Apokalipse 14:6

Depois hau haree anju ida semo aas lori Maromak nia Novidade Diak nebee iha too tinan ba tinan. Nia baa lori Novidade Diak nee hodi foo sai ba ema hotu-hotu hosi povu, suku, lian ho nasaun hotu iha mundu tomak.

Apokalipse 16:14

Espiritu aat tolu nee iha kbiit hodi halo milagre oi-oin. I sira baa konvida liurai sira iha mundu tomak atu mai halibur hamutuk hodi halo funu hasoru Nai Maromak Kbiit Nain. Afinal tempu nebee sira marka atu funu nee mak Nai Maromak nia loron para kastigu Nia inimigu sira.

Apokalipse 3:10

Hau uluk haruka imi aguenta ho pasiensia iha terus nia laran, i imi halo tuir duni Hau nia liafuan nee. Tanba nee hau sei kuidadu didiak imi iha tempu susar no terus nebee mak sei mai iha mundu tomak. Maromak sei uza susar ho terus nee hodi koko ema hotu-hotu iha mundu.