Mateus 24:11 - Biblia Tetun Dili

¹¹ Profeta falsu barak sei mosu hodi bosok ema barak atu tuir sira.

Mateus 24:11 Iomraidhean Croise

Mateus 24:12

Tanba hahalok aat iha mundu nee aumenta ba bebeik maka ema barak la hatudu ona domin ba malu.

Mateus 24:24

Tanba ema sei mai bosok imi dehan sira mak Kristu ka sira Maromak nia profeta. Sira sei hatudu sinal oi-oin no milagre sira nebee halo ema admira. Nunee sira bele lohi ema barak para lao sala dalan. Too ema nebee Maromak hili ona mos sira hakarak bosok hotu.

Mateus 24:5

Tanba ema barak sei mai lori Hau nia naran dehan sira nee mak Kristu, Salvador nebee Maromak promete ona hori uluk atu haruka mai. I sira sei lohi ema barak.

Mateus 7:15

“Kuidadu ho ema nebee bosok dehan, sira Maromak nia profeta. Sira finji maus hanesan bibi malae, maibee tuir loloos sira nee hanesan asu fuik.

Marcos 13:22

Tanba ema sei mai gaba aan, dehan, ‘Hau mak Kristu!’ Iha seluk tan dehan, ‘Hau Nai Maromak nia profeta nebee tatoli Nia liafuan. Imi rona mai!’ Sira sei halo milagre oi-oin ho diabu nia forsa hodi bosok ema. Sira mos sei tenta Nai Maromak nia ema para sira bele monu.

Apostolu sira nia Istoria 20:30

Iha mos balu hosi imi sei hanorin la loos, atu ema husik Jesus hodi tuir deit sira.

1 Timóteo 4:1

Maromak nia Espiritu foo hatene momoos mai ita katak, iha loron ikus, sarani balu sei husik tiha sira nia fiar ba Kristu, hodi tuir fali espiritu aat sira no espiritu bosok-teen sira nia hanorin.

2 Pedro 2:1

Uluk profeta falsu mosu iha povu Israel nia leet. Nunee mos agora, iha mestri falsu iha hela imi nia leet. Sira sei hanorin doutrina falsu nebee lori ba mate, no mos nega ita nia Nai Jesus. Afinal Nia mak sosa kotu tiha ona ita. La kleur mestri sira nee sei rahun hotu.

1 João 2:18

Oan doben sira, mundu nee besik remata ona. Uluk ami hatete tiha ona ba imi katak ema ida sei mai kontra Kristu, i agora dadauk ema barak mosu tiha ona hodi kontra Kristu. Tanba nee mak ita hatene katak mundu besik remata ona.

1 João 2:26

Hau hakerek buat sira nee para foo hanoin ba imi kona ba ema nebee hakarak bosok imi.

1 João 4:1

Maluk doben sira, se ema ruma mai dehan, nia iha Nai Maromak nia Espiritu, keta tuir lai. Imi tenki koko uluk para hatene, espiritu nebee sira iha nee mai duni hosi Nai Maromak ka lae. Tanba iha mundu nee iha profeta falsu barak ona.

Judas 1:4

Tanba iha ona ema balu tama sub-subar iha imi nia leet. Sira nee uza sala Nai Maromak Nia grasa. Sira dehan, tanba Maromak nee laran diak, entaun ita bele halo sala saida deit konformi ita nia hakarak. Sira mos nega Jesus Kristu, afinal Nia mak ita nia Liurai ho ita nia Nai. Iha Livru Sagradu hakerek tiha ona katak ema sira nee sei hetan kastigu.

Apokalipse 19:20

Maibee Ema nebee sae kuda mutin nee manaan tiha animal siak nee ho nia profeta falsu. Profeta falsu nee mak uluk hatudu nia milagre boboot hodi animal siak nia naran. Ho milagre sira nee nia bosok ema hotu-hotu nebee simu ona animal siak nia marka i adora animal nee nia estatua. Agora Ema ida nebee sae kuda mutin nee kaer animal siak nee ho nia profeta falsu, i soe moris sira nain rua ba iha ahi lakan boot nia laran.