Mateus 23:23 - Biblia Tetun Dili

²³ Imi mestri relijiaun ho ema Farizeu sira, imi sei hetan susar. Imi koalia oin ida, hahalok oin seluk. Bainhira imi kuu modo tahan, imi badinas foo parte ida hosi sanulu hanesan dizimu ba Maromak. Too modo tahan kikoan-kikoan hanesan ortelaun ho ruku mos imi foo dizimu. Maibee imi la interese kona ba buat nebee mak importante liu iha Maromak nia lei, hanesan justisa, domin ho foo laran ba Maromak. Tuir loos buat sira nee mak tenki halo uluk. Maibee keta haluha foo mos dizimu ba Maromak.

Mateus 23:23 Iomraidhean Croise

Mateus 12:7

Iha Livru Sagradu hakerek dehan, ‘Hau hakarak atu imi hatudu laran diak ba malu. Se lae imi lori sakrifisiu foo mai Hau mos la iha folin.’ Se imi komprende didiak Maromak nia Liafuan nee, klaru imi la foo sala ba Hau nia eskolante sira.

Mateus 23:13

Depois Jesus hatete ba nai ulun relijiaun Judeu sira dehan, “Imi mestri relijiaun sira ho ema Farizeu sira, imi sei hetan susar. Imi koalia oin ida, hahalok oin seluk. Imi rasik lakohi tama Maromak nia reinu. Se iha ema seluk hakarak tama mos, imi taka odamatan ba sira, atu sira la bele tama.

Mateus 9:13

Baa aprende didiak Maromak nia Liafuan nebee dehan, ‘Hau hakarak atu imi hatudu laran diak ba malu. Se lae imi lori sakrifisiu foo mai Hau mos la iha folin.’ Hau mai atu bolu ema sala nain sira, laos atu bolu ema nebee konsidera nia aan moris loos.”

Lucas 11:42

Imi ema Farizeu sira, imi sei susar. Bainhira imi kuu modo tahan iha toos, imi badinas foo parte ida hosi sanulu ba Maromak. Too modo tahan kiikoan-kiikoan hanesan ortelaun ho ruku mos imi foo. Maibee kona ba justisa ho hadomi Nai Maromak, imi la interese. Tuir loloos justisa ho domin nee mak importante. Maibee, keta haluha foo mos parte ida hosi sanulu ba Maromak.

Lucas 18:12

Hau jejun semana ida dala rua. I buat hotu-hotu nebee hau hetan, hau sempre foo parte ida hosi sanulu ba Ita Boot.’