Mateus 23:16 - Biblia Tetun Dili

¹⁶ Imi mestri matan delek! Imi sei hetan susar. Imi hanorin dehan, ‘Se ema ida jura temi Uma Kreda Boot nia naran, nia la halo tuir mos la buat ida. Maibee se nia jura temi osan mean nebee mak iha Uma Kreda laran, entaun nia tenki halo tuir.’

Mateus 23:16 Iomraidhean Croise

Mateus 15:14

Husik baa! Sira nee hanesan ema matan delek nebee hatudu dalan ba ema matan delek seluk, too ikus sira hotu monu ba rai kuak.”

Mateus 23:13

Depois Jesus hatete ba nai ulun relijiaun Judeu sira dehan, “Imi mestri relijiaun sira ho ema Farizeu sira, imi sei hetan susar. Imi koalia oin ida, hahalok oin seluk. Imi rasik lakohi tama Maromak nia reinu. Se iha ema seluk hakarak tama mos, imi taka odamatan ba sira, atu sira la bele tama.

Mateus 23:17

Imi ema matan delek i beik-teen! Ida nebee mak importante liu? Osan mean ka Maromak nia Uma Kreda nebee haketak osan mean nee hodi sai santu?

Mateus 23:19

Imi nee ema matan delek duni! Ida nebee mak importante liu? Oferta ka altar nebee haketak oferta nee hodi sai santu?

Mateus 23:24

Imi mestri matan delek sira! Imi bele taes bee hodi hasai lalar nebee monu tama ba imi nia kopu laran, maibee kuda kamelu iha laran imi tolan tomak!

Mateus 23:26

Imi ema Farizeu matan delek duni! Fasi uluk bikan nia laran, mak nia liur sai moos hotu.

Galasia 5:3

Hau hatete dala ida tan: See mak simu sunat tuir ema Judeu nia lei relijiaun, nia mos tenki halo tuir hotu lei relijiaun nee tomak.

Tiago 5:12

Maun-alin sira, hanoin didiak: la bele jura! La bele jura hodi Maromak iha lalehan nia naran, ka jura ba rai ka ba saida deit. Se loos, hataan “loos”. Se lae, hataan “lae”. Nunee deit too ona, para Maromak keta kastigu imi.