Mateus 22:8 - Biblia Tetun Dili

⁸ Depois liurai hatete ba nia atan sira, ‘Festa kazamentu prontu ona, maibee ema nebee hau konvida sira la serve atu tuir festa nee.

Mateus 22:8 Iomraidhean Croise

Mateus 22:7

Rona nunee, liurai hirus teb-tebes i haruka nia soldadu sira baa oho tiha ema oho door sira nee i sunu motuk tiha sira nia sidade.

Mateus 22:9

Tanba nee, agora imi baa iha dalan-dalan nebee ema rame iha sidade laran. See-see deit mak imi hetan iha nebaa, bolu sira mai deit iha festa kazamentu nee.’

Mateus 9:15

Jesus hataan ho komparasaun ida dehan, “Hau hanesan noivu ida nebee halo festa kazamentu. Bainhira noivu sei hamutuk ho nia bainaka sira, sira la tristi. Maibee too iha loron ida, ema sei lori lakon tiha noivu nee mak nia bainaka sira foin jejun.

Lucas 20:35

Maibee aban-bainrua iha mundu foun, ema nebee serve atu moris fila fali hosi mate, la kaben ona.

Lucas 21:36

Nee duni, matan moris neon nain nafatin. Halo orasaun bebeik atu imi bele liu hosi susar nee ho diak. Nunee too ikus imi sei la tauk hamriik metin iha Ema Oan nia oin.”

Apostolu sira nia Istoria 13:46

Maibee Paulo ho Barnabé koalia ho aten brani teb-tebes dehan, “Nai Maromak haruka ami ba hatoo uluk Nia Liafuan ba ema Judeu. Maibee imi lakohi simu. Nee hatudu katak imi la merese atu hetan moris rohan laek hamutuk ho Nai Maromak. Nunee agora, ami sei lori Novidade Diak nee ba hatoo ba iha nasaun sira seluk.

2 Tesalonika 1:5

Nee hotu hatudu prova katak, Nai Maromak sei tesi lia ho loos. Nunee, Maromak nudar Liurai Boot sei konsidera imi serve duni atu sai membru iha reinu Maromak nian. Tanba imi serbii Liurai nee mak imi terus nunee.

Apokalipse 22:14

Ema nebee fasi tiha ona sira nia hena too moos, sira hetan bensaun. Tanba sira mak iha direitu tama ba sidade laran liu hosi portaun para bele haan ai fuan nebee foo moris rohan-laek.

Apokalipse 3:4

Maibee hosi imi iha Sardis, iha balu mak laran moos nafatin, hanesan ema nebee la halo foer nia hena. Sira nee sei lao hamutuk ho Hau, hatais hena mutin, tanba sira serve duni.