Mateus 22:43 - Biblia Tetun Dili

⁴³ Jesus husu tan dehan, “Se nunee, nusaa mak Maromak nia Espiritu foo hatene ba liurai David atu bolu Kristu nee ‘Nai’? David hakerek dehan,

Mateus 22:43 Iomraidhean Croise

Marcos 12:36

Tanba hori uluk Nai Maromak nia Espiritu Santu uza liurai David hodi hakerek nunee: ‘Nai Maromak hatete ona ba hau nia Liurai dehan, “Mai tuur iha Hau nia sorin loos, fatin ema boot nian. Hau sei halo o nia inimigu sira, hakruuk ba o.’ ”

Apostolu sira nia Istoria 1:16

“Maun-alin sira hotu, ita hatene Judas uluk lori ema baa kaer Jesus. Buat nee hodi kumpri Nai Maromak nia Liafuan, nebee Nia Espiritu foo ba liurai David uluk kedas kona ba Judas.

1 Korintu 12:3

Tanba nee hau foo hanoin ba imi nunee: ema nebee Maromak nia Espiritu domina mak foin bele dehan, “Jesus hau nia Nai.” Ema nee nunka bele foo malisan ba Jesus, tanba Espiritu Santu domina hela nia.

Ebreu 3:7

Tanba nee mak imi tenki halo tuir buat nebee Espiritu Santu dehan, “Iha loron ida nee, se imi rona Nai Maromak nia liafuan,

2 Pedro 1:21

Tanba profeta sira nia lia menon nunka mai hosi ema mundu nee nia hakarak. Maibee sira hatoo liafuan hosi Maromak tuir saida mak Espiritu Santu hatudu ba sira.

Apokalipse 1:10

Depois iha loron Domingu ida, Maromak nia Espiritu domina hau i hau rona lian makaas hanesan korneta lian iha hau nia kotuk.

Apokalipse 4:2

Iha momentu nee kedas Maromak nia Espiritu domina hau. Derepenti deit hau haree kadeira ukun ida iha lalehan, i Ema ida tuur hela iha kadeira nee.