Mateus 22:3 - Biblia Tetun Dili

³ Bainhira buat hotu besik prontu ona, liurai haruka nia atan sira baa bolu ema nebee nia konvida tiha ona nee para sira mai ona iha festa nee. Maibee konvidadu sira hotu lakohi baa festa nee.

Mateus 22:3 Iomraidhean Croise

Mateus 21:34

Bainhira tempu besik ku ona uvas, toos nain haruka nia atan balu baa simu rezultadu hosi toos uvas nebee ema aluga nee.

Mateus 23:37

“Koitadu ho imi ema Jerusalém! Imi oho Maromak nia profeta sira, i ema nebee Maromak haruka ba imi, imi tuda sira ho fatuk too mate. Dala barak Hau hakarak halibur imi hanesan manu inan halibur nia oan sira para luut, maibee imi lakohi.

Mateus 3:2

Nia foo sai dehan, “Husik ona imi nia sala, tanba Maromak nia tempu hodi ukun besik ona.”

Mateus 9:15

Jesus hataan ho komparasaun ida dehan, “Hau hanesan noivu ida nebee halo festa kazamentu. Bainhira noivu sei hamutuk ho nia bainaka sira, sira la tristi. Maibee too iha loron ida, ema sei lori lakon tiha noivu nee mak nia bainaka sira foin jejun.

Lucas 13:34

Aii, imi ema Jerusalém sira! Imi oho Maromak nia profeta sira, i tuda ho fatuk too mate ema nebee Maromak haruka ba imi. Dala barak Hau hakarak halibur imi hanesan manu inan halibur nia oan sira para luut, maibee imi lakohi.

Lucas 15:28

Rona nunee, oan mane boot hirus teb-tebes, i lakohi tama ba uma laran. Depois nia aman sai baa hamaus nia atu tama ba laran.

Lucas 19:27

Agora, hau nia inimigu sira nebee lakohi simu hau hanesan liurai, imi baa kaer sira, lori mai oho tiha hotu iha hau nia oin.’ ”

João 5:40

Maibee imi lakohi mai iha Hau, i sai Hau nia ema, para imi bele hetan moris rohan laek.

Apostolu sira nia Istoria 13:45

Bainhira nai ulun Judeu sira haree ema barak mai rona Paulo ho Barnabé, sira laran moras. Nunee sira hatete aat Paulo i kontra kedas nia koalia.

Roma 10:21

Maibee kona ba ema Israel, Nia dehan, “Loron-kalan Hau lolon liman hodi simu sira, maibee sira ulun toos i fila kotuk mai Hau.”

Ebreu 12:25

Tanba nee bainhira Nai Maromak koalia ba imi, see tilun didiak hodi rona. Uluk Moisés hatoo Maromak nia liafuan iha mundu nee, maibee ita nia bei-ala sira lakohi rona. Nee mak Maromak kastigu sira. Saa tan ita, se ita lakohi rona Maromak koalia mai ita hosi lalehan.

Ebreu 9:15

Tanba nee mak Kristu sai mediador para lori aliansa foun mai ita ema. Nunee ema nebee Maromak bolu sai Nia povu bele simu bensaun hotu-hotu nebee Nia promete tiha ona atu foo, too tinan ba tinan. Ema nebee uluk moris iha aliansa tuan nia okos mos sei simu buat sira nee hotu, tanba Kristu mate ona hodi hasai sira hosi sala nebee mak sira halo iha tempu nebaa.

Apokalipse 22:17

Maromak nia Espirítu ho noiva nee dehan, “Mai ona!” Ema nebee rona mos tenki koalia tuir, “Mai ona!” See mak hamrook, mai ona ba. See mak hakarak hemu bee nebee foo moris tinan ba tinan, kuru deit tuir imi nia hakarak ba, lalikan selu.