Mateus 22:16 - Biblia Tetun Dili

¹⁶ Nunee sira haruka ema balu baa atu koko Jesus. Ema sira nee mak Farizeu nia eskolanti sira ho ema hosi partidu Erodes nian. Sira finji husu ba Jesus dehan, “Mestri, ami hatene katak Ita Boot ema nebee onestu i sempre hanorin Maromak nia dalan ho loloos. Ita Boot la hola ba lia ho ema seluk nia hanoin, i Ita Boot la fihir ema.

Mateus 22:16 Iomraidhean Croise

Mateus 22:24

“Mestri, Moisés dehan, se mane ida mate, maibee la iha oan, mane nia alin tenki kaben fali feto faluk nee para bele foo jerasaun ba nia maun.

Mateus 22:26

Tuir mai nia mos mate, la iha oan. Nunee bebeik too alin ikun mos kaben ho feto faluk nee, depois mate, la iha oan.

Mateus 26:18

Jesus hataan, “Baa iha sidade laran, imi sei hasoru ema ida iha nebaa. Hatete ba nia nunee: ‘Mestri hameno katak, Nia loron nebee Maromak desidi nee besik ona, i Nia hakarak selebra festa Paskua hamutuk ho Nia eskolanti sira iha ita nia uma.’ ”

Mateus 26:49

Entaun Judas baa kedas Jesus dehan, “Shalom, Mestri.” I nia rei Jesus.

Marcos 10:17

Bainhira Jesus atu sai ona, ema riku ida halai mai hasoru Jesus. Nia hakneak iha Jesus nia oin, hodi husu, “Mestri mak hau respeita, Ita Boot mak diak. Hau atu husu buat ida nunee: Hau tenki halo saida, para hau bele hatene loloos katak hau bele tama lalehan i moris hamutuk ho Nai Maromak?”

Marcos 12:13

Liu tiha nee, nai-lulik ho ema boot sira haruka ema Farizeu balu ho liurai Herodes nia ema balu, baa hasoru Jesus, maibee ho hanoin aat atu koko Nia.

Marcos 12:14

Too iha Jesus, sira hatete, “Mestri, ami hotu hatene katak Ita Boot ema nebee moris loos, i Ita Boot la haree ba ema kiik ka boot, maibee haree deit ba ema nia laran. Ita Boot la fila lia tuun-sae, maibee Ita Boot hanorin Nai Maromak nia liafuan ho loloos deit. Ami atu husu liafuan ida. Tuir ita nia relijiaun Judeu, ita tenki selu impostu ba estadu Roma nia liurai boot, ka lae?”

Marcos 3:6

Liu tiha nee, ema Farizeu sira sai hosi uma kreda laran. Depois sira baa kombina ho ema hosi partidu Erodes sira, atu buka dalan hodi oho Jesus.

Marcos 8:15

Rona sira koalia kona ba paun, Jesus dehan, “Imi tenki kuidadu ho liurai Erodes no ema Farizeu sira. Sira nia hanorin hanesan fermentu nebee tau ba trigu hodi halo trigu sae.”

Lucas 20:21

Sira dehan nunee: “Mestri, ami hatene katak Ita Boot sempre koalia buat nebee loos, i la hili ema. Ita Boot sempre hanorin ho loos kona ba Nai Maromak nia hakarak.

Lucas 7:40

Maibee Jesus hatene uma nain nia hanoin, i Nia dehan, “Simão, Hau hakarak hatete buat ida ba ita.” Simão hataan, “Bele, mestri, koalia deit.”

João 14:6

Jesus foo hatene dehan, “Hau mak dalan, lia loos no moris. La iha ema ida mai iha Hau nia Aman, se la liu hosi Hau. Tanba Hau mak dalan mesak hodi baa Maromak, Hau mak lia loos nia huun, no Hau mak foo moris loloos ba ema.

João 18:37

Governador husu fali, “Entaun, o Liurai, ka?” Jesus hataan, “Senhor rasik mak dehan Hau Liurai. Loloos nee, Hau moris para sai Liurai. Hau mai iha mundu nee para sai Liurai, hodi foo hatene kona ba buat nebee loos. Ema hotu nebee kaer metin lia loos, sira rona Hau.”

João 7:18

Ema nebee koalia lori nia naran rasik, nia hakarak buka deit nia naran. Maibee ema nebee hakarak gaba ema nebee haruka nia nee, nia koalia onestu. I nia la lohi tuun-sae.

2 Korintu 2:17

Iha mestri barak mak hanorin Maromak nia liafuan ho objetivu atu manaan osan deit. Maibee ami la hanesan sira. Ami nee hanorin ho laran moos hodi Kristu nia naran, tanba Maromak mak haruka ami, i Nia haree hela ami.

2 Korintu 4:2

Ami la simu hahalok nebee ema halo sub-subar nebee halo moe. Ami la bosok, i la inventa Maromak nia liafuan. Maibee foo sai lia loos. Ho nunee ami hatudu ba ema hotu katak ami halao ami nia serbisu ho loloos iha Maromak nia futar oin.

2 Korintu 5:16

Tanba nee, komesa agora ami la julga tan ema nia moris tuir sasukat mundu nian. Uluk ami julga duni Kristu nunee, maibee agora lae ona.

Galasia 1:10

Hau koalia hanesan nee, atu ema bele gaba hau ka? Lae! Hau hakarak atu halo haksolok Maromak nia laran, laos atu halo haksolok ema nia laran. Se hau buka atu ema gaba hau karik, entaun hau laos Kristu nia atan.

Galasia 2:6

Lider sira nee mak ema nebee hamriik iha sarani sira nia oin. Maibee mai hau, atu ema boot ka ema kiik, hau la interese, tanba Maromak la haree ba ida nee. Bainhira hau hatoo hau nia hanorin ba sira, sira simu ho diak, i la aumenta liafuan ida.

1 Tesalonika 2:4

Nai Maromak konsidera ami serve hodi hatoo Novidade Diak ba imi. Ami laos atu halo kontenti ema nia laran, maibee atu halo kontenti Nai Maromak, tan Nia mak hatene ami nia laran.

Tiago 3:17

Maibee matenek nebee mai hosi Maromak mak nee: moos, lori dame, laran maus, konsidera ema seluk, laran diak, foo fuan diak, gosta ajuda ema, la haree ba ema boot ka kiik, i la finjidu.

1 João 5:20

Ita hatene katak Maromak nia Oan mai ona, i Nia loke ona ita nia neon para ita bele konhese Ida nebee mak loos. Ita laran ida ona ho Ida nebee mak loos, ita mos laran ida ho Nia Oan Jesus Kristu. Nia mak Maromak loloos, i Nia mak moris rohan-laek.