Mateus 22:13 - Biblia Tetun Dili

¹³ Nunee liurai hatete ba nia atan sira, ‘Futu tiha ema nee nia liman-ain i soe sai ba iha fatin nakukun. Iha nebaa ema nee sei tanis hakilar i ruun nehan.’ ”

Mateus 22:13 Iomraidhean Croise

Mateus 12:29

Hau foo ezemplu tan. Se ema ida hakarak tama ba hadau sasaan hosi ema forti ida nia uma, nia tenki futu tiha ema nee uluk mak foin bele naok sasaan hosi uma nee.

Mateus 13:30

Husik sira moris hamutuk. Bainhira too nia tempu atu koa mak hau haruka ema nebee serbisu baa fokit sai duut nee hodi futu hamutuk ba sunu tiha. Depois toos nia rezultadu tau hamutuk hodi rai iha armazen laran.’ ”

Mateus 13:42

Hau nia anju sira sei soe ema aat sira nee ba iha ahi lakan laran, iha nebaa sira sei tanis hakilar i ruun nehan.

Mateus 13:50

Ema aat, sei soe ba iha ahi lakan laran, iha nebaa sira sei tanis hakilar i ruun nehan.”

Mateus 24:51

Depois patraun sei tetak rahun tiha atan nee i soe hamutuk ho ema laran makerek sira. Iha nebaa ema sei tanis hakilar i ruun nehan.”

Mateus 25:30

Agora kaer tiha atan nebee la iha folin nee, soe sai nia ba iha fatin nebee nakukun liu. Iha nebaa nia sei tanis hakilar i ruun nehan.’ ”

Mateus 8:12

Maski Maromak hili ema Israel atu sai Nia reinu hodi tama ba iha nebaa. Maibee sira barak mak Nia sei soe sai ba iha fatin nakukun. Iha nebaa sira sei tanis halerik i ruun nehan.”

Lucas 13:28

Depois imi sei tanis hakilar i ruun nehan. Tanba imi sei haree Abraão, Isac, Jacó ho profeta sira hotu tama iha Maromak nia reinu, maibee imi rasik, Maromak soe sai ba liur.

João 21:18

O komprende ona Hau nia hakarak, ka? Hau hakarak hatete nunee: uluk o foin sae, baibain o hatais ropa, no kesi sintu, i o baa nebee deit tuir o nia hakarak. Maibee, bainhira o katuas ona, o lolo o nia liman, ema ruma sei kesi o nia liman ho o nia sintu rasik, i sira lori o baa iha fatin nebee o lakohi baa.”

Apostolu sira nia Istoria 21:11

Nia lao mai iha ami, i nia foti Paulo nia sintu, hodi kesi nia liman-ain rasik ho sintu nee dehan, “Nai Maromak nia Espiritu Santu hatete nunee, ‘Sintu nee nia nain, ema Judeu sira iha Jerusalém sei futu nia nunee. Depois sira sei entrega nia ba ema nebee laos Judeu sira nia liman.’ ”

Apostolu sira nia Istoria 7:54

Bainhira justisa nain relijiaun sira rona Estevão nia koalia nee, sira hirus teb-tebes too ruun nehan.

2 Tesalonika 1:9

Nia sei foo kastigu todan ba sira hotu too rahun tinan ba tinan. Nia duni sai sira hosi Nia oin. Nunee sira sei la haree tan ona Maromak nia naroman nabilan.

2 Pedro 2:17

Mestri falsu sira nee hanesan bee matan nebee maran. Sira hanesan abu-abu nebee anin huu lakon tiha. Maromak prepara tiha ona ba sira fatin ida nebee klean i nakukun liu.

2 Pedro 2:4

Hanoin took! Uluk bainhira anju balu halo sala, Maromak kastigu sira i soe sira ba infernu. Iha nebaa sira sai dadur iha rai kuak klean nakukun hodi hein too Maromak julga sira.

Judas 1:13

Sira hatudu hahalok nebee halo moe deit ita, hanesan laloran boot nebee baku hasai nia furin iha bee leten. Sira hanesan fitun nebee lao la tuir dalan. Maromak prepara tiha ona fatin ida nakukun liu ba sira, para sira hela iha nebaa too tinan ba tinan nafatin.

Judas 1:6

Nunee Maromak mos kastigu anju nebee husik tiha sira nia knaar ho sira nia hela fatin. Maromak kesi metin sira ho korenti iha fatin nakukun laran hodi hein loron nebee Maromak tesi ema hotu-hotu nia lia.

Apokalipse 21:27

Maibee buat aat ida mos la bele tama iha nebaa. Ema nebee halo sala foer ka adora fali lulik, ho ema bosok-teen, sira hotu la bele tama. So ema sira nebee nia naran hakerek tiha ona iha Bibi Oan nia livru mak bele tama iha sidade nee.