Mateus 21:42 - Biblia Tetun Dili

⁴² Depois Jesus hatete ba sira, “ Imi nunka lee iha Livru Sagradu ka? Iha nebaa dehan, ‘Iha fatuk ida nebee badaen fatuk sira soe tiha ona, agora fatuk nee sai fali fatuk nebee importante liu sira seluk. Nai Maromak rasik mak hili fatuk nee, ita haree ba furak teb-tebes.’ ”

Mateus 21:42 Iomraidhean Croise

Mateus 21:43

“Nee duni Hau hatete ba imi, Maromak sei hasai Nia reinu hosi imi. Nia sei hili fali povu seluk nebee sei halo tuir Nia hakarak.

Apostolu sira nia Istoria 4:11

Uluk ema hakerek kona ba fatuk ida, hodi hatudu ba Nai Jesus nunee, ‘Iha fatuk ida mak badaen sira foti soe tiha ona; maibee agora fatuk nee sai fali fatuk prinsipal liu.’

Roma 9:33

Fatuk nee mak Jesus Kristu. Iha Livru Sagradu, Maromak koalia kona ba Jesus Kristu nunee: “Haree baa! Hau tau hela fatuk ida iha Siaun, iha sidade Jerusalem. Fatuk nee halo ema sidi, i halo sira monu. Maibee see mak fiar ba Jesus, sira sei la moe.”

Efezu 2:20

Nee hanesan Nai Maromak harii uma ida. Kristu Jesus hanesan fatuk prinsipal liu iha uma nee. Depois Nia apostolu sira ho profeta sira nebee tatoli Nia liafuan, mak hanesan fatuk nebee Maromak hada uluk. Depois Nia hada mos imi hamutuk iha fatuk sira nee nia leten.