Mateus 21:26 - Biblia Tetun Dili

²⁶ Maibee se ita dehan, ‘Ema mak foo kbiit’, entaun ita tauk povu, tanba povu sira hanoin dehan, João nee Maromak nia profeta.”

Mateus 21:26 Iomraidhean Croise

Mateus 11:9

Entaun imi baa atu haree see? Imi hanoin atu haree Maromak nia profeta ka? Loos duni! Maibee Hau hatete ba imi, João nee boot liu profeta.

Mateus 14:5

Tuir loloos Erodes hakarak oho João, maibee nia tauk tanba povu hanoin dehan João nee Maromak nia profeta ida.

Mateus 21:11

Ema barak nebee mak lao hamutuk ho Jesus nee hataan dehan, “Nia nee Jesus, Maromak nia profeta hosi Nazaré iha provinsia Galileia.”

Mateus 21:25

Hau nia pergunta mak nee: See mak foo kbiit ba João Sarani Nain hodi foo sarani ema? Maromak mak foo ka, ema mak foo?” Sira koalia ba malu dehan, “Ita susar ona. Se ita hataan, ‘Maromak mak foo kbiit ba nia’, Jesus sei husu fali ba ita, ‘Se nunee, nusaa mak imi la fiar ba nia?’

Mateus 21:27

Entaun sira hataan dehan, “Ami la hatene.” Jesus dehan ba sira, “Se nunee, Hau mos la hatete ba imi, see mak foo kbiit mai Hau hodi halo buat sira nee.”

Mateus 21:46

Entaun sira buka dalan atu kaer Jesus, maibee sira tauk ema barak nee, tanba povu fiar katak Jesus nee profeta ida.

Marcos 11:32

Ita mos la brani dehan, ‘Ema mak haruka,’ tanba ema hotu bele hirus. Tanba sira fiar katak João nee, Nai Maromak nia profeta.”

Marcos 12:12

Rona nunee, ema boot sira komprende ona katak, Jesus koalia kona ba sira liu hosi komparasaun. Sira hanesan ho ema sira aluga toos nee. Tanba nee, sira buka dalan hodi kaer Nia. Maibee sira la brani, tanba ema barak mak gosta rona Jesus nia hanorin. Nunee sira baa ona, husik hela Nia.

Marcos 6:20

I nia haruka soldadu sira hein João didiak. Liurai Erodes tauk no respeita hela ba João. Tanba nia hatene João nee, Nai Maromak mak haruka mai, i nia mos laran diak. Erodes gosta rona João nia koalia. Maibee dalaruma, kuandu nia rona João nia koalia, nia laran la hakmatek.

Lucas 20:19

Depois, mestri relijiaun ho nai lulik nia xefi sira rona komparasaun nee, sira hatene katak Jesus halo komparasaun nee kona ba sira. Nunee, sira buka dalan atu kaer kedas Nia. Maibee sira tauk ema barak iha nebaa.

Lucas 20:6

Maibee se ita hataan, ‘mai hosi ema’, maka ema lubuk boot nee sei foti fatuk hodi tuda mate ita. Tanba sira fiar katak, João nee Nai Maromak nia profeta.”

Lucas 22:2

Tempu nee, nai lulik nia xefi sira ho mestri relijiaun sira buka hela dalan atu oho Jesus. Maibee atu oho subar deit, tanba sira tauk povu.

João 5:35

João nia koalia nee, hanesan ahi oan ida nebee lakan hodi foo naroman. Bainhira nia sei lakan hela, imi nia laran haksolok.

João 9:22

Sira koalia nunee, tanba sira tauk ema Judeu nia boot sira. Tanba sira hatene dehan, ema boot sira nee kombina ona dehan, “Se iha ema rekonhese dehan, Jesus mak Kristu, ita tenki duni sai tiha ema nee hosi ita nia uma kreda.”

Apostolu sira nia Istoria 5:26

Rona nunee, komandante seguransa Uma Kreda Boot bolu nia funsionariu sira, hodi baa kaer fali apostolu sira. Sira kaer ho didiak deit, sira tauk kaer ho brutu, tanba keta halo be povu bele hirus i tuda sira ho fatuk.