Mateus 21:21 - Biblia Tetun Dili

²¹ Jesus hataan, “Hau hatete loloos ba imi, se imi fiar i fiar nee la nakdoko, imi mos bele halo saida mak Hau halo ona ba ai figeira huun nee. Laos ida nee deit, maibee imi mos bele haruka foho nee muda ba iha tasi laran, i sei muda duni.

Mateus 21:21 Iomraidhean Croise

Mateus 14:29

Jesus dehan, “Mai baa!” Nunee Pedro tuun hosi bero i lao iha bee leten atu baa Jesus.

Mateus 17:20

Jesus hataan, “Tanba imi nia fiar fraku. Hau dehan loloos ba imi, se imi nia fiar kiik-oan deit hanesan ai musan kiik oan ida mos, imi bele foo orden ba foho ida dehan ‘Muda hosi nee, baa iha nebaa.’ I foho nee sei muda duni. La iha buat ida nebee imi la bele halo.

Mateus 21:20

Bainhira Jesus nia eskolanti sira haree, sira admira hodi husu, “Nusaa mak ai huun nee namlaik tiha derepenti hanesan nee?”

Mateus 8:12

Maski Maromak hili ema Israel atu sai Nia reinu hodi tama ba iha nebaa. Maibee sira barak mak Nia sei soe sai ba iha fatin nakukun. Iha nebaa sira sei tanis halerik i ruun nehan.”

1 Korintu 13:2

Se karik hau iha kbiit hodi foo tutan Maromak nia lia menon, hau komprende Nia segredu hotu, hau hatene buat hotu-hotu, i hau fiar makaas too hau bele muda foho, maibee hau la iha domin, hau la iha folin ida.

Tiago 1:6

Maibee bainhira imi husu ba Nia, imi tenki husu ho fiar, la bele laran rurua. Tan see mak husu ho laran rurua, nia hanesan laloran nebee baku baa-mai bainhira anin boot.