Mateus 21:19 - Biblia Tetun Dili

¹⁹ Nia haree ai figeira huun ida iha dalan ninin, i Nia baa besik ai huun nee hodi buka nia fuan. Maibee la iha, tahan deit mak iha. Haree nunee, Jesus hatete ba ai huun nee dehan, “O sei la foo fuan tan ona!” Derepenti ai nee namlaik tiha.

Mateus 21:19 Iomraidhean Croise

Mateus 21:20

Bainhira Jesus nia eskolanti sira haree, sira admira hodi husu, “Nusaa mak ai huun nee namlaik tiha derepenti hanesan nee?”

Marcos 11:14

Jesus hatete ba ai nee, “Tanba o la foo fuan ba Hau haan, nee duni, komesa agora, o la foo tan fuan ona!” Nia eskolanti sira mos rona Jesus nia liafuan nee.

Marcos 11:20

Iha dadeer-saan tuir mai, sira fila ba Jerusalém. Iha dalan klaran sira haree ai figeira nebee Jesus horiseik foo malisan ba nee. Ai nee maran tiha ona, komesa hosi tutun too abut. Pedro hanoin too Jesus nia liafuan horiseik nee. Nia dehan, “Mestri, haree took ai ida horiseik Ita Boot foo malisan nee. Mate tiha ona!”

Lucas 3:9

Maromak hanesan toos nain nebee kaer hela baliu atu tesi ona ai huun. Ai huun hotu-hotu nebee la foo fuan diak, Nia sei tesi tiha hodi soe ba ahi laran.”

João 15:2

Ema nebee dehan nia hamutuk ho Hau, maibee la halo buat ida, Hau nia Aman sei soe tiha nia, hanesan toos nain tesi tiha sanak sira nebee la foo fuan. Maibee ema hotu nebee metin ho Hau, Hau nia Aman sei hamoos foer iha nia laran, hanesan toos nain tesi sai tiha sanak sira nebee la foo fuan para nia foo fuan barak liu.

João 15:6

Ema nebee la metin nafatin ho Hau, nia hanesan sanak nebee la iha folin. Sanak hanesan nee, toos nain tesi soe tiha, para sai ai maran. Depois ema halibur ai maran nee hodi baa sunu tiha.

2 Timóteo 3:5

Iha ema nia oin sira hatudu jeitu hanesan ema nebee fiar ba Maromak. Maibee Maromak nia kbiit la iha sira nia fuan laran. La bele ransu ho ema sira hanesan nee.

Tito 1:16

Mestri falsu sira nee dehan sira konhese Maromak, maibee sira nia hahalok hatudu katak sira la konhese Nia. Sira koalia oin ida, hahalok oin seluk. Ema sira nee hahalok aat. Sira lakohi halo tuir Nai Maromak nia hakarak, i sira la iha kapasidade hodi halo buat diak ida.

Judas 1:12

Bainhira imi sarani sira halibur malu hodi haan-hemu hamutuk, ema sira nee mai haan hamutuk ho imi, maibee sira kaan-teen i la hatene moe. Nunee sira hanesan bibi atan nebee foo haan deit nia aan, i ida nee hanesan buat foer ida iha imi nia klaran. Sira hanesan kalohan nebee anin huu, maibee la foo udan. Sira hanesan ai nebee la foo fuan, maski too ona nia tempu. Ikus mai, ai nee toos nain fokit sai tiha hamutuk ho nia abut too mate tiha.

Apokalipse 22:11

Ema nebee halo buat aat, husik sira halo buat aat nafatin baa. Ema nebee halo buat foer, husik sira halo buat foer nafatin baa. Maibee ema nebee halo buat diak, sira tenki halo buat diak nafatin. I ema nebee moris ho laran moos, tenki moris ho laran moos nafatin.”