Mateus 21:15 - Biblia Tetun Dili

¹⁵ Bainhira nai lulik nia ulun sira ho mestri relijiaun sira haree milagre nebee Jesus halo, sira hirus. Sira mos hirus liu tan tanba labarik sira haklalak dehan, “Hosana, liurai David nia Jerasaun!”

Mateus 21:15 Iomraidhean Croise

Mateus 20:24

Bainhira eskolanti nain sanulu rona buat nebee mak Tiago ho João husu, sira hirus maun-alin nain rua nee.

Mateus 21:23

Depois Jesus tama iha area uma kreda boot hodi hanorin iha nebaa. Nia sei hanorin hela, nai lulik nia ulun sira ho lider katuas judeu sira mai husu ba Jesus, “O iha kbiit saida para halo buat sira nee? See mak foo kbiit nee ba O?”

Mateus 21:9

Ema balu lao uluk iha Jesus nia oin, balu lao hosi kotuk. Sira hotu haklalak hahii Maromak dehan, “Hosana, liurai David nia Jerasaun! Maromak foo bensaun ba Ida nebee mai lori Nai Maromak nia naran. Hosana, hahii Nia iha fatin aas liu!”

Mateus 22:42

“Imi hanoin saida kona ba Kristu, Salvador nebee mak Maromak promete ona hori uluk atu haruka mai nee? Kristu nee see nia Jerasaun?” Sira hataan, “Nia nee liurai David nia Jerasaun.”

Mateus 26:3

Iha tempu nebaa nai lulik nia xefi sira ho katuas lia nain Judeu nian halibur hamutuk iha nai lulik boot Kaifás nia uma.

Mateus 26:59

Nai lulik nia xefi sira ho tesi lian nain relijiaun Judeu sira seluk buka hela ema atu foo sasin falsu para bele kastigu mate Jesus.

Mateus 27:1

Iha dadeer-saan, xefi relijiaun Judeu sira ho katuas lia nain sira halibur hodi foti desizaun para kastigu mate Jesus.

Mateus 27:20

Maibee nai-lulik nia xefi sira ho katuas lia nain sira obriga ema barak nee husu ba Pilatus atu husik Barabás, i oho Jesus.

Mateus 9:27

Depois Jesus sai hosi fatin nee. Nia lao dadauk, iha ema matan delek nain rua lao tutuir Nia hodi bolu ho lian makaas dehan, “Liurai David nia jerasaun, hadomi ami baa!”

Marcos 11:18

Bainhira mestri relijiaun ho nai-lulik nia ulun sira rona katak Jesus halo hanesan nee, sira hirus teb-tebes. Nunee sira mos buka dalan hodi bele oho Nia. Maibee sira la brani, tanba ema barak mak sei gosta rona Nia liafuan.

Lucas 20:1

Iha loron ida, Jesus hanorin no foo sai Maromak nia Novidade Diak iha area Uma Kreda Boot nian. Nia sei koalia hela, nai lulik nia xefi sira, mestri relijiaun sira ho lideransa katuas sira mai hasoru Nia

Lucas 22:2

Tempu nee, nai lulik nia xefi sira ho mestri relijiaun sira buka hela dalan atu oho Jesus. Maibee atu oho subar deit, tanba sira tauk povu.

Lucas 22:66

Iha dadeer-saan, loro matan foin sae, ema Judeu nia ulun boot sira halibur malu. Sira nee mak: lideransa sira, nai lulik nia xefi sira ho mestri relijiaun sira. Depois ema nebee hein Jesus lori Nia baa aprezenta ba sira para tesi Nia lia.

João 11:57

Maibee nai lulik nia xefi sira, ho ema Farizeu sira foo ona orden dehan, “Se ema ruma haree Jesus, foo hatene mai ami!” Afinal sira iha planu atu kaer Jesus.

João 12:19

Entaun ema Farizeu koalia ba malu dehan, “Haree baa! Ema hotu iha mundu nee fadigadu hodi tuir Nia. Iha ikus mai ita mak susar. Se nunee, ita la bele halo tan buat ida ona.”

João 4:1

Se kompara João ho Jesus, Jesus nia eskolante sira sarani ema barak liu ema nebee tuir Nia. Jesus rasik la sarani ema, so Nia eskolante sira mak sarani. I bainhira Jesus hatene dehan, ema hosi grupu relijiaun Farizeu rona ona dehan sira sarani ema barak liu,

João 7:42

Tanba tuir Maromak nia Eskritura Sagrada, Kristu nee, liurai David nia jerasaun. Iha fatin seluk hakerek mos dehan, Nia nee, ema Belem oan, iha liurai David nia moris fatin. Loos, ka lae?”