Mateus 20:21 - Biblia Tetun Dili

²¹ Jesus husu, “Senhora hakarak saida?” Senhora nee hataan, “Hau husu atu aban-bainrua iha Ita Boot nia reinu, hau nia oan nain rua nee, ida tuur iha Ita Boot nia sorin loos, ida seluk tuur iha Ita Boot nia sorin karuk.”

Mateus 20:21 Iomraidhean Croise

Ester 5:3

I liurai husu ba nia dehan, “Oinsaa, Ester? Presiza saida? Hakarak husu buat ruma mai hau, dehan deit! Hau sei foo! Maski o hakarak husu hau nia riku-soin nasaun nian fahe ba rua mos, hau foo deit.”

Mateus 18:1

Iha tempu nebaa, Jesus nia eskolanti sira mai husu ba Nia, “See mak boot liu iha Maromak nia reinu?”

Mateus 19:28

Jesus hatete ba sira, “Hau dehan loloos ba imi, bainhira Maromak halo buat hotu sai foun, Hau, Ema Oan sei tuur iha kadeira ukun, i naroman lalehan nian haleu hela Hau. Imi sira nebee agora tuir Hau mos sei tuur iha kadeira ukun sanulu resin rua hodi tesi Israel nia suku sanulu resin rua nia lia.

Mateus 20:22

Maibee Jesus hataan ba Tiago ho João dehan, “Imi la komprende saida mak imi husu. La kleur Hau sei hemu kalis ka simu terus todan. Imi mos prontu simu terus nee ka lae?” Sira hataan, “Ami prontu.”

Mateus 20:32

Rona nunee, Jesus para, i bolu sira mai hodi husu, “Imi hakarak Hau halo saida ba imi?”

Marcos 10:51

Jesus husu, “O hakarak saida?” Ema matan delek nee hataan, “Mestri, hau husu atu hau bele haree.”

Marcos 16:19

Jesus koalia tiha hotu, Nai Maromak hasae Nia ba lalehan. Nia tuur iha Nai Maromak nia liman kuana para Sira nain rua ukun hamutuk.

Marcos 6:22

Iha festa klaran, senhora Erodias nia oan feto tama baa dansa. I nia dansa kapaas teb-tebes, halo Erodes ho konvidadu sira laran haksolok. Depois liurai bolu menina nee, hodi promete ba nia, “O hakarak husu saida ba hau, husu deit! Hau sei foo duni.

Lucas 18:41

“O hakarak Hau halo saida ba o?” Nia hataan, “Nai, hau hakarak haree.”

Lucas 19:11

Tempu nebaa, ema barak rona hela Jesus nia hanorin. Nia besik dadaun Jerusalém, i povu hanoin katak, too iha nebaa, Maromak atu ukun kedas nudar Liurai. Entaun Jesus hanorin sira ho komparasaun ida.

Lucas 22:24

Depois Jesus nia eskolanti sira komesa haksesuk malu. Sira diskuti malu kona baa, hosi sira nee, ida nebee mak boot liu.

João 15:7

Maibee se imi metin nafatin ho Hau, i Hau nia Liafuan mos hela metin iha imi nia laran, maka imi bele husu saida deit ba Nai Maromak, Nia sei foo ba imi.

Apostolu sira nia Istoria 1:6

Bainhira Jesus hasoru malu fali ho Nia apostolu sira, sira husu, “Nai, tempu too ona atu Ita Boot halo ita ema Israel ukun aan fila fali ka lae?”

Roma 12:10

Hadomi malu hanesan maun-alin. Hatudu uluk respeitu ba malu.

Roma 8:34

Entaun see mak foo kastigu mai ita? La iha! Tanba Kristu Jesus mate ona ba ita, maibee laos nee deit, Nia moris fila fali ona, i agora Nia tuur iha Maromak nia sorin loos hodi defende ita.

Kolose 3:1

Nai Maromak halo imi moris fali ona hamutuk ho Kristu. Agora Kristu tuur iha lalehan, iha Nai Maromak nia sorin loos. Nee duni hanoin bebeik buat lalehan nian.